ಬಗರ್​ಹುಕುಂ ಕಾರ್ಯ ಶ್ರೀ ನಿರ್ವಹಿಸಿ

ಪಟ್ಟಣದ ತಾಲೂಕು ಆಡಳಿತಸೌಧದ ಸಭಾಂಗಣದಲ್ಲಿ ಆಯೋಜಿಸಿದ್ದ ಬಗರ್​ ಹುಕುಂ ಸಭೆಯಲ್ಲಿ ಮಾತನಾಡಿ, ನಿಮಗೆ ಎಷ್ಟುದಿನ ಬೇಕು ಪಟ್ಟಿ ಮಾಡಲು?. ತಾಲೂಕಿನ ಹುಳಿಯಾರು ಕಂದಿಕೆರೆ ಹೋಬಳಿಯಲ್ಲಿ ಈ ಬಗರ್​ಹುಕುಂ ಜಮೀನುಗಳ ಕಡತಗಳು ಹೆಚ್ಚಾಗಿದ್ದು, ಈ ವ್ಯಾಪ್ತಿಯ ಉಪತಹಸೀಲ್ದಾರ್​, ರಾಜಸ್ವನಿರೀಕ್ಷಕರು, ಗ್ರಾಮ ಆಡಳಿತಾಧಿಕಾರಿಗಳು ಏನು ಮಾಡುತ್ತಿದ್ದೀರಿ. ಕನಿಷ್ಠ ದೊಡ್ಡರಾಂಪುರದ 47ರ ಕಡತ ಏನಾಯಿತು ತಿಳಿಸಿ. ಮೂರು ತಿಂಗಳಾದರು ಕಡತಗಳ ಬಗ್ಗೆ ಗಮನಹರಿಸಿಲ್ಲ. ನೀವು ಏನು ಕೆಲಸ ಮಾಡುತ್ತಿದ್ದೀರಿ..? ರೈತರು ಅಲೆದಾಡುವುದು ತಪ್ಪಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.

21 ತಾರಿಕಿನೊಳಗಡೆ ತಾಲೂಕಿನ ಯಾವ ವೃತ್ತದಲ್ಲಿ ಎಷ್ಟು ವಜಾ ಮಾಡುವ, ಮಂಜೂರು ಮಾಡುವ, ಖಾತೆ ಮಾಡುವ ಹಾಗೂ ಸಭೆಯಲ್ಲಿಡುವ ಕಡತಗಳ ಬಗ್ಗೆ ಮಾಹಿತಿ ಸಿದ್ಧಪಡಿಸಿಕೊಳ್ಳಿ. ಮುಂದೆ ತಾಲೂಕಿನ ಬಗರ್​ಹುಕುಂ ಸಾಗುವಳಿ ಮಾಡುತ್ತಿರುವ ಯಾವುದೇ ರೈತರು ತಮ್ಮ ಜಮೀನುಗಳಿಗೆ ಸಂಬಂಧಿಸಿದಂತೆ ಆರೋಪಗಳನ್ನು ಮಾಡದಂತೆ ಎಚ್ಚರಿಕೆ ವಹಿಸಬೇಕು. ಈ ಬಗ್ಗೆ ತಹಸೀಲ್ದಾರ್​ ಸೂಚನೆ ನೀಡುತ್ತಾರೆ. 15 ದಿನದಲ್ಲಿ ಎಷ್ಟು ಕಡತಗಳ ವಿಲೇವಾರಿ ಸಾಧ್ಯವಾಗುತ್ತದೆ ಎಂಬುದನ್ನು ನೀವೆ ನಿರ್ಧರಿಸಿ, ನಿಗದಿಪಡಿಸಿರುವಷ್ಟು ಬಗೆಹರಿಸಿ ಎಂದರು.

ತಹಸೀಲ್ದಾರ್​ ಎಂ.ಮಮತಾ ಮಾತನಾಡಿ, 170 ಆನ್​ಲೈನ್​ಗೆ ದಾಖಲಾಗದ ಪ್ರಕರಣಗಳಿದ್ದು, ಅದರಲ್ಲಿ ದೊಡ್ಡರಾಂಪುರದ 47ರ ಕಡತ ಸೇರಿಲ್ಲ ಏಕೆ ಎಂಬುದರ ಬಗ್ಗೆ ಸಂಬಂದ ಪಟ್ಟ ಗ್ರಾಮಾಡಳಿತಾಧಿಕಾರಿ ಹಾಗೂ ರಾಜಸ್ವನಿರೀಕ್ಷಕರು ಉತ್ತರಿಸಿ. ನಿಗದಿತ ಅವಧಿಯಲ್ಲಿ ಕರ್ತವ್ಯ ನಿರ್ವಹಿಸಿ, ಪದೇಪದೆ ಜನಸ್ಪಂದನ ಕಾರ್ಯಕ್ರಮದಲ್ಲಿ ಈ ಭೂ ಮಂಜೂರಾತಿಗೆ ಸಂಬಂಧಿಸಿದಂತೆ ರೈತರು ಮನವಿ ಸಲ್ಲಿಸುತ್ತೆಲೇ ಇದ್ದಾರೆ. ಇನ್ನಾದರು ಸರಿಯಾಗಿ ಕೆಲಸ ಮಾಡಿ ಎಂದರು.

ಬಗರ್​ಹುಕುಂ ಕಮಿಟಿ ಸದಸ್ಯ ಬೇವಿನಹಳ್ಳಿ ಚನ್ನಬಸವಯ್ಯ, ಆರ್​ಆರ್​ ಶಿರಸ್ತೇದಾರ್​ ವನಜಾಕ್ಷಿ ಮತ್ತಿತರರು ಇದ್ದರು.