ನಗರದ ಎಸ್ಐಟಿ ಕ್ರೀಡಾಂಗಣಕ್ಕೆ ಸೋಮವಾರ ಸಂಜೆ 6.30ಕ್ಕೆ ಪುನೀತ್ ಕಾಲಿಡುತ್ತಿದ್ದಂತೆ ಅಲ್ಲಿ ನೆರದಿದ್ದವರಲ್ಲಿ ಮಿಂಚಿನ ಸಂಚಾರ. ನನ್ನ ಮೊದಲ ಚಿತ್ರ 'ಅಪ್ಪು' ಬಿಡುಗಡೆಯಾಗಿ 4 ವಾರ ಉತ್ತಮ ಪ್ರದರ್ಶನ ಕಂಡವೇಳೆ ಮೊದಲಿಗೆ ಭೇಟಿ ನೀಡಿದ್ದು ತುಮಕೂರಿಗೆ. ಅಂದು ಆನೆ ಮೇಲೆ ಮೆರವಣಿಗೆ ಮಾಡಿಸಿದ್ದರು. ನಂತರ ಹಲವು ಚಿತ್ರಗಳು ತೆರೆಕಂಡಾಗ ತುಮಕೂರಿಗೆ ಭೇಟಿ ನೀಡಿದ್ದೆ. ಇತ್ತೀಚೆಗೆ 'ನಟಸಾರ್ವಭೌಮ' ಬಿಡುಗಡೆ ಸಂದರ್ಭದಲ್ಲೂ ಬಂದಿದ್ದಾಗ ಆನೆಯಿಂದ ಹಾರ ಹಾಕಿಸಿದ್ದರು ಎಂದು ನೆನಸಿಕೊಂಡ ಪುನೀತ್ ನನಗೆ ಯಾವತ್ತಿದ್ದರೂ ತುಮಕೂರು ಹೃದಯಕ್ಕೆ ಹತ್ತಿರ ಎಂದರು. ಯುವರತ್ನ ಸಿನಿಮಾ ನಿರ್ದೇಶಕ ಸಂತೋಷ್ ಆನಂದ್ರಾಮ್, ಡಾ.ರಾಜ್ಸೇನೆ ಸಮಿತಿ ಜಿಲ್ಲಾಧ್ಯಕ್ಷ ಶಿವರಾಜ್, ಅಪ್ಪು ಯೂತ್ ಬ್ರಿಗೇಡ್ ಅಧ್ಯಕ್ಷ ದೀಕ್ಷಿತ್, ವೈ.ಅಮಿತ್ ಮತ್ತಿತರರು ಇದ್ದರು.
