ತುಮಕೂರು ವಿವಿಗೆ ಪ್ರೊ.ನಾಗಭೂಷಣ ಪ್ರಭಾರ ಕುಲಪತಿ!

ನೂತನ ಕುಲಪತಿ ಆಯ್ಕೆಗೆ ರಚನೆಯಾಗಬೇಕಿರುವ ಶೋಧನಾ ಸಮಿತಿ ಇನ್ನೂ ಸೃಜನೆಯಾಗದಿರುವುದು ಖಾಯಂ ಉಪಕುಲಪತಿ ಆಯ್ಕೆಯನ್ನು ತಡವಾಗಿಸಲಿದೆ, ಸಮಿ ರಚನೆಯಾಗಿ ಅರ್ಜಿ ಸಲ್ಲಿಕೆಗೂ ಕಾಲಾವಕಾಶ ನೀಡಿ, ಶೋಧನಾ ಸಮಿತಿ ಸಭೆ ನಡೆದು ಮುಚ್ಚಿದ ಲಕೋಟೆಯಲ್ಲಿ ಕುಲಾಧಿಪತಿಯೂ ಆಗಿರುವ ರಾಜ್ಯಪಾಲರಿಗೆ ಮೂವರು ಅರ್ಹರ ಪಟ್ಟಿ ಶಿಾರಸು ಮಾಡಬೇಕಾದ ಪ್ರಕ್ರಿಯೆಯಿದ್ದು ನೂತನ ಕುಲಪತಿ ಆಯ್ಕೆ ಮತ್ತಷ್ಟು ವಿಳಂಬವಾಗುವ ಆತಂಕ ಎದುರಾಗಿದೆ.

ಕಳೆದ ನಾಲ್ಕು ವರ್ಷದಿಂದ ತುಮಕೂರು ವಿವಿ ಕುಲಪತಿಯಾಗಿ ನೇಮಕವಾಗಿದ್ದ ಪ್ರೊ.ಎಂ.ವೆಂಕಟೇಶ್ವರಲು ನೂತನ ಕ್ಯಾಂಪಸ್​ "ಜ್ಞಾನಸಿರಿ' ನಿರ್ಮಿಸುವಲ್ಲಿ ಅತ್ಯಂತ ಹೆಚ್ಚು ಆಸಕ್ತಿ ವಹಿಸಿದ್ದರು. ವಿವಿ ಶೈಕ್ಷಣಿಕ ವಲಯದಲ್ಲಿ ಪರಿಣಾಮಕಾರಿ ಬದಲಾವಣೆಯಾಗದಿದ್ದರೂ ಮಕ್ಕಳಿಗೆ ಬಿಸಿಯೂಟ ಸೇರಿದಂತೆ ಸಿವಿಲ್​ ಕಾಮಗಾರಿಗಳಿಗೆ ಹೆಚ್ಚು ಒತ್ತು ನೀಡಿರುವುದು ಇತಿಹಾಸದಲ್ಲಿ ದಾಖಲಾಗಿದೆ.