ತುಮಕೂರಲ್ಲಿ ಪ್ರತಿಷ್ಠಿತ ಜೂನಿಯರ್ ಬ್ಯಾಡ್ಮಿಂಟನ್ ಟೂರ್ನಿ
ಕಿರಿಯರ ಕರ್ನಾಟಕ ರಾಜ್ಯ Ranking ಬ್ಯಾಡ್ಮಿಂಟನ್ ಟೂರ್ನಿ ಆತಿಥ್ಯವಹಿಸುತ್ತಿರುವ ಹಿನ್ನೆಲೆ ತುಮಕೂರು ಬ್ಯಾಡ್ಮಿಂಟನ್ ಅಕಾಡೆಮಿಗೆ ಕೆಬಿಎ ಅಧ್ಯಕ್ಷ ಕುಮಾರ್ ಬಂಗಾರಪ್ಪ ಭೇಟಿ ನೀಡಿ ಪರಿಶೀಲಿಸಿದರು. ಮುರಳಿ, ಹರೀಶ್, ಪಿ.ಪ್ರವಿಣ್, ಎನ್.ವಿ.ಸ್ವಾಮಿ, ಟಿ.ಆರ್.ಮನೋಜ್ ಮತ್ತಿತರರು ಇದ್ದರು.
Published on:
Copied
Follow Us
ಪ್ರಮುಖ ಮುಖ್ಯಾಂಶಗಳು
ಜುಲೈ 27 ರಿಂದ ಆ.1 ರವರೆಗೆ ಪಂದ್ಯಾವಳಿ
13 ಹಾಗೂ 11 ವಯೋಮಾನ ವಿಭಾಗ
600 ಆಟಗಾರರು ಭಾಗಿ
ತುಮಕೂರು: ರಾಜ್ಯಮಟ್ಟದ ಷಟಲ್ ಬ್ಯಾಡ್ಮಿಂಟನ್ ಟೂರ್ನಿಗೆ ತುಮಕೂರು ಆತಿಥ್ಯವಹಿಸಲಿದೆ. ಕರ್ನಾಟಕ ರಾಜ್ಯ Ranking ಬ್ಯಾಡ್ಮಿಂಟನ್ (13 ಹಾಗೂ 11 ವಯೋಮಾನ ಒಳಗಿನ) ಟೂರ್ನಿ ಜು. 27 ರಿಂದ ಆಗಸ್ಟ್ 1 ರವರೆಗೆ ನಡೆಯಲಿದ್ದು ಕಿರಿಯರ ವಿಭಾಗದ ಅತಿದೊಡ್ಡ ಟೂರ್ನಿಯನ್ನು ಮೊಟ್ಟ ಮೊದಲ ಬಾರಿ ತುಮಕೂರಿನಲ್ಲಿ ಆಯೋಜಿಸುತ್ತಿರುವುದು ವಿಶೇಷವೆನಿಸಿದೆ.
ಕಿರಿಯರ ವಿಭಾಗದ 13 ಹಾಗೂ 11 ವಯೋಮಾನದ ಬಾಲಕ, ಬಾಲಕಿಯರ ರಾಜ್ಯ Ranking ಟೂರ್ನಿಯಲ್ಲಿ 600ಕ್ಕು ಹೆಚ್ಚು ಆಟಗಾರರು ಭಾಗವಹಿಸಲಿದ್ದು ಚಾಂಪಿಯನ್ಶಿಪ್ ಜತೆಗೆ ಶ್ರೇಯಾಂಕ ಪಡೆಯಲು ಸೆಣಸಲಿದ್ದಾರೆ.
ಕುಮಾರ್ ಬಂಗಾರಪ್ಪ ಭೇಟಿ: ತುಮಕೂರು ಬ್ಯಾಡ್ಮಿಂಟನ್ ಅಕಾಡೆಮಿ (ಟಿಬಿಎ)ಯಲ್ಲಿ ಪಂದ್ಯಗಳು ನಡೆಯಲಿದ್ದು ಈ ಹಿನ್ನೆಲೆಯಲ್ಲಿ ಕರ್ನಾಟಕ ಬ್ಯಾಡ್ಮಿಂಟನ್ ಅಸೋಸಿಯೇಷನ್ (ಕೆಬಿಎ) ಅಧ್ಯಕ್ಷ ಕುಮಾರ್ ಬಂಗಾರಪ್ಪ, ಕಾರ್ಯದರ್ಶಿ ಮುರಳಿ ಹಾಗೂ ಟೂರ್ನಿ ಸಂಟಕ ಹರೀಶ್ ಗುರುವಾರ ನಗರಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.
ಈ ವೇಳೆ ಟಿಬಿಎ ಮಾಲೀಕ ಪಿ.ಪ್ರವಿಣ್, ಬ್ಯಾಡ್ಮಿಂಟನ್ ಕೋಚ್ಗಳಾದ ಎನ್.ವಿ.ಸ್ವಾಮಿ, ಟಿ.ಆರ್.ಮನೋಜ್ ಮತ್ತಿತರರು ಉಪಸ್ಥಿತರಿದ್ದರು.
2009ರಲ್ಲಿ ಮೊದಲ ಬಾರಿ ತುಮಕೂರಿನಲ್ಲಿ ಹಿರಿಯರ ವಿಭಾಗದ ಕರ್ನಾಟಕ Ranking ಟೂರ್ನಿ ನಡೆದಿತ್ತು. ಅದಾದ ಬಳಿಕ ಕಿರಿಯರ ವಿಭಾಗದಲ್ಲಿ ಮೊಟ್ಟಮೊದಲ ಬಾರಿ ಪ್ರತಿಷ್ಠಿತ Ranking ಟೂರ್ನಿ ಆಯೋಜಿಸುವ ಅವಕಾಶ ತುಮಕೂರಿಗೆ ಒದಗಿಬಂದಿದೆ.
