ಪರಂ, ಕೆಎನ್​ಆರ್​ಗೆ ಗೌರವ ಡಾಕ್ಟರೇಟ್​ ನಿರಾಕರಣೆ

ತುಮಕೂರು: ತುಮಕೂರು ವಿವಿ 19ನೇ ಘಟಿಕೋತ್ಸವದಲ್ಲಿ ಗೌರವ ಡಾಕ್ಟರೇಟ್​ಗೆ ಈ ಬಾರಿ ಒಂಭತ್ತು ಹೆಸರನ್ನು ಶಿಫಾರಸು ಮಾಡಲಾಗಿತ್ತು. ಬೆಳಗಾವಿ ರಾಣಿ ಚೆನ್ನಮ್ಮ ವಿವಿಯ ಡಾ.ಸಿ.ಎಂ.ತ್ಯಾಗರಾಜ್​ ಅಧ್ಯಕ್ಷತೆಯ ಶೋಧನಾ ಸಮಿತಿ ಅಂತಿಮವಾಗಿ ಡಾ.ಜಿ.ಪರಮೇಶ್ವರ್​, ಕೆ.ಎನ್​.ರಾಜಣ್ಣ ಹೆಸರನ್ನು ಕೈಬಿಟ್ಟಿ ಕಳುಹಿಸಿದ್ದ ಮೂರು ಹೆಸರಿಗೆ ರಾಜ್ಯಪಾಲರು ಮೊಹರು ಒತ್ತಿದ್ದಾರೆ. ಕಳೆದ ಬಾರಿಯು ರಾಜಣ್ಣ ಹೆಸರು ಶೋಧನಾ ಸಮಿತಿಗೆ ಶಿಫಾರಸು ಮಾಡಲಾಗಿತ್ತಾದರೂ ಸಮಿತಿ ಆ ಸಂದರ್ಭದಲ್ಲು ಪರಿಗಣಿಸಿರಲಿಲ್ಲ.

ನಿವೃತ್ತ ಐಎಎಸ್​ ಅಧಿಕಾರಿ ಡಾ.ಸಿ.ಸೋಮಶೇಖರ್​, ನೀಲಾಲಯದ ಬಾಲವಿಶ್ವನಾಥ್​, ಮಾನಂಗಿ ರಮೇಶ್​, ಯೋಗಪಟು ಹವಲ್ದಾರ್​ ಹೆಸರನ್ನು ಸಹ ಶೋಧನಾ ಸಮಿತಿಗೆ ಸಿಂಡಿಕೇಟ್​ ಶಿಫಾರಸು ಮಾಡಲಾಗಿತ್ತು ಎಂದು ಪ್ರೊ.ವೆಂಕಟೇಶ್ವರಲು ಸ್ಪಷ್ಟಪಡಿಸಿದರು.