ಬೆಳಗ್ಗೆಯಿಂದಲೇ ಶ್ರೀ ರಾಮಲಿಂಗೇಶ್ವರ ದೇವಾಲಯದಲ್ಲಿ ಪೂಜಾ ಕೈಂಕರ್ಯಗಳು, ಪುಣ್ಯಾಹ, ದೇವನಾಂದಿ, ಸೂರ್ಯ ನಮಸ್ಕಾರ, ನವಗ್ರಹ ಜಪ, ಪರ್ಜನ್ಯ ಜಪ, ಮಹಾನ್ಯಾಸ, ಸುದರ್ಶನ ಹೋಮ, ವಿರಾಟಪರ್ವ, ಪೂರ್ಣಾಹುತಿ ಸೇರಿದಂತೆ ಹಲವು ಧಾರ್ಮಿಕ ವಿಧಿವಿಧಾನಗಳು ನೆರವೇರಿದವು. ಗ್ರಾಮದಲ್ಲಿ ಅಶಾಂತಿ, ಮಳೆ ಕೊರತೆ, ಬೆಳೆ ನಷ್ಟ ಸೇರಿದಂತೆ ಸಮಸ್ಯೆಗಳು ಎದುರಾದಾಗ ಶ್ರೀ ರಾಮಲಿಂಗೇಶ್ವರಸ್ವಾಮಿಗೆ ಕುಂಭಾಭಿಷೇಕ ಮಾಡಿದರೆ ಮಳೆ, ಬೆಳೆ ಸಮೃದ್ಧಿಯಾಗಿ ಗ್ರಾಮದಲ್ಲಿ ನೆಮ್ಮದಿ ನೆಲೆಸುತ್ತದೆ ಎಂಬ ನಂಬಿಕೆ ಪೂರ್ವಿಕರ ಕಾಲದಿಂದಲೂ ಇದೆ. ಇದೇ ಕಾರಣದಿಂದ ಈ ಆಚರಣೆಯನ್ನು ಇಂದಿಗೂ ಮುಂದುವರಿಸಿಕೊಂಡು ಬರುಲಾಗುತ್ತಿದೆ. 1,500 ಕೊಡಗಳ ಜಲವನ್ನು ಲಿಂಗಕ್ಕೆ ಅಭಿಷೇಕ ಮಾಡುವ ಮೂಲಕ ಭಕ್ತರು ಭಕ್ತಿಯ ಮೆರೆದರು.
