ತುಮಕೂರು ಓಪನ್​ ಸೆಮಿಸ್​ಗೆ ಜಸ್ಟಿನಾ, ಪಾವ್ಲಿಕೊವಾಸ್ಕೊ

ನಗರದ ವಿವಿ ಆವರಣದ ಜಿಲ್ಲಾ ಟೆನಿಸ್​ ಕ್ರೀಡಾಂಗಣದಲ್ಲಿ ಶುಕ್ರವಾರ ಪ್ರಧಾನಸುತ್ತಿನ ಸಿಂಗಲ್ಸ್​ ಕ್ವಾರ್ಟರ್​ಫೈನಲ್ ​ನಲ್ಲಿ ಅಗ್ರಶ್ರೇಯಾಂಕಿತೆ ಲಿಥುವೇನಿಯಾದ ಜಸ್ಟಿನಾ ಮಿಕುಲ್​ಸ್ಕೆ$ಟ್​ 5-7, 6-0, 6-2 ಸೆಟ್​ಗಳಿಂದ ರಷ್ಯಾದ ಕ್ಸೆನಿಯಾ ಲಸ್ಕೊಟೋವಾ ವಿರುದ್ಧ ಜಯಗಳಿಸಿ ಸೆಮಿಫೈನಲ್ ತಲುಪಿದರು. ಜಸ್ಟಿನಾ 5-7 ರಿಂದ ಮೊದಲ ಸೆಟ್​ ಬಿಟ್ಟುಕೊಟ್ಟರಾದರು ನಂತರ ಪ್ರಚಂಡವಾಗಿ ಪುಟಿದೆದ್ದರು. 6-0, 6-2 ಸೆಟ್​ಗಳಿಂದ ಕ್ಸೆನಿಯಾ ಮೇಲೆ ಸವಾರಿ ಮಾಡಿ ಪಂದ್ಯ ಗೆದ್ದುಕೊಂಡರು.

ಎರಡನೇ ಶ್ರೇಯಾಂಕಿತೆ ಪೋಲೆಂಡ್​ನ ಜುಝನ್ನಾ ಪಾವ್ಲಿಕೊವಾಸ್ಕೊ 1-6, 7-5, 3-0 (ನಿವೃತ್ತಿ) ಸೆಟ್​ಗಳಿಂದ ಎಲಿನಾ ನೆಪ್ಲಿ ವಿರುದ್ಧ ಜಯಗಳಿಸಿ ಉಪಾಂತ್ಯ ತಲುಪಿದರು. 3ನೇ ಹಾಗೂ ನಿರ್ಣಾಯಕ ಸೆಟ್​ನಲ್ಲಿ 3-0 ಯಿಂದ ಹಿನ್ನೆಡೆ ಅನುಭವಿಸಿದ್ದ ಎಲಿನಾಗೆ ಭುಜನೋವು ಕಾಣಿಸಿಕೊಂಡ ಕಾರಣ ಗಾಯಗೊಂಡು ನಿವೃತ್ತರಾದರು. ಜುಝುನ್ನಾ ಸೆಮಿಸ್​ ಹಾದಿ ಸುಗಮವಾಯಿತು.