ಅರಣ್ಯಭೂಮಿ ಒತ್ತುವರಿ ತೆರವಿಗೆ ಮೀನಾಮೇಷ

ತುಮಕೂರು ಜಿಲ್ಲೆಯಲ್ಲಿಯೂ ಅರಣ್ಯ ಭೂಮಿ ಒತ್ತುವರಿ ಮಾಡಿಕೊಂಡವರ ವಿರುದ್ಧ ಕರ್ನಾಟಕ ಭೂ ಕಬಳಿಗೆ ವಿಶೇಷ ನ್ಯಾಯಾಲಯದಡಿ 4001 ಪ್ರಕರಣಗಳಿದ್ದು 8025 ಎಕರೆ ಒತ್ತುವರಿ ತೆರವು ಬಾಕಿ ಇದೆ, ಸಾವಿರಾರು ಎಕರೆ ಕೆರೆ ಭೂಮಿಯೂ ಈಗಾಗಲೇ ಒತ್ತುವರಿಯಾಗಿದ್ದು ಅರಣ್ಯ ಕೂಡ ವಿವಿಧ ಕಾರಣದಿಂದ ಒತ್ತುವರಿಯಾಗುತ್ತಲೇ ಇದೆ.

2014ರಿಂದಲೂ ಜಿಲ್ಲೆಯಲ್ಲಿ ಅರಣ್ಯ ಒತ್ತುವರಿ ತೆರವು ಕಾರ್ಯಚರಣೆ ನಡೆಯುತ್ತಿದೆ ಇದೆ ಆದರೆ, ಕಳೆದ 12 ವರ್ಷದಲ್ಲಿ ಜಿಲ್ಲೆಯಲ್ಲಿ 340 ಪ್ರಕರಣಗಳಲ್ಲಿ 931 ಎಕರೆ ಮಾತ್ರ ತೆರವುಗೊಳಿಸಲು ಅರಣ್ಯ ಇಲಾಖೆಗೆ ಸಾಧ್ಯವಾಗಿದೆ. ಕಾನೂನು ಬೆಂಬಲವಿದ್ದರೂ ಅರಣ್ಯ ಇಲಾಖೆ ಅಧಿಕಾರಿಗಳ ಇಚ್ಛಾಶಕ್ತಿಯ ಕೊರತೆಯಿಂದ ತೆರವು ಕಾರ್ಯ ಕುಂಟುತ್ತಾ ಸಾಗಿದೆ.

ಒತ್ತುವರಿಯಾದ ಅರಣ್ಯ ಭೂಮಿಯನ್ನು ಸರ್ಕಾರದ ಪರ ಹಿಂಪಡೆಯಲು ಕರ್ನಾಟಕ ಅರಣ್ಯ ಕಾಯ್ದೆ 1963ರ ಕಲಂ 64(ಎ) ಅಡಿ ತೆರವುಗೊಳಿಸಬೆಕಿದ್ದರೂ ಪ್ರಗತಿ ಮಾತ್ರ ನಿಧಾನಗತಿಯಲ್ಲಿದೆ. ಪ್ರತಿ ತಿಂಗಳ 3 ಹಾಗೂ 18ರಂದು ಆಯಾ ಕ್ಷೇತ್ರಮಟ್ಟದ ಸಿಬ್ಬಂದಿ ಗಸ್ತು ತಿರುಗುವಿಕೆಯನ್ನು ತಂತ್ರಾಂಶದಲ್ಲಿಯೂ ದಾಖಲಿಸಲಾಗುತ್ತಿದೆ.

ಅರಣ್ಯ ಅತಿಕ್ರಮಣ ಪತ್ತೆಹಚ್ಚಲು ಕರ್ನಾಟಕ ಅರಣ್ಯ ಇಲಾಖೆ ಉಪಗ್ರಹ ಕಣ್ಗಾವಲು ವ್ಯವಸ್ಥೆ(ಾರಸ್ಟ್​ ಕವರ್​ ಚೇಂಜ್​ ಅರ್ಲಟ್​ ಸಿಸ್ಟಮ್​) ಎಂಬ ತಾಂತ್ರಿಕ ವ್ಯವಸ್ಥೆ ಕೂಡ ಜಾರಿಯಾಗಿದೆ. ಇದರಿಂದ ಉಪಗ್ರಹ ಆಧಾರಿತ ಚಿತ್ರಗಳ ವಿಶ್ಲೇಷಣೆಯ ಆಧಾರದ ಮೇಲೆ ಕ್ಷೇತ್ರ ಅಧಿಕಾರಿಗಳಿಗೆ ತಕ್ಷಣವೇ ಎಸ್​ಎಂಎಸ್​ ಮೂಲಕ ಎಚ್ಚರಿಕೆ ನೀಡಲಾಗುತ್ತಿದೆ ಆದರೆ, ಈಗಾಗಲೇ ಒತ್ತುವರಿಯಾಗಿರುವ ಜಮೀನು ತೆರವು ಮೂಲೆಗೆ ಬಿದ್ದಿದೆ.

ಅರಣ್ಯ ಮತ್ತು ಕಂದಾಯ ಇಲಾಖೆ ಜಮೀನು ಗಡಿ ಗುರುತಿಸಲು ಸಾರ್ವಜನಿಕರು ಸಾಕಷ್ಟು ಅರ್ಜಿ ಸಲ್ಲಿದ್ದು ಜಂಟಿ ಮೋಜಣಿ ಕೂಡ ನಡೆಯಬೇಕಿದ್ದು ಅರಣ್ಯ ಇಲಾಖೆ ಸಿಬ್ಬಂದಿಗಳು ಕಂದಾಯ ಇಲಾಖೆಯೊಂದಿಗೆ ಜಂಟಿ ಮೋಜಣಿಗೆ ಹಾಜರಾಗಿ ನೆ ಮತ್ತು ಮಹಜರು ವರದಿಯನ್ನು ಸಲ್ಲಿಸುವ ಕಾರ್ಯವೂ ಜಿಲ್ಲೆಯಲ್ಲಿ ಮಂದಗತಿಯಲ್ಲಿದೆ.