ಬಡತನದಲ್ಲಿ ಅರಳಿದ ಚಿನ್ನದ ಹುಡುಗಿ ಆಶಾರಾಣಿ

ಶಿರಾ ತಾಲೂಕಿನ ಹುಣಸೆಹಳ್ಳಿ ಗ್ರಾಮದ ಮಂಜುನಾಥ್​, ಕೆಂಚಮ್ಮ ದಂಪತಿ ಎರಡನೇ ಪುತ್ರಿ ಆಶಾರಾಣಿ. ಕೂಲಿನಾಲಿ ಮಾಡುವ ತಂದೆ-ತಾಯಿ ಎಂದಿಗೂ ಮಕ್ಕಳ ಶಿಕ್ಷಣಕ್ಕೆ ತೊಡಕಗಾದಂತೆ ನೋಡಿಕೊಂಡಿದ್ದಾರೆ. ಕೂಲಿಯೇ ಕುಟುಂಬದ ನಿರ್ವಹಣೆಯ ಆಧಾರ. ಸ್ನಾತಕೋತ್ತರ ಪದವಿಯಲ್ಲಿ Rank ಪಡೆಯುವುದರೊಂದಿಗೆ ಆಶಾರಾಣಿ ತಂದೆ-ತಾಯಿಯ ಕನಸು ನನಸು ಮಾಡಿದ್ದಾರೆ. ಸಂಶೋಧನೆ ಮಾಡಿ ಪಿಎಚ್​ಡಿ ಮಾಡಬೇಕು, ಕನ್ನಡ ಪ್ರಾದ್ಯಾಪಕಿ ಆಗಬೇಕೆಂಬ ಕನಸು ಹೊತ್ತಿರುವ ಆಶಾರಾಣಿ ಓದಿಗೆ ಬಡತನ ಎಂದಿಗೂ ಅಡ್ಡಿಯಾಗಿಲ್ಲ.

ಪ್ರತಿನಿತ್ಯ ಊರಿಂದಲೇ ಓಡಾಟ: ಮಧುಗಿರಿ ತಾಲೂಕಿನ ಮಲ್ಲೇನಹಳ್ಳಿಯ ಆರ್​.ವಿನುತಾ ಎಂಎಸ್ಸಿ ಕಂಪ್ಯೂಟರ್​ ಸೈನ್ಸ್​ನಲ್ಲಿ ಅತಿಹೆಚ್ಚು ಅಂಕಗಳಿಸಿ Rank ಪಡೆದಿದ್ದು ಸ್ನಾತಕೋತ್ತರ ವಿಭಾಗದಲ್ಲಿ ಟಾಪರ್​ ಶ್ರೇಯಗಳಿಸಿದ್ದಾರೆ. 3 ಚಿನ್ನದ ಪದಕ ಪಡೆದಿದ್ದಾರೆ.

ಪ್ರತಿನಿತ್ಯ ಊರಿನಿಂದಲೇ ತುಮಕೂರಿಗೆ ಓಡಾಡುತ್ತಿದ್ದ ವಿನುತಾ 2-3 ಬಸ್​ ಬದಲಿಸಿ ವಿವಿಗೆ ಬರಬೇಕಿತ್ತು. ಬೆಳಗ್ಗೆ 6.30ಕ್ಕೆ ಮನೆಬಿಟ್ಟರೆ ಸಂಜೆ 7 ಮತ್ತೆ ಮನೆ ಸೇರಲು. Rank​ ಪಡೆಯಲೇಬೇಕೆಂಬ ಗುರಿ ಇಟ್ಟುಕೊಂಡಿದ್ದ ವಿನುತಾ ಈ ಸಾಧನೆ ಮಾಡಬೇಕೆಂಬ ಹಠ, ಛಲ ಹೊಂದಿದ್ದರು. ರಂಗನಾಥ್​, ಶಾಂತಮ್ಮದಂಪತಿ ಪುತ್ರಿ ವಿನುತಾ ಕೃಷಿ ಕುಟುಂಬದ ಹಿನ್ನೆಲೆಯುಳ್ಳವರು. ವಿನುತಾ ಶ್ರಮಕ್ಕೆ ಪ್ರತಿಲ ಸಿಕ್ಕಿದೆಯಾದರು ಆಕೆಗೆ ವಿವಿ ಆಡಳಿತ ಮಂಡಳಿ ಮಾಡಿದ ಎಡವಟ್ಟಿನಿಂದ ಈ ಬಾರಿ Rank ವಿಜೇತರಿಗೆ "ಚಿನ್ನದ ಪದಕ' ಸಿಗಲಿಲ್ಲವೆಂಬ ಕೊರಗು ಇದೆ. ಗುಣಮಟ್ಟದ ಪ್ರಮಾಣಪತ್ರವನ್ನು ವಿತರಿಸದೇ ಇರುವ ನೋವು ರ್ಯಾಂಕ್​ ವಿಜೇತರಿಗಿದೆ.