ಬಕ್ರೀದ್ ಹಬ್ಬದ ಸಂದರ್ಭದಲ್ಲಿ ಸಾರ್ವಜನಿಕರು ಎನಾದರು ಸುದ್ದಿಗಳು ಕಂಡುಬಂದರೆ ತಕ್ಷಣ112ಕ್ಕೆ ಕರೆ ಮಾಡಿ ಮಾಹಿತಿ ನೀಡಬೇಕು. ಗೋಹತ್ಯೆ, ಗೋ ಸಾಗಾಟದ ಬಗ್ಗೆ ಮಾಹಿತಿ ಸಿಕ್ಕರೆ ಕೂಡಲೇ ಹತ್ತರದ ಠಾಣೆಗಳಿಗೆ ಇಲ್ಲವೇ ಗಸ್ತು ಪೊಲೀಸರಿಗೆ ಮಾಹಿತಿ ನೀಡಿ. ಅದು ಬಿಟ್ಟು ಹಬ್ಬದ ವೇಳೆ ಯಾರು ಕೂಡ ನೈತಿಕ ಪೊಲೀಸ್ ಗಿರಿ ಮಾಡುವುದು, ಸೋಶಿಯಲ್ ಮೀಡಿಯಾದಲ್ಲಿ ಪ್ರಚೋದನಕಾರಿ ಪೋಸ್ಟ್ಗಳು, ಫ್ಲೆಕ್ಸ್ ಗಳು, ಬ್ಯಾನರ್ಗಳನ್ನು ಯುವಜನತೆ ಹಾಕುವುದು ಬೇಡ. ಸಮಾಜದ ಸ್ವಾಸ್ಥ್ಯ ಹಾಳುಗೆಡವುವ ಕೆಲಸ ಮಾಡಬೇಡಿ. ಹಬ್ಬದ ಸಂಭ್ರಮದಲ್ಲಿ ಕುಟುಂಬ ಸಮೇತ ಡ್ಯಾಂ, ಕೆರೆಕಟ್ಟೆ, ಕೆನಾಲ್ಗಳ ಬಳಿ ತೆರಳುವರು ಜಾಗರುಕರಾಗಿರುವಂತೆ ಜಿಲ್ಲಾ ಪೊಲೀಸ್ ಅಧೀಕ್ಷಕ ಕೆ.ವಿ.ಅಶೋಕ್ ತಿಳಿಸಿದರು.
