ಕೃಷಿಯೊಂದಿಗೆ ಉಪಕಸುಬು ಮಾಡಿ

ಪಟ್ಟಣದ ಪಶುಸಂಗೋಪನಾ ಇಲಾಖೆಯಲ್ಲಿ ಪ್ರಗತಿ ಪರಿಶೀಲನೆ ಸಭೆ ನಡೆಸಿ ಮಾತನಾಡಿ, ನಮ್ಮ ಭಾಗದ ಕುರಿ ಮೇಕೆ ಮಾಂಸಕ್ಕೆ ಹೆಚ್ಚಿನ ಬೇಡಿಕೆಯಿದ್ದು, ಉತ್ಪಾದನೆಯಾಗುವ ಉಣ್ಣೆಗಳಿಂದ ವಸ್ತುಗಳ ತಯಾರಿಕೆ ಹಾಗೂ ಮಾರುಕಟ್ಟೆಯ ಬಗ್ಗೆ ತಳಿಸುವುದರಿಂದ ಉತ್ಪನ್ನಗಳಿಗೆ ಉತ್ತೇಜನ ನೀಡಿದಂತಾಗುತ್ತದೆ. ರೈತರಿಗೆ ಪಶುಸಂಗೋಪನಾ ಇಲಾಖೆಯಿಂದ ಸಿಗಬಹುದಾದ ಸೌಲಭ್ಯಗಳ ಬಗ್ಗೆ ಹಾಗೂ ಕುರಿ ಸಾಕಾಣಿಕೆಯಿಂದ ಉತ್ಪಾದಿಸಲ್ಪಡುವ ಉಪ ಉತ್ಪನ್ನ ಬಗ್ಗೆ ಮಾರ್ಗದರ್ಶನ ನೀಡಬೇಕು ಎಂದರು.

ಇಲಾಖೆಯ ಮುಖ್ಯಪಶುವೈದ್ಯಾದಿಕಾರಿ ಕಾಂತರಾಜು ಮಾತನಾಡಿ, ತಾಲೂಕಿನಲ್ಲಿ 5 ಪಶು ಆಸ್ಪತ್ರೆಗಳಿದ್ದು, 10 ಪಶುಚಿಕಿತ್ಸಾಲಯ, 9 ಪ್ರಾಥಮಿಕ ಪಶುಚಿಕಿತ್ಸಾ ಕೇಂದ್ರ, 1 ಸಂಚಾರಿ ಪಶು ಚಿಕಿತ್ಸಾಲಯಗಳಿವೆ. ಒಟ್ಟು 88 ಮಂಜೂರಾದ ಹುದ್ದೆಗಳಿದ್ದು, ಇದರಲ್ಲಿ 34 ಹುದ್ದೆಗಳು ಭರ್ತಿಯಾಗಿವೆ. ಇನ್ನು 54 ಹುದ್ದೆಗಳು ಖಾಲಿಯಿವೆ. ತಾಲೂಕಿನಲ್ಲಿ ಒಟ್ಟು 57090 ದನ, ಎಮ್ಮೆಗಳಿದ್ದು, 2,31,245 ಕುರಿ ಮೇಕೆಗಳಿವೆ. ಒಟ್ಟು 24 ಆಸ್ಪತ್ರೆಗಳಲ್ಲಿ 18 ಸ್ವಂತ ಕಟ್ಟಡಗಳನ್ನೊಳಗೊಂಡಿದೆ ಎಂದು ಮಾಹಿತಿ ನೀಡಿದರು.

ಪಶುವೈದ್ಯರಾದ ಮಂಜುನಾಥ್​, ಶಾಂತೇಶ್​, ಅದಿತ್ಯ, ವಿರುಪಾಕ್ಷ, ರವಿಕುಮಾರ್​, ಪ್ರಮೋದ್​, ರಕ್ಷಿತ್​, ಮಹಮದ್​ ಹುಸೇನ್​ ಇದ್ದರು.