ಡಿಸೆಂಬರ್ನಲ್ಲಿ ಪುನೀತ್ ರಾಜ್ ಕಪ್ ಕ್ರಿಕೆಟ್ ಟೂರ್ನಿ

ತುಮಕೂರಿನ ಡಾ. ರಾಜ್ ಸಾಂಸ್ಕತಿಕ ಹಾಗೂ ಕ್ರೀಡಾ ಸಂಘ ಹಾಗೂ ಚಕ್ರವರ್ತಿ ಸ್ಪೋರ್ಟ್ಸ್ ಕ್ಲಬ್ ವತಿಯಿಂದ ಆಯೋಜಿಸಿರುವ ರಾಜ್ಯ ಮಟ್ಟದ ಹೊನಲು ಬೆಳಕಿನ ಡಾ. ಪುನೀತ್ ರಾಜ್ ಕಪ್ ಕ್ರಿಕೆಟ್ ಪೋಸ್ಟರ್ ಅನ್ನು ಜಿ.ಬಿ.ಜ್ಯೋತಿಗಣೇಶ್ ಬಿಡುಗಡೆಗೊಳಿಸಿದರು. ಎಚ್.ಎನ್.ದೀಪಕ್, ಪಿ.ಎನ್.ಕೃಷ್ಣಮೂರ್ತಿ, ಪ್ರಕಾಶ್ ಚಕ್ರವರ್ತಿ, ಶಂಕರ್, ಅರವಿಂದ್ ಮತ್ತಿತರರು ಇದ್ದರು.

Published on:

29 Nov 2025, 8:57 am

ಪ್ರಮುಖ ಮುಖ್ಯಾಂಶಗಳು

ಡಾ. ರಾಜ್ ಸಾಂಸ್ಕತಿಕ ಹಾಗೂ ಕ್ರೀಡಾ ಸಂಘ ಹಾಗೂ ಚಕ್ರವರ್ತಿ ಸ್ಪೋರ್ಟ್ಸ್ ಕ್ಲಬ್
ಡಿ.25 ರಿಂದ 28ರವರೆಗೆ ತುಮಕೂರಿನ ಸರ್ಕಾರಿ ಜೂನಿಯರ್ ಕಾಲೇಜು ಮೈದಾನದಲ್ಲಿ ಟೂರ್ನಿ
ಪೋಸ್ಟರ್ ಬಿಡುಗಡೆ ಮಾಡಿದ ಶಾಸಕ ಜಿ.ಬಿ.ಜ್ಯೋತಿಗಣೇಶ್

ತುಮಕೂರು: ದಿ. ಡಾ. ಜಯರಾಮ್ ಅವರ ಸ್ಮರಣಾರ್ಥ ಡಾ. ರಾಜ್ ಸಾಂಸ್ಕತಿಕ ಹಾಗೂ ಕ್ರೀಡಾ ಸಂಘ ಹಾಗೂ ಚಕ್ರವರ್ತಿ ಸ್ಪೋರ್ಟ್ಸ್ ಕ್ಲಬ್ ವತಿಯಿಂದ ರಾಜ್ಯ ಮಟ್ಟದ ಹೊನಲು ಬೆಳಕಿನ ಡಾ. ಪುನೀತ್ ರಾಜ್ ಕಪ್ ಕ್ರಿಕೆಟ್ ಟೂರ್ನಿಯನ್ನು ಡಿ.25ರಿಂದ 28ರವರೆಗೆ ನಗರದ ಸರ್ಕಾರಿ ಜೂನಿಯರ್ ಕಾಲೇಜು ಮೈದಾನದಲ್ಲಿ ಆಯೋಜಿಸಲಾಗಿದೆ.

ನಗರದ ಗಣಪತಿ ದೇವಾಲಯಲ್ಲಿ ಡಾ. ಪುನೀತ್ ರಾಜ್ ಕುಮಾರ್ ಕಪ್ ಟೂರ್ನಿಯ ಪೋಸ್ಟರ್ ಅನ್ನು ಗುರುವಾರ ಬಿಡುಗಡೆ ಮಾಡಿ ಮಾತನಾಡಿದ ಶಾಸಕ ಜಿ.ಬಿ.ಜ್ಯೋತಿಗಣೇಶ್, ವರನಟ ಡಾ.ರಾಜ್ ಕುಟುಂಬದ ಪುನೀತ್ ರಾಜ್ಕುಮಾರ್ ಕಪ್ ಟೂರ್ನಿಯನ್ನು ದಿ. ಡಾ. ಜಯರಾಮ್ ಅವರ ಸ್ಮರಣಾರ್ಥವಾಗಿ ಆಯೋಜಿಸುತ್ತಿರುವುದು ವಿಶೇಷವೆನಿಸಿದೆ. ಜಯರಾಮ್ ಅವರು ಕ್ರೀಡಾ ಕ್ಷೇತ್ರಕ್ಕೆ ತಮ್ಮದೇ ಕೊಡುಗೆ ಕೊಟ್ಟಿದ್ದಾರೆ ಎಂದರು

ವಿಜಯ ಸೇನೆ ಅಧ್ಯಕ್ಷ ಎಚ್.ಎನ್.ದೀಪಕ್ ಮಾತನಾಡಿ, ಪ್ರತಿವರ್ಷ ನಾವು ಯಾವುದಾದರೂ ಒಂದು ಕಾರ್ಯಕ್ರಮ ಆಯೋಜನೆ ಮಾಡಿಕೊಂಡು ಬರುತ್ತಿದ್ದೇವೆ. ಈ ಟೂರ್ನಿ ವೇಳೆ ಸಾಧಕ ಹಳೆ ಕ್ರೀಡಾಪಟುಗಳಿಗೆ ಸನ್ಮಾನ ಮಾಡುತ್ತೇವೆ. ಎಲ್ಲರೂ ಜೊತೆಗೂಡಿ ಹಬ್ಬದ ರೀತಿಯಲ್ಲಿ ಮಾಡುತ್ತಿದ್ದೇವೆ. ಮೊದಲ ಬಹುಮಾನ 5 ಲಕ್ಷ, ದ್ವೀತಿಯ ಬಹುಮಾನ ಎರಡೂವರೆ ಲಕ್ಷ, ಮೂರು ಮತ್ತು ನಾಲ್ಕು ಬಹುಮಾನ ತಲಾ 50 ಸಾವಿರ ನಗದು ಬಹುಮಾನ ನಿಗದಿ ಮಾಡಲಾಗಿದೆ ಎಂದರು.

ಕಾಂಗ್ರೆಸ್ ಮುಖಂಡ ಪಿ.ಎನ್.ಕೃಷ್ಣಮೂರ್ತಿ, ಚಕ್ರವರ್ತಿ ಸ್ಪೋರ್ಟ್ಸ್ ಕ್ಲಬ್ ನ ಪ್ರಕಾಶ್ ಚಕ್ರವರ್ತಿ, ಶಂಕರ್, ರಂಜನ್, ಅರವಿಂದ್ , ಚೇತನ್, ಹರೀಶ್, ಚಂದನ್, ಅಖಿಲೇಷ್, ಅರುಣ್ ಕೃಷ್ಣಯ್ಯ, ಅರವಿಂದ್ ಬಾಳಾರಾಧ್ಯ ಸೇರಿದಂತೆ ಹಾಜರಿದ್ದರು.

punith raj cup cricket tourney