ಬಡ್ತಿಗೆ ಆಗ್ರಹಿಸಿ ವಿವಿ ಪ್ರಾಧ್ಯಾಪಕರಿಂದ ತರಗತಿ ಭಹಿಷ್ಕಾರ?

ವಿವಿಯಲ್ಲಿ ವಿದ್ಯಾರ್ಥಿ, ಬೋಧಕ ಸಿಬ್ಬಂದಿಗಳ ಹಿತರಕ್ಷಣೆಗೆ ಸಂಬಂಧಿಸಿದ ಯಾವುದೇ ವಿಷಯಗಳು ಚರ್ಚೆಯಾಗುತ್ತಿಲ್ಲ ಎಂದು ಆತಂಕ ವ್ಯಕ್ತಪಡಿಸಿರುವ ಪ್ರಾಧ್ಯಾಪಕರು ತರಗತಿ ಭಹಿಷ್ಕರಿಸಿ ಪ್ರತಿಭಟನೆ ನಡೆಸಲು ಮುಂದಾಗಿರುವುದು ಶೈಕ್ಷಣಿಕ ವಲಯದಲ್ಲಿ ಆಘಾತಕಾರಿ ಎನ್ನಿಸಿದ್ದು ವಿದ್ಯಾರ್ಥಿ ಹಾಗೂ ಸಾರ್ವಜನಿಕ ವಲಯದ ಆಕ್ರೋಶಕ್ಕೆ ಕಾರಣವಾಗಿದೆ.

ವಿವಿ ಅಧ್ಯಾಪಕರು ವಿವಿ ಆಡಳಿತ ಮಂಡಳಿ ವಿರುದ್ಧ ಶಾಂತಿಯುತ ಪ್ರತಿಭಟನೆಗೆ ಮುಂದಾಗಿದ್ದ ಏ.8ರಂದು ತರಗತಿ ಭಹಿಷ್ಕರಿಸಲು ಸಿದ್ಧತೆ ನಡೆಸಿರುವುದು ಆಘಾತದ ಜತೆಗೆ ಶೈಕ್ಷಣಿಕವಲಯದಲ್ಲಿ ಆತಂಕ ಮೂಡಿಸಿದೆ. ಅರ್ಹ ಅಧ್ಯಾಪಕರಿಗೆ ವೃತ್ತಿ ಪ್ರಗತಿ ಯೋಜನೆ (ಸಿಎಎಸ್​) ಅಡಿಯಲ್ಲಿ ಬಡ್ತಿ ಅದೇಶಗಳ ನೀಡಿಕೆಯಲ್ಲಿ ನಡೆಯುತ್ತಿರುವ ಅತಿಯಾದ ವಿಳಂಬ ವಿವಿಯಲ್ಲಿ ಸಂರ್ಷ ತಂದೊಡ್ಡಿದೆ.

ವಿವಿ ಅಧ್ಯಾಪಕರ ಸಂ ಸೋಮವಾರ(ಏ.6) ರಂದು ಕುಲಪತಿ ಪ್ರೊ.ಎಂ.ವೆಂಕಟೇಶ್ವರಲು ಅವರಿಗೆ ಮನವಿ ಸಲ್ಲಿಸಲಿದ್ದು ಏ.8ರಂದು ತರಗತಿ ಭಹಿಷ್ಕರಿಸಿ ಪ್ರತಿಭಟನೆಯನ್ನು ತೀವ್ರಗೊಳಿಸಲಿದ್ದಾರೆ. ಪ್ರಾಧ್ಯಾಪಕರು ತರಗತಿಗಳನ್ನು ಭಹಿಷ್ಕರಿಸಿ ಪ್ರತಿಭಟನೆಗೆ ಮುಂದಾಗಿರುವುದು ವಿಶ್ವವಿದ್ಯಾಲಯದ ಇತಿಹಾಸದಲ್ಲಿಯೇ ಮೊದಲು ಎನ್ನಿಸಿದ್ದು ಕಪು$್ಪಚುಕ್ಕೆಯಾಗಲಿದೆ.

ಪ್ರಾಧ್ಯಾಪಕರು ನಿಯಮಾನುಸಾರ ಸಿಎಎಸ್​ ಅರ್ಜಿ ಸಲ್ಲಿಸಿ, ಶಿಾರಸು ಮಾಡಿದ 30 ದಿನದಲ್ಲಿ ಪ್ರಕ್ರಿಯೆ ಪೂರ್ಣಗೊಳಿಸಬೇಕಿದ್ದರೂ ಅರ್ಜಿಗಳ ಅನುಮೋದನೆ ಬಾಕಿ ಉಳಿಸಿಕೊಂಡಿರುವುದು ಪ್ರಾಧ್ಯಾಪಕರಲ್ಲಿ ಕಳವಳ ಸೃಷ್ಠಿಸಿದೆ. ಇತ್ತೀಚಿನ ಹಲವು ಸಿಂಡಿಕೇಟ್​ ಸಭೆಗಳಲ್ಲಿ ವಿದ್ಯಾರ್ಥಿ, ಬೋಧಕ ಸಿಬ್ಬಂದಿಗಳ ಹಿತರಕ್ಷಣೆಗೆ ಸಂಬಂಧಿಸಿದ ಯಾವುದೇ ವಿಷಯಗಳ ಕುರಿತು ಚರ್ಚೆ ಹಾಗೂ ಅನುಮೋದನೆಗಳು ಸಿಗದೇ ಇರುವುದು ವಿಶ್ವವಿದ್ಯಾನಿಲಯದ ಬೆಳವಣಿಗೆಗೆ ಪೂರಕವಾಗಿಲ್ಲ ಎಂದು ಪ್ರಾಧ್ಯಾಪಕರ ಸಂ ಕುಲಪತಿಗೆ ಪತ್ರ ಬರೆದಿದೆ.

ವಿವಿ ನೇಮಕಾತಿ ಸಂದರ್ಭದಲ್ಲಿ ಪದವಿ ಕಾಲೇಜು ಖಾಲಿ ಹುದ್ದೆಗೆ ನೇಮಕವಾಗಿರುವ ಸಹಾಯಕ ಪ್ರಾಧ್ಯಾಪಕರು ಸ್ನಾತಕೋತ್ತರ ವಿಭಾಗದಲ್ಲಿ ಠಿಕಾಣಿ ಹೂಡಿರುವುದು ಪಿಜಿಗೆ ನೇಮಕವಾಗಿರುವ ಪ್ರಾಧ್ಯಾಪಕರ ಕಣ್ಣು ಕೆಂಪಗಾಗಿಸಿದೆ. ಸ್ನಾತಕೋತ್ತರ ವಿಭಾಗದ ಮುಖ್ಯಸ್ಥರಾಗಿ ಯುಜಿಗೆ ನೇಮಕವಾದ ಪ್ರಾಧ್ಯಾಪಕರನ್ನು ಕೂರಿಸಿದ್ದು ಪಿಜಿಗೆ ನೇಮಕವಾದವರನ್ನು ಸುಮ್ಮನೆ ಕೂರಿಸಲಾಗಿರುವುದು ವಿವಿಯಲ್ಲಿ ವಿವಾದ ಭುಗಿಲೇಳಲು ಕಾರಣವಾಗಿದೆ.

ವಿಭಾಗದ ಮುಖ್ಯಸ್ಥರ ನೇಮಕಾತಿಯಲ್ಲಿ ಮೀಸಲಾತಿ ನಿಯಮಗಳನ್ನು ಪಾಲಿಸಿಲ್ಲ, ಪಕ್ಷಪಾತ ನಡೆಸಲಾಗಿದೆ ಎಂದು ಆರೋಪಿಸಿರುವ ಕೆಲವು ಪ್ರಾಧ್ಯಾಪಕರು ವಿವಿ ಆಡಳಿತದ ವಿರುದ್ಧ ಸರ್ಕಾರಕ್ಕೆ ದೂರು ನೀಡಿದ್ದಾರೆ ಎನ್ನಲಾಗಿದೆ. ಸಾಕಷ್ಟು ಅವಾಂತರಗಳಲ್ಲಿಯೇ ಮುಳುಗಿರುವ ವಿಶ್ವವಿದ್ಯಾಲಯದಲ್ಲಿ ಸಿಂಡಿಕೇಟ್​ ಸದಸ್ಯರು ಹಾಗೂ ಆಡಳಿತ ಮಂಡಳಿಯ ಅಗ್ಗಜಗ್ಗಾಟದಿಂದ ಶೈಕ್ಷಣಿಕ ಚಟುವಟಿಕೆಗಳಿಗೆ ಗ್ರಹಣ ಬಡಿದಿದೆ.