ನಾಮದಚಿಲುಮೆ, ದೇವರಾಯನದುರ್ಗ ಪ್ರವೇಶ ರ್ನಿಬಂಧ

ಜ.1ರ ಸಂಜೆ 6 ಗಂಟೆಯಿಂದ ಜ.2 ಬೆಳಗ್ಗೆ 8ರವರೆಗೆ ಈ ಪ್ರದೇಶಗಳಲ್ಲಿ ಸಾರ್ವಜನಿಕರ ಓಡಾಟ, ವಾಹನ ಸಂಚಾರ ನಿಷೇಧಿಸಲಾಗಿದೆ. ಸಾರ್ವಜನಿಕರು ಮತ್ತು ವಾಹನಗಳ ಪ್ರವೇಶವನ್ನು ರ್ನಿಬಂಧಿಸಲು ಕಲಂ 163 ಬಿಎನ್​ಎಸ್​ಎಸ್​ ರೀತ್ಯಾ ಕ್ರಮ ಕೈಗೊಳ್ಳಲಾಗಿದೆ. ಪಿಕೇಟಿಂಗ್​ ಪಾಯಿಂಟ್​ಗಳನ್ನು ಹಾಕಲಾಗಿದೆ.

ವ್ಹೀಲಿಂಗ್​, ರೇಸಿಂಗ್​ಗೆ ಬ್ರೇಕ್​: ರಸ್ತೆಯಲ್ಲಿ ಮೋಟಾರ್​ ಸೈಕಲ್​ ಮತ್ತು ಕಾರನ್ನು ಚಾಲನೆ ಮಾಡುವವರು ಅಪಾಯಕಾರಿ ಮತ್ತು ಮೈಮರೆತು ವಾಹನವನ್ನು ಚಾಲನೆ ಮಾಡುವಂತಿಲ್ಲ. ವರ್ಷಾಚರಣೆ ಅಮಲಿನಲ್ಲಿ ವ್ಹೀಲಿಂಗ್​ ಮತ್ತು ಡ್ರಾಗ್​ ರೇಸಿಂಗ್​ ಮಾಡುವವರ ರಸ್ತೆಯಲ್ಲಿ ಕಂಡುಬಂದಲ್ಲಿ ಕಠಿಣ ಕ್ರಮ ಜರುಗಿಸಲಾಗುವುದು.

ವರ್ಷಾಚರಣೆ ಸಂದರ್ಭದಲ್ಲಿ ಸಾರ್ವಜನಿಕರು, ಅದರಲ್ಲು ಮಹಿಳೆಯರನ್ನು ಕೆಣಕುವುದು ಕಂಡುಬಂದರೆ ಹಾಗೂ ಅಸಭ್ಯವಾಗಿ ವರ್ತಿಸಿದ್ದೇ ಆದಲ್ಲಿ ಮುಲಾಜಿಲ್ಲದೆ ಕ್ರಮಕೈಗೊಳ್ಳುವುದಾಗಿ ಜಿಲ್ಲಾ ಪೊಲೀಸ್​ ವರಿಷ್ಠಾಧಿಕಾರಿ ಕೆ.ವಿ.ಅಶೋಕ್​ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.