ಹಲವರ ಒತ್ತಡ: ಹಸಿ ಕಸ ಸಂಗ್ರಹಣೆ ಟೆಂಡರ್ ಪ್ರಕ್ರಿಯೆ ಪೂರ್ಣಗೊಂಡಿದ್ದು, 45 ವಾರ್ಡ್ಗಳ ಗುತ್ತಿಗೆದಾರರಿಗೆ ಕಾರ್ಯಾದೇಶ ನೀಡುವುದು ಬಾಕಿಯಿತ್ತು. ಆದರೆ, ಪಾಲಿಕೆಯಲ್ಲಿ ಮೈತ್ರಿ ಆಡಳಿತ ಕೊನೆಯಾಗಿ, ಬಿಜೆಪಿ ಬಿಬಿಎಂಪಿ ಅಧಿಕಾರದ ಗದ್ದುಗೆ ಏರಿತು. ಕೇವಲ ಹಸಿ ಕಸ ಸಂಗ್ರಹಣೆಯಿಂದ ನಗರದಲ್ಲಿ ಬ್ಲ್ಯಾಕ್ಸ್ಪಾಟ್ಗಳು ಹೆಚ್ಚು ನಿರ್ಮಾಣವಾಗುವ ಸಾಧ್ಯತೆಗಳಿವೆ. ಹೀಗಾಗಿ ಟೆಂಡರ್ ರದ್ದುಗೊಳಿಸಲು ಹಲವು ಸದಸ್ಯರು ಒತ್ತಡ ಹೇರಿದ್ದರು. ಇಂದೋರ್ ಮಾದರಿ ಅಳವಡಿಕೆ ಚಿಂತನೆ ಹಾಗೂ ಬ್ಲ್ಯಾಕ್ಸ್ಪಾಟ್ ನಿರ್ಮಾಣ ನೆಪವೊಡ್ಡಿ, ಹಳೇ ಟೆಂಡರ್ ರದ್ದುಗೊಳಿಸಿ ಹೊಸ ಟೆಂಡರ್ಗೆ ಕೌನ್ಸಿಲ್ ಸಭೆಯಲ್ಲಿ ನಿರ್ಣಯಿಸಲಾಯಿತು. ಹೊಸ ಟೆಂಡರ್ನಲ್ಲಿ ಹಸಿ ಕಸ, ಒಣ ಕಸ ಮತ್ತು ಸ್ಯಾನಿಟರಿ ತ್ಯಾಜ್ಯ ಸಂಗ್ರಹಣೆ ಮಾಡಲು ಒಬ್ಬನೇ ಗುತ್ತಿಗೆದಾರನಿಗೆ ಜವಾಬ್ದಾರಿ ವಹಿಸುವ ಕುರಿತು ತೀರ್ವನಿಸಲಾಯಿತು.
