ಅಂಕಗಳ ಜತೆ ಪ್ರಾಪಂಚಿಕ ಜ್ಞಾನದ ಅಗತ್ಯ

ನಗರದ ಕುಂಚಶ್ರೀ ಪ್ಯಾಲೇಸ್​ನಲ್ಲಿ ಕುಂಚಶ್ರೀ ಮಹಿಳಾ ಬಳಗದ ವತಿಯಿಂದ ಭಾನುವಾರ ಆಯೋಜಿಸಿದ್ದ ಎಸ್ಸೆಸ್ಸೆಲ್ಸಿ, ದ್ವೀತಿಯ ಪಿಯುಸಿ ವಿದ್ಯಾರ್ಥಿಗಳ ಪ್ರತಿಭಾ ಪುರಸ್ಕಾರ&-2026 ಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು, ಇಂದಿನ ಜಾಗತಿಕ ಪೈಪೋಟಿ ಯುಗದಲ್ಲಿ ಮಕ್ಕಳಿಗೆ ಸರಿಯಾದ ಮಾರ್ಗದರ್ಶನ ನೀಡಿ, ಅವರ ಭವಿಷ್ಯ ರೂಪಿಸುವಲ್ಲಿ ಪೋಷಕರ ಪಾತ್ರ ಮಹತ್ವದ್ದಾಗಿರಲಿದೆ ಎಂದರು.

ಎಸ್ಸೆಸ್ಸೆಲ್ಸಿ ಮತ್ತು ಪಿಯುಸಿ ಮುಗಿಸಿದ ಯುವಜನತೆಗೆ ಬದುಕಿನ ಮಹತ್ವದ ಘಟ್ಟದ ಕುರಿತು ನಿರ್ಧಾರ ತೆಗೆದುಕೊಳ್ಳುವ ಶಕ್ತಿ ಇರುವುದಿಲ್ಲ. ಹಾಗಾಗಿ, ಇಂತಹ ಸಂದರ್ಭದಲ್ಲಿ ತಂದೆ ತಾಯಿಗಳು ಅವರ ನೆರವಿಗೆ ನಿಲ್ಲಬೇಕು. ಕೇವಲ ವೈದ್ಯಕಿಯ, ಇಂಜಿನಿಯರ್​ ಕೋರ್ಸ್​ಗಳಿಗೆ ಮಕ್ಕಳನ್ನು ಸಿಮೀತಗೊಳಿಸದೆ, ಪ್ರಚಲಿತದಲ್ಲಿರುವ ಬೇರೆ ಕ್ಷೇತ್ರಗಳ ಕಡೆಗೂ ಗಮನ ಹರಿಸಿ, ಮಕ್ಕಳನ್ನು ಅಂತಹ ವಿಷಯಗಳಲ್ಲಿ ಕಲಿಯುವ ಆಸಕ್ತಿ ಮೂಡಿಸಿ ಭವಿಷ್ಯ ನಿರ್ಮಾಣದಲ್ಲಿ ಕೈಜೋಡಿಸಬೇಕು ಎಂದು ಸಲಹೆ ನೀಡಿದರು.

ನಮ್ಮ ದೇಶದಲ್ಲಿ ಶೇ.60ರಷ್ಟು ಯುವಜನರಿದ್ದಾರೆ. ಅದರಲ್ಲಿಯೂ 2000 ಇಸವಿಯ ನಂತರ ಹುಟ್ಟಿದ ಜೆನ್​- ಜೀ, ಜೆನ್​ ಅಲ್ಪಾ ದಂತಹ ಯುವಜನತೆ, 2047ರ ವಿಕಸಿತ ಭಾರತಕ್ಕೆ ನಿಮ್ಮ ಕೊಡುಗೆ ಅಪಾರವಾಗಿದೆ.ವಿದ್ಯೆಯ ಜತೆಗೆ, ಸಂಸ್ಕಾರವನ್ನು ರೂಢಿಸಿಕೊಂಡರೆ, ಒಳ್ಳೆಯ ಭವಿಷ್ಯ ನಿಮ್ಮದಾಗಲಿದೆ. ವಿಜ್ಞಾನ ಮತ್ತು ತಂತ್ರಜ್ಞಾನದಂತಹ ಕ್ಷೇತ್ರಗಳನ್ನು ಹೊರತು ಪಡಿಸಿ, ಉಳಿದ ಕ್ಷೇತ್ರಗಳಿಗೆ ಗಣಿತ ಬೇಕೆಂತಲೇ ಇಲ್ಲ. ಕಲಾ ವಿಭಾಗದಲ್ಲಿ ಕಲಿತವರು ಗೂಗಲ್​ ನಂತಹ ಸಂಸ್ಥೆಗಳಲ್ಲಿ ಕೆಲಸ ಮಾಡುತ್ತಿದ್ದಾರೆ. ತಾವು ಕಲಿತಿರುವ ವಿಷಯಗಳಲ್ಲಿ ಎಷ್ಟು ಆಳವಾದ ಜ್ಞಾನವಿದೆ. ಅದನ್ನು ಹೇಗೆ ಪ್ರಸ್ತುತಪಡಿಸಬಲ್ಲಿರ ಎಂಬುದರ ಮೇಲೆ ಕಂಪನಿಗಳು ಉದ್ಯೋಗನೀಡುತ್ತಿವೆ. ಪ್ರಮುಖವಾಗಿ ಸೋಲನ್ನು ಹೇಗೆ ಎದುರಿಸುತ್ತಿರುವ ಎಂಬುವುದು ಸಹ ಪ್ರಾಮುಖ್ಯತೆ ಪಡೆಯಲಿದೆ ಎಂದು ತಿಳಿಸಿದರು.

ಕೌಶಲ್ಯಾಭಿವೃದ್ದಿ ಮಂಡಳಿ ಮಾಜಿ ಅಧ್ಯಕ್ಷ ಮುರುಳೀಧರ ಹಾಲಪ್ಪ ಮಾತನಾಡಿ, ಇಂದಿನ ಯುವಜನತೆಯ ಮುಂದೆ ಆನೇಕ ಆಕರ್ಷಣೆಗಳಿವೆ.ಅವುಗಳ ನಡುವೆಯು ಪೋಷಕರು ಹೆಮ್ಮೆ ಪಡುವಂತಹ ಮಕ್ಕಳಾಗಬೇಕು. ತಂದೆ ತಾಯಿಯ ಕನಸನ್ನು ನನಸು ಮಾಡುವುದಲ್ಲದೆ ಕಲಿತ ಶಾಲೆಗಳ ಅಭಿವೃದ್ಧಿಯತ್ತಲೂ ಗಮನಹರಿಸಿದರೆ, ಮುಂದಿನ ಪೀಳಿಗೆಗೆ ಅವಕಾಶಗಳನ್ನು ಬಳಸಿಕೊಳ್ಳಲು ಉತ್ತೇಜನ ನೀಡಿದಂತಾಗುತ್ತದೆ.ವಿಜ್ಞಾನ, ವಾಣಿಜ್ಯ ವಿಷಯಗಳಷ್ಟೇ, ಕಲಾ ವಿಭಾಗಕ್ಕೂ ಪ್ರಾಮುಖ್ಯತೆ ಇದೆ ಎಂದರು.

ಬ್ಲೂಟಿಪಿ ಡಿಜಿಟಲ್​ ಪೆವೇಟ್​ ಲಿಮಿಟೆಡ್​ ಸಿಇಒ ಮಂಜುಶ್ರೀ ಮಾತನಾಡಿ, ಪದವಿ ಎಂಬುದು ನಿಮ್ಮ ಮುಂದಿರುವ ಅವಕಾಶಗಳ ಬಾಗಿಲು ತೆರೆಯುವ ಕೀಲಿ ಕೈ, ಅಲ್ಲಿ ಹೋದ ನಂತರ ನಿಮ್ಮ ನಡೆ, ನುಡಿ, ವಿಷಯಗಳ ಬಗ್ಗೆ ಇರುವ ಅಳವಾದ ಜ್ಞಾನ, ಆಂಗಿಕ ಭಾಷೆ ಎಲ್ಲವೂ ನಿಮಗೆ ಒಳ್ಳೆಯ ಉದ್ಯೋಗ ದೊರೆಯಲು ಸಹಾಯಕವಾಗಲಿವೆ ಎಂದರು.

ಡಾ.ಸೃಷ್ಟಿ ಬಿ.ಕೃಷ್ಣನ್​, ಜೆ.ಶ್ರೇಯಾಂಕ್​, ವರುಣ, ಎಂ.ಎಸ್​.ಕಿರಣ್​ , ನಿಹಾರಿಕ, ಟಿ.ಆರ್​.ರಶ್ಮಿ ಜತೆಯಲ್ಲಿ ಎಸ್ಸೆಸ್ಸೆಲ್ಸಿ ಮತ್ತು ಪಿಯುಸಿಯಲ್ಲಿ ಶೇ. 90ಕ್ಕಿಂತ ಹೆಚ್ಚು ಅಂಕ ಪಡೆದ ಕುಂಚಿಟಿಗ ಸಮುದಾಯದ ಮಕ್ಕಳಿಗೆ ಪ್ರತಿಭಾ ಪುರಸ್ಕಾರ ನೀಡಿ ಅಭಿನಂದಿಸಲಾಯಿತು.

ಕುಂಚಶ್ರೀ ಮಹಿಳಾ ಬಳಗದ ಅಧ್ಯೆ ಲಲಿತಾಮಲ್ಲಪ್ಪ ಅಧ್ಯಕ್ಷತೆವಹಿಸಿದ್ದರು. ಜಿಲ್ಲಾ ಕುಂಚಟಿಗ ಒಕ್ಕಲಿಗರ ಸಂಘದ ಅಧ್ಯಕ್ಷ ನೇತಾಜಿ ಶ್ರೀಧರ್​, ಮಧುಗಿರಿ ತಾಲೂಕು ಕುಂಚಟಿಗರ ಸಂಘದ ಅಧ್ಯಕ್ಷ ಪಿ.ರಾಜಶೇಖರ್​ ಮತ್ತಿತರರು ಉಪಸ್ಥಿತರಿದ್ದರು.