ತುಮಕೂರು

ಇದು ಡಿಕೆ ಸಂಪುಟವಲ್ಲ !!

ಸುರೇಶಗೌಡ
ಸುರೇಶಗೌಡ
Published on: 

ಪ್ರಮುಖ ಮುಖ್ಯಾಂಶಗಳು

  • ಬಿಜೆಪಿ ಶಾಸಕ ಸುರೇಶಗೌಡ
  • ಕಾಂಗ್ರೆಸ್​ ಹಿತಾಸಕ್ತಿಗಳ ಹಸ್ತಕ್ಷೇಪ
  • ಸಿಎಂ ಸ್ವಂತ ಆಯ್ಕೆ ಇಲ್ಲ
ತುಮಕೂರು: ರಾಜ್ಯದ ನೂತನ ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್​ ಸಂಪುಟದಲ್ಲಿ ಒಬ್ಬರು ಅವರ ಆಯ್ಕೆಯ ಸಚಿವರು ಇದ್ದಂತೆ ಕಾಣುತ್ತಿಲ್ಲ. ಈ ಟೀಂ ನೋಡಿದರೆ ಕಾಂಗ್ರೆಸ್​ ಪಕ್ಷದ ಅನೇಕ ಹಿತಾಸಕ್ತಿಗಳು ಡಿಕೆಶಿ ಅವರನ್ನು ಕಟ್ಟಿಹಾಕಿದಂತೆ ಭಾಸವಾಗುತ್ತದೆ ಎಂದು ಬಿಜೆಪಿ ಶಾಸಕ ಬಿ.ಸುರೇಶಗೌಡ ಹೇಳಿದ್ದಾರೆ.
ಒಬ್ಬ ಹೊಸ ನಾಯಕ ಬಂದಾಗ ಅವರದ್ದೇ ಆಯ್ಕೆಯ ಜನರನ್ನು ಇಷ್ಟು ಕೊಂಡು ಆಡಳಿತ ಮಾಡಬೇಕು ಎಂದು ಬಯಸುವುದು ಸಹಜ. ಆದರೆ, ಈ ಹೊಸ ಸಂಪುಟದಲ್ಲಿ ಸಿಎಂ ಸ್ವಂತ ಆಯ್ಕೆ ಯಾವುದು ಇಲ್ಲ. ಮೊದಲ ಕಂತಿನಲ್ಲಿ ಮಹಿಳೆಗೆ ಸ್ಥಾನ ಇಲ್ಲದೇ ಇರುವುದು ಎದ್ದು ಕಾಣುವ ಲೋಪ. ನಮ್ಮ ಪ್ರಧಾನಿ ನರೇಂದ್ರ ಮೋದಿ ಶೇಕಡಾ 33ರ ಮಹಿಳಾ ವೀಸಲಾತಿ ಮಸೂದೆ ಮಂಡಿಸಿದ್ದಾಗ ಅದನ್ನು ಸೋಲಿಸಿದ ಕಾಂಗ್ರೆಸ್​ ಪಕ್ಷದ ಮಹಿಳಾ ವಿರೋಧಿ ನೀತಿ ಇಲ್ಲಿಯು ಮುಂದುವರಿದಿದೆ ಎಂದು ದೂರಿದರು.
ಶಿವಕುಮಾರ್​ ಸಂಪುಟದಲ್ಲಿ ಡಾ.ಯತೀಂದ್ರ ಅವರನ್ನು ಬಿಟ್ಟರೆ ಯಾವುದೇ ಹೊಸ ಮುಖ ಇಲ್ಲ. ಯತೀಂದ್ರ ಅವರ ಸೇರ್ಪಡೆಗೆ ಯಾವ ಮಾನದಂಡ ಎಂದು ಹೆಚ್ಚು ಯೋಚಿಸಬೇಕಾದ ಅಗತ್ಯವಿಲ್ಲ. ಮುಖ್ಯಮಂತ್ರಿಯಾಗಲು ದೊಡ್ಡ ತಪಸ್ಸನ್ನೇ ಮಾಡಿರುವ ಶಿವಕುಮಾರ್​ ಅವರು ಈಗ ಹೊಸ ಬಾಟಲಿಯಲ್ಲಿ ಹಳೇ ಮದ್ಯ ಇಟ್ಟುಕೊಂಡು ಹೇಗೆ ರಾಜ್ಯಕ್ಕೆ ದಕ್ಷ ಮತ್ತು ಪ್ರಾಮಾಣಿಕ ಆಡಳಿತ ಕೊಡುತ್ತಾರೆ ತಿಳಿಯದು. ಇನ್ನೂ ಡಿಸಿಎಂ ಆಗಿರುವ ನಮ್ಮ ಜಿಲ್ಲೆಯ ಡಾ.ಜಿ.ಪರಮೇಶ್ವರ್​ ಗೆ ಅವರ ಸಾಮರ್ಥ್ಯಕ್ಕೆ ತಕ್ಕ ಖಾತೆ ದೊರೆತು ಜಿಲ್ಲೆಯ ಸಮಗ್ರ ಅಭಿವೃದ್ಧಿಗೆ ಶ್ರಮಿಸಲಿ ಎಂದರು.
(ೋಟೋ: ಬಿ.ಸುರೇಶಗೌಡ)
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net