ಕಾಮಗಾರಿ ಹಿನ್ನೆಲೆ ರೈಲು ಸಂಚಾರ ರದ್ದು

ರೈಲುಗಳ ರದ್ದತಿ: ಡಿ.17ಮತ್ತು 24 ರಂದು ಚಿಕ್ಕಮಗಳೂರು-ಯಶವಂತಪುರ ದೈನಂದಿನ ಎಕ್ಸ್​ಪ್ರೆಸ್​, ಯವಂತಪುರ- ಚಿಕ್ಕಮಗಳೂರು ಎಕ್ಸ್​ಪ್ರೆಸ್​ ರೈಲು ಹಾಗೂ ಕೆಎಸ್​ ಆರ್​ ಬೆಂಗಳೂರು-ಮೈಸೂರು ದೈನಂದಿನ ಎಕ್ಸ್​ಪ್ರೆಸ್​ ರೈಲುಗಳ ಸಂಚಾರ ರದ್ದುಗೊಳಿಸಲಾಗಿದೆ.

ಭಾಗಶಃ ರದ್ದತಿ: ಡಿ.17, 20, 21 ಮತ್ತು 24 ರಂದು ಕೆಎಸ್​ಆರ್​ ಬೆಂಗಳೂರು-ತುಮಕೂರು ಮೆಮು ರೈಲು ದೊಡ್ಡಬೆಲೆ ಮತ್ತು ತುಮಕೂರಿನ ನಡುವೆ ಭಾಗಶಃ ರದ್ದಾಗಲಿದ್ದು, ತುಮಕೂರಿನ ಬದಲಾಗಿ ದೊಡ್ಡಬೆಲೆವರೆಗೆ ಸಂಚರಿಸಲಿದೆ. ತುಮಕೂರು-ಕೆಎಸ್​ಆರ್​ ಬೆಂಗಳೂರು ಮೆಮು ರೈಲು ಭಾಗಶಃ ರದ್ದಾಗಲಿದ್ದು, ತುಮಕೂರಿನ ಬದಲಾಗಿ ದೊಡ್ಡಬೆಲೆಯಿಂದಲೇ ತನ್ನ ಪ್ರಯಾಣ ಆರಂಭಿಸಲಿದೆ.

ತಾಳಗುಪ್ಪ ರೈಲು: ಡಿ.17, 20, 21 ಮತ್ತು 24 ರಂದು ತಾಳಗುಪ್ಪ- ಕೆಎಸ್​ಆರ್​ ಬೆಂಗಳೂರು ಎಕ್ಸ್​ಪ್ರೆಸ್​ ರೈಲು ಅರಸೀಕೆರೆ ಮತ್ತು ಕೆಎಸ್​ಆರ್​ ಬೆಂಗಳೂರಿನ ನಡುವೆ ಭಾಗಶಃ ರದ್ದಾಗಲಿದ್ದು, ಕೆಎಸ್​ಆರ್​ ಬೆಂಗಳೂರಿನ ಬದಲಾಗಿ ಅರಸೀಕೆರೆಯಲ್ಲಿ ಸಂಚಾರವನ್ನು ಕೊನೆಗೊಳಿಸುತ್ತದೆ.

ಇದೇ ದಿನಗಳಂದು ಕೆಎಸ್​ಆರ್​ ಬೆಂಗಳೂರು-ಧಾರವಾಡ ಎಕ್ಸ್​ಪ್ರೆಸ್​ ರೈಲು, ಕೆಎಸ್​ಆರ್​ ಬೆಂಗಳೂರು ಮತ್ತು ಅರಸೀಕೆರೆಯ ನಡುವೆ ಭಾಗಶಃ ರದ್ದಾಗಲಿದ್ದು, ಕೆಎಸ್​ಆರ್​ ಬೆಂಗಳೂರಿನ ಬದಲಾಗಿ ಅರಸೀಕೆರೆಯಿಂದಲೇ ತನ್ನ ಸಂಚಾರವನ್ನು ಆರಂಭಿಸಲಿದೆ.

ಡಿ.17 ಮತ್ತು 24 ರಂದು, ಧಾರವಾಡ-ಬೆಂಗಳೂರು ಎಕ್ಸ್​ಪ್ರೆಸ್​ ರೈಲು ಅರಸೀಕೆರೆ ಮತ್ತು ಕೆಎಸ್​ ಆರ್​ ಬೆಂಗಳೂರಿನ ನಡುವೆ ಭಾಗಶಃ ರದ್ದಾಗಲಿದ್ದು, ಕೆಎಸ್​ಆರ್​ ಬೆಂಗಳೂರಿನ ಬದಲಾಗಿ ಅರಸೀಕೆರೆಯಲ್ಲಿ ಸಂಚಾರವನ್ನು ಕೊನೆಗೊಳಿಸುತ್ತದೆ.

ಡಿ.17 ಮತ್ತು 24 ರಂದು ಬೆಂಗಳೂರು-ತುಮಕೂರು ಮೆಮು ರೈಲು ದೊಡ್ಡಬೆಲೆ ಮತ್ತು ತುಮಕೂರು ನಡುವೆ ಭಾಗಶಃ ರದ್ದಾಗಲಿದ್ದು, ದೊಡ್ಡಬೆಲೆಗೆ ಸಂಚಾರ ಕೊನೆಗೊಳಿಸುತ್ತದೆ.

ತುಮಕೂರು-ಕೆಎಸ್​ ಆರ್​ ಬೆಂಗಳೂರು ಮೆಮು ರೈಲು, ದೊಡ್ಡಬೆಲೆಯಿಂದಲೇ ತನ್ನ ಪ್ರಯಾಣನ್ನು ಆರಂಭಿಸಲಿದೆ.

ಡಿ.17 ಮತ್ತು 24 ರಂದು ಚಾಮರಾಜನಗರ-ತುಮಕೂರು ಪ್ಯಾಸೆಂಜರ್​ ರೈಲು ಚಿಕ್ಕಬಾಣಾವರ ಮತ್ತು ತುಮಕೂರಿನ ನಡುವೆ ಭಾಗಶಃ ರದ್ದಾಗಲಿದ್ದು, ಚಿಕ್ಕಬಾಣಾವರದಲ್ಲಿ ಸಂಚಾರವನ್ನು ಕೊನೆಗೊಳಿಸುತ್ತದೆ.

ಮಾರ್ಗ ಬದಲಾವಣೆ: ಡಿ.16 ಮತ್ತು 23 ರಂದು ವಾಸ್ಕೋ ಡಗಾಮ-ಯಶವಂತಪುರ ಎಕ್ಸ್​ಪ್ರೆಸ್​ ರೈಲು ಅರಸೀಕೆರೆ, ಹಾಸನ, ನೆಲಮಂಗಲ ಮತ್ತು ಯಶವಂತಪುರ ಮಾರ್ಗವಾಗಿ ಸಂಚರಿಸಲಿದೆ.

ವೇಲಕಣಿ-ವಾಸ್ಕೋಡಗಾಮ ಎಕ್ಸ್​ ಪ್ರೆಸ್​ ಚಿಕ್ಕಬಾಣಾವರ, ನೆಲಮಂಗಲ ಹಾಸನ ಮತ್ತು ಅರಸೀಕೆರೆ ಮಾರ್ಗವಾಗಿ ಸಂಚರಿಸಲಿದೆ.

ಡಿ.17, 20, 21 ಮತ್ತು 24 ರಂದು ಯಶವಂತಪುರ-ಶಿವಮೊಗ್ಗ ಟೌನ್​ ಎಕ್ಸ್​ ಪ್ರೆಸ್​ ರೈಲು ಚಿಕ್ಕಬಾಣಾವರ, ನೆಲಮಂಗಲ ಹಾಸನ ಮತ್ತು ಅರಸೀಕೆರೆ ಮಾರ್ಗವಾಗಿ ಸಂಚರಿಸಲಿದೆ.

ಡಿ.17 ಮತ್ತು 24 ರಂದು ಯವಂತಪುರ-ಹಜರ್​ತ ನಿಜಾಮುದ್ದೀನ ಕರ್ನಾಟಕ ಸಂಪರ್ಕ ಕ್ರಾಂತಿ ಎಕ್ಸ್​ಪ್ರೆಸ್​, ತುಮಕೂರು-ಚಾಮರಾಜನಗರ ದೈನಂದಿನ ಪ್ಯಾಸೆಂಜರ್​ ಮತ್ತು ಹುಬ್ಬಳ್ಳಿ-ತಿರುವನಂತಪುರಂ ಉತ್ತರ ವೀಕ್ಲಿ ಸೂಪರ್​ ಫಾಸ್ಟ್​ ಎಕ್ಸ್​ಪ್ರೆಸ್​ ರೈಲುಗಳು ತಮ್ಮ ಮೂಲ ನಿಲ್ದಾಣಗಳಿಂದ 2 ಗಂಟೆ ತಡವಾಗಿ ಹೊರಡಲಿವೆ.