ರಾಜಧಾನಿಯಲ್ಲಿ ರಸ್ತೆ, ಮರ, ವಿದ್ಯುತ್ ಕಂಬ, ಉದ್ಯಾನ, ಸಾರ್ವಜನಿಕ ಸ್ಥಳ ಹಾಗೂ ಪಾದಚಾರಿ ಮಾರ್ಗಗಳಲ್ಲಿ ಜೇಡರ ಬಲೆಯಂತೆ ಒಎ್ಸಿ ಕೇಬಲ್ಗಳು ವ್ಯಾಪಿಸಿ, ದ್ವಿಚಕ್ರವಾಹನ ಸವಾರರಿಗೆ, ಪಾದಚಾರಿಗಳಿಗೆ ಸಾವಿನ ಕುಣಿಕೆಯಾಗಿ ಪರಿಣಮಿಸಿವೆ. ಅನಧಿಕೃತ ಕೇಬಲ್ಗಳ ತೆರವುಗೊಳಿಸುವಂತೆ ಹೈಕೋರ್ಟ್ ಹಲವು ಬಾರಿ ಚಾಟಿ ಬೀಸಿದ್ದರೂ ಬಿಬಿಎಂಪಿ ಅಧಿಕಾರಿಗಳು ಮಾತ್ರ ಎಚ್ಚೆತ್ತುಕೊಂಡಿಲ್ಲ. ನಗರದಲ್ಲಿ 13 ಟೆಲಿಕಾಂ ಕಂಪನಿಗಳಿಂದ 84.23 ಲಕ್ಷ ಮೀಟರ್ ಕೇಬಲ್ ಹಾಗೂ ಅಂತರ್ಜಾಲ ಸೇವೆ ಕಂಪನಿಗಳಿಂದ 13.15 ಲಕ್ಷ ಮೀಟರ್ ಕೇಬಲ್ ಅಳವಡಿಸಲಾಗಿದೆ. ಅನಧಿಕೃತ ಕೇಬಲ್ ತೆರವಿಗೆ ಹೈಕೋರ್ಟ್ ಪಾಲಿಕೆಗೆ ಗಡುವು ನೀಡುತ್ತ ಬರುತ್ತಿದ್ದರೂ ಬಿಬಿಎಂಪಿ ಅಧಿಕಾರಿಗಳು ಟೆಲಿಕಾಂ ಕಂಪನಿಗಳ ಜತೆ ಶಾಮೀಲಾಗಿ ಪರಿಣಾಮಕಾರಿ ಕೇಬಲ್ ತೆರವು ಕಾರ್ಯಾಚರಣೆಗೆ ಮುಂದಾಗುತ್ತಿಲ್ಲ. ಮರಗಳಲ್ಲಿ ನೇತಾಡುವ ಕೇಬಲ್ಗಳು ತುಂಬ ಅಪಾಯಕಾರಿಯಾಗಿದ್ದು, ಬೈಕ್ಗೆ ಅಥವಾ ಸವಾರರು ಬಿದ್ದು ಅನಾಹುತ ಸಂಭವಿಸಿದ ಘಟನೆಗಳು ಮರುಕಳಿಸುತ್ತಿವೆ.
