ಡ್ರಗ್ಸ್​ ದಂಧೆಯಲ್ಲಿ ಪೊಲೀಸ್​ ಪೇದೆ ಮಗ

ನಗರದ ಶೇಷಾದ್ರಿಪುರಂ ಕಾಲೇಜು ಬಳಿ ಗಾಂಜಾ ಸೊಪ್ಪು ಹಾಗೂ ಮತ್ತು ಬರಿಸುವ ವಸ್ತು ಮಾರಾಟ ಮಾಡುತ್ತಿದ್ದ 6 ಮಂದಿ ಗ್ಯಾಂಗ್​ ಅನ್ನು ಜು.11 ರಂದು ಮಾಲು ಸಮೇತ ಬಂಧಿಸಲಾಗಿದೆ. ಸತೀಶ್​ (31), ಪ್ರಮೋದ್​ ಕುಮಾರ್​ (28), ದಿಶಾಂತ್​ (21), ದರ್ಶನ್​ (28), ಅಮೋ ನಾಗಭೂಷಣ್​ (31) ಹಾಗೂ ಬೆಂಗಳೂರಿನ ಮಾರತ್​ಹಳ್ಳಿಯ ಮಂಜುನಾಥ್​ (35) ಬಂಧಿತರು. ಈ ಗ್ಯಾಂಗ್​ನಲ್ಲಿ ಡಿಎಆರ್​ ಪೇದೆ ಮಗ ದಿಶಾಂತ್​ ಇದ್ದು ಬೆಂಗಳೂರಿನ ಡ್ರಗ್​ ಪೆಡ್ಲರ್​ ಮಂಜುನಾಥ್​ ಗಾಂಜಾ, ಹೈಡ್ರೋವಿಡ್​ ಗಾಂಜಾವನ್ನು ಈ ತಂಡಕ್ಕೆ ಪೂರೈಸುತ್ತಿದ್ದದು ತನಿಖೆ ವೇಳೆ ಬಯಲಾಗಿದೆ.

2 ಲಕ್ಷ ರೂ., ಬೆಲೆಬಾಳುವ 1 ಕೆಜಿ 655 ಗ್ರಾಂ ಗಾಂಜಾ ಸೊಪ್ಪು, 2.30 ಲಕ್ಷ ರೂ., ಮೊತ್ತದ 23 ಗ್ರಾಂನಷ್ಟು ಹೈಡ್ರೋವಿಡ್​ ಗಾಂಜಾ ಸೊಪ್ಪು ಹಾಗೂ ಮಾರಾಟಕ್ಕೆ ಬಳಸುತ್ತಿದ್ದ 40 ಲಕ್ಷ ರೂ., ಮೌಲ್ಯದ ಫಾರ್ಚೂನರ್​ ಕಾರನ್ನು ಆರೋಪಿಗಳಿಂದ ವಶಪಡಿಸಿಕೊಂಡಿದ್ದಾರೆ.