ಶಾಲೆಗಳಲ್ಲಿ ಬಾರಿಸಲಿದೆ "ವಾಟರ್​ಬೆಲ್​'

ರಾಜ್ಯದ ಎಲ್ಲಾ ಸರ್ಕಾರಿ, ಅನುದಾನಿತ ಹಾಗೂ ಅನುದಾನರಹಿತ ಶಾಲೆಗಳಲ್ಲಿ ಮಕ್ಕಳಿಗೆ ನೀರು ಕುಡಿಯುವಂತೆ ನೆನಪಿಸಲು "ವಾಟರ್​ಬೆಲ್​' ನಿಯಮ ಅಳವಡಿಸಿಕೊಳ್ಳಬೇಕು ಎಂದು ಶಾಲಾ ಶಿಕ್ಷಣ ಇಲಾಖೆ ಪಿಎಂ ಪೋಷಣ್​ ಶಕ್ತಿ ನಿರ್ಮಾಣ್​ ನಿರ್ದೇಶಕ ಸುತ್ತೋಲೆ ಹೊರಡಿಸಿದ್ದು ಎಲ್ಲಾ ಶಾಲೆಗಳಲ್ಲಿಯೂ ಬೆಲ್​ ಬಾರಿಸಲಿದೆ.

ಮಕ್ಕಳ ಬೆಳವಣಿಗೆ ಮತ್ತು ಆರೋಗ್ಯದ ಹಿತದೃಷ್ಠಿಯಿಂದ ನೀರು ಅತ್ಯಾವಶ್ಯಕ ಎನ್ನಿಸಿದ್ದು ದೇಹದ ಉಷ್ಣಾಂಶವನ್ನು ನಿಯಂತ್ರಣದಲ್ಲಿಡುವ ಜತೆಗೆ ಆಹಾರ ಜೀರ್ಣವಾಗಲು ನೆರವಾಗಲಿದೆ. ಮಕ್ಕಳ ದೇಹದಲ್ಲಿ ನೀರಿನ ಕೊರತೆಯಿಂದ ಸಂಭವಿಸಬಹುದಾದ ಸಮಸ್ಯೆಗಳಿಂದ ತಪ್ಪಿಸಿಕೊಳ್ಳಲು ಅನುಕೂಲವಾಗುವಂತೆ ವಾಟರ್​ಬೆಲ್​ ಪರಿಚಯಿಸಲಾಗುತ್ತಿದೆ.