ಕಳೆದ ಬಾರಿಯಂತೆ ಈ ಬಾರಿಯೂ ವಿವಿಧ ಚಿತ್ತಾರಗಳು ಮತಗಟ್ಟೆ ಗೋಡೆಗಳನ್ನು ಅಲಂಕರಿಸಲಿವೆ. ಒಟ್ಟು 5 ವಿಷಯಗಳಲ್ಲಿ ಮತಗಟ್ಟೆಗಳನ್ನು ವಿಭಾಗಿಸಲಾಗಿದ್ದು, ಆಯಾಯ ವಿಷಯಗಳಿಗೆ ಸಂಬಂಧಪಟ್ಟ ಚಿತ್ರಗಳನ್ನು ಬಿಡಿಸಲಾಗುತ್ತಿದೆ. ಸಾಂಪ್ರದಾಯಿಕ ಮತಗಟ್ಟೆ(ಯಕ್ಷಗಾನ)ಯಾಗಿ ಮಂಚಿ ಕುಕ್ಕಾಜೆ ಗ್ರಾಪಂ ಕಚೇರಿ, ಅಂಗವಿಕಲರ ನಿರ್ವಹಣೆಯ ಮತಗಟ್ಟೆಯಾಗಿ ಬೋಳಂತೂರು ಸರ್ಕಾರಿ ಹಿ.ಪ್ರಾ.ಶಾಲೆ, ಸಖಿ ಮತಗಟ್ಟೆಗಳಾಗಿ ಕಡಂಬು ಸರ್ಕಾರಿ ಹಿ.ಪ್ರಾ ಶಾಲೆ, ಬಡಗಕಜೆಕಾರು ಮಾಡಪಲ್ಕೆ ಸರ್ಕಾರಿ ಹಿ.ಪ್ರಾ ಶಾಲೆ, ನರಿಕೊಂಬು ಬೋಳಂತೂರು ಸರ್ಕಾರಿ ಹಿ.ಪ್ರಾ ಶಾಲೆ, ಕನ್ಯಾನ ಕರ್ನಾಟಕ ಪಬ್ಲಿಕ್ ಸ್ಕೂಲ್ ಪ್ರಾಥಮಿಕ ಶಾಲಾ ವಿಭಾಗ, ಸಿದ್ದಕಟ್ಟೆ ಸೇಂಟ್ ಪ್ಯಾಟ್ರಿಕ್ ಅನುದಾನಿತ ಹಿ.ಪ್ರಾ ಶಾಲೆ, ಯುವಜನ ನಿರ್ವಹಣೆಯ ಮತಗಟ್ಟೆಗಳಾಗಿ ಲೊರೆಟ್ಟೊ ಅನುದಾನಿತ ಹಿ.ಪ್ರಾ ಶಾಲೆ, ಧ್ಯೇಯ ಆಧಾರಿತ ಮತಗಟ್ಟೆಗಳಾಗಿ ಮೂರ್ಜೆ ಸರ್ಕಾರಿ ಹಿ.ಪ್ರಾ ಶಾಲೆ ಗಮನ ಸೆಳೆಯಲಿದೆ.
