ಅಚ್ಚುಕಟ್ಟು ಪ್ರದೇಶಕ್ಕೆ ನೀರು ಬಿಡುಗಡೆ

ಈ ವೇಳೆ ಮಾತನಾಡಿದ ಶಾಸಕ ಸುರೇಶ್​ ಬಾಬು, ಈ ಭಾಗದ ಜನರ ಕುಡಿಯುವ ನೀರಿನ ಸಮಸ್ಯೆ ಹಾಗೂ ಜಾನುವಾರುಗಳಿಗೆ ನೀರಿಗಾಗಿ ಈ ಕ್ರಮ ಅನಿವಾರ್ಯವಾಗಿತ್ತು. ಜಲಾಶಯದಿಂದ ಇಂದಿನಿಂದ ಸತತ 20 ದಿನಗಳ ಕಾಲ ಕಾಲುವೆಗಳಿಗೆ ನೀರು ಹರಿಸಲು ತಾಲೂಕು ಆಡಳಿತ ಹಾಗೂ ನೀರಾವರಿ ಇಲಾಖೆ ತೀಮಾರ್ನಿಸಿದೆ. ನೀರು ಬಿಡುಗಡೆ ಮಾಡಿರುವುದು ಕೇವಲ ರೈತರ ಹಿತದೃಷ್ಟಿಯಿಂದ. ಈ ಹಿನ್ನೆಲೆಯಲ್ಲಿ ಪ್ರತಿಯೊಬ್ಬ ರೈತರೂ ಸ್ವಾರ್ಥ ಬಿಟ್ಟು, ಎಲ್ಲರಿಗೂ ನೀರು ಸಿಗುವಂತೆ ಸಹಕರಿಸಬೇಕು ಎಂದು ತಿಳಿಸಿದರು.

ಕಾಲುವೆ ನೀರಿಗೆ ಅಕ್ರಮವಾಗಿ ಮೋಟಾರ್​ ಅಳವಡಿಸಿ ನೀರು ಎತ್ತಬಾರದು. ಒಂದು ವೇಳೆ ಅಕ್ರಮವೆಸಗಿದರೆ ಅದು ಉಳಿದ ರೈತರಿಗೆ ಮಾಡುವ ದ್ರೋಹವಾಗಲಿದೆ ಎಂದು ಎಚ್ಚರಿಸಿದರು.

ಜಲಾಶಯದಿಂದ ಕೇವಲ ಕಾಲುವೆಗಳ ಮೂಲಕ ಮಾತ್ರವಲ್ಲದೆ, ಹಳ್ಳದ ಮೂಲಕವೂ ನೀರು ಹರಿಸಬೇಕು ಎಂದು ರೈತರು ಶಾಸಕರಲ್ಲಿ ಒತ್ತಾಯಿಸಿದರು. ಇದರಿಂದ ಅಂತರ್ಜಲ ವೃದ್ಧಿಯ ಜತೆಗೆ ಹೆಚ್ಚಿನ ಭಾಗಕ್ಕೆ ಅನುಕೂಲವಾಗಲಿದೆ ಎಂಬುದು ರೈತರ ವಾದವಾಗಿತ್ತು. ಇದರ ಪರಿಣಾಮ ಮೊದಲ ಹಂತದಲ್ಲೇ ಹಳ್ಳದ ಮೂಲಕ ನೀರು ಹರಿಸಲಾಯಿತು.

ಸಣ್ಣ ನೀರಾವರಿ ಇಲಾಖೆಯ ಎಂಜಿನಿಯರ್​ ಚಿತ್ತಪ್ಪ, ಕಂದಾಯ ಇಲಾಖೆಯ ಆರ್​ಐ ಶ್ರೀನಿವಾಸ್​, ಪಿಡಿಒ ತಿಪ್ಪೇಸ್ವಾಮಿ, ಗ್ರಾಮ ಲೆಕ್ಕಾಧಿಕಾರಿ ಅಶ್ವಿನಿ, ಅಚ್ಚುಕಟ್ಟು ಪ್ರದೇಶದ ಸಂಘದ ಅಧ್ಯಕ್ಷ ದಬ್ಬಗುಂಟೆ ರವಿಕುಮಾರ್​, ಸೊಸೈಟಿ ಅಧ್ಯಕ್ಷ ಮದಕರಿ, ತಾಪಂ ಮಾಜಿ ಸದಸ್ಯೆ ಕವಿತಾ, ಗ್ರಾಪಂ ಮಾಜಿ ಸದಸ್ಯರುಗಳಾದ ರಘು, ಗಿರೀಶ್​, ಗೋವಿಂದಪ್ಪ, ಮಲ್ಲಿಕಣ್ಣ, ಮಲ್ಲೇಶಣ್ಣ, ಮಂಜಣ್ಣ, ಶಿವಣ್ಣ, ಈರಣ್ಣ, ಹನುಂತರಾಯಪ್ಪ, ಕಾಂತಣ್ಣ, ದಶರತ್​ ಇದ್ದರು.