ಜಸ್ಟಿನಾ, ವೈದೇಹಿಗೆ ಗೆಲುವು

ತುಮಕೂರು: ಅಗ್ರಶ್ರೇಯಾಂಕಿತೆ ಲಿಥುವೇನಿಯಾದ ಜಸ್ಟಿನಾ ಮಿಕುಲ್ಸ್ಕೈಟ್ ​ ಹಾಗೂ ಮೂರನೇ ಶ್ರೇಯಾಂಕಿತೆ ಭಾರತದ ವೈದೇಹಿ ಚೌಧರಿ ಐಟಿಎಫ್​ ​ ವಿಶ್ವ ಮಹಿಳಾ ಟೆನಿಸ್​ ಚಾಂಪಿಯನ್​ಶಿಪ್​ (ಡಬ್ಲೂ35 ಟೂರ್ನಿ) ಸಿಂಗಲ್ಸ್​ನಲ್ಲಿ ಉತ್ತಮ ಪ್ರದರ್ಶನ ನೀಡಿ ಮುಂದಿನ ಸುತ್ತಿಗೆ ಲಗ್ಗೆಯಿಟ್ಟರು.

ನಗರದ ವಿವಿ ಆವರಣದ ಜಿಲ್ಲಾ ಟೆನಿಸ್​ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಪ್ರಧಾನಸುತ್ತಿನ ಸಿಂಗಲ್ಸ್​ ಪಂದ್ಯದಲ್ಲಿ ಜಸ್ಟಿನಾ 6-1, 6-1 ನೇರ ಸೆಟ್​ಗಳಿಂದ ಭಾರತದ ಸೌಮ್ಯ ವಿಜ್​ ವಿರುದ್ಧ ಭರ್ಜರಿ ಜಯಗಳಿಸಿದರು. ಎರಡನೇ ಶ್ರೇಯಾಂಕಿತೆ ಪೋಲೆಂಡ್​ನ ಜುಝನ್ನಾ ಪಾವ್ಲಿಕೊವಾಸ್ಕೊ 6-0,6-1 ಸೆಟ್​ಗಳಿಂದ ಭಾರತದ ಶ್ರೀಮಾನ್ಯ ರೆಡ್ಡಿ ಅನುಗೊಂಡ ವಿರುದ್ಧ ನಿರಾಯಾಸ ಜಯಗಳಿಸಿದರು.

ಮೂರನೇ ಶ್ರೇಯಾಂಕಿತ ಭಾರತದ ವೈದೇಹಿ ಚೌಧರಿ 6-3, 6-4 ಸೆಟ್​ಗಳಿಂದ ಸ್ಥಳಿಯ ತಾರೆ ಸೋಹಾ ಸಾದಿಕ್​ ಮಣಿಸಿದರು. ಸೋಹಾ ಉತ್ತಮ ಹೋರಾಟ ನೀಡಿದರಾದರು ವೈದೇಹಿ ಮಿಂಚಿನ ಆಟದ ಎದುರು ಶರಣಾದರು. ಇನ್ನೂ ನಾಲ್ಕನೇ ಶ್ರೇಯಾಂಕಿತೆ ಭಾರತದ ಝೀಲ್​ ದೇಸಾಯಿ 6-0, 6-0 ನೇರ ಸೆಟ್​ಗಳಿಂದ ಜೀತೇಶ್​ ಕುಮಾರಿಯನ್ನು ಸದೆಬಡಿದರು.

ಆರನೇ ಶ್ರೇಯಾಂಕಿತ ರಷ್ಯಾದ ಎಕಟೆರಿನಾ ಯಾಶಿನಾ 6-2, 6-2 ಸೆಟ್​ಗಳಿಂದ ಭಾರತದ ಬೇಲಾ ತಮ್ಹಾಂಕರ್​ರನ್ನು ಸೋಲಿಸಿದರೆ, ಪೋಲೆಂಡ್​ ನ ಜುಝಾನ್ನಾ ಕೊಲೊನಸ 6-2, 6-0 ಸೆಟ್​ಗಳಿಂದ ಭಾರತದ ಐಶ್ವರ್ಯ ಜಾಧವ್​ ವಿರುದ್ಧ ಅರ್ಹ ಗೆಲುವಿನೊಂದಿಗೆ ಮುಂದಿನ ಸುತ್ತಿಗೆ ಪ್ರವೇಶಿಸಿದರು.

ಆಕಾಂಕ್ಷಾಗೆ ಆಘಾತ: ಟೂರ್ನಿಯ ಎಂಟನೇ ಶ್ರೇಯಾಂಕಿತೆ ಭಾರತದ ಆಕಾಂಕ್ಷಾ ದಿಲೀಪ ನಿಟ್ಟೂರೆ 6-&1, 6&-1 ಸೆಟ್​ಗಳಿಂದ ರಷ್ಯಾದ ಅರಿನಾ ಅರಿಫುಲ್ಲಿನಾ ವಿರುದ್ಧ ಸೋಲನುಭವಿಸಿದರು. ಸಾಕಷ್ಟು ಭರವಸೆಹುಟ್ಟಿಸಿದ್ದ ಆಕಾಂಕ್ಷಾ ಟೂರ್ನಿಯಿಂದಲೇ ನಿರ್ಗಮಿಸಿದ್ದು ಈ ದಿನದ ಆಘಾತಕಾರಿ ಫಲಿತಾಂಶಗಳಲ್ಲೊಂದಾಗಿತ್ತು.

ಭಾರತದ ಲಕ್ಷ್ಮೀಸಿರಿ ದಂಡು 1-6, 7-5, 6-3 ಸೆಟ್​ಗಳಿಂದ ಪ್ರತ್ಯುಷ ರಾಚಪುಡಿ ವಿರುದ್ಧ ಗೆಲುವು ಸಾಧಿಸಿದರು. ಆರಂಭಿಕ ಸೆಟ್​ ಹಿನ್ನೆಡೆ ಬಳಿಕ ಪುಟಿದೆದ್ದ ಲಕ್ಷ್ಮೀಸಿರಿ ಎರಡನೇ ಸೆಟ್​ನಲ್ಲಿ ತೀವ್ರ ಪೈಪೋಟಿ ನಡೆಸಿ 7-5 ರಿಂದ ಸೆಟ್​ ಗೆದ್ದು ಪಂದ್ಯವನ್ನು ಜೀವಂತವಾಗಿರಿಸಿದರು. 3ನೇ ಸೆಟ್​ನಲ್ಲಿ ಲಯ ಮುಂದುವರೆಸಿದ ಲಕ್ಷಿ$್ಮಸಿರಿ 6-3 ರಿಂದ ಗೆದ್ದುಬಿಗಿದರು.

ಕಶಿಶ ಭಾಟಿಯಾ 6-1, 6-1 ಸೆಟ್​ಗಳಿಂದ ವೈಲ್ಡ್​ ಕಾರ್ಡ್​ ಆಟಗಾರ್ತಿ ಅಮೋದಿನಿ ನಾಯ್ಕ್​ ವಿರುದ್ಧ ಜಯಗಳಿಸಿದರು.

ಭಾರತದ ಜೆನ್ನಿಫರ್​ ಲುಯಿಖಾಮ್​ 6-3, 4-6, 6-3 ಸೆಟ್​ಗಳಿಂದ ಚೆವಿಕಾ ರೆಡ್ಡಿ ಸಮಾ ವಿರುದ್ಧ ಸಮಬಲ ಹೋರಾಟದಲ್ಲಿ ಜಯಗಳಿಸಿದರು. ಎರಡನೇ ಸೆಟ್​ನಲ್ಲಿ ಹಿನ್ನೆಡೆ ಮೆಟ್ಟಿದ ಜೆನ್ನಿಫರ್​ 3ನೇ ಸೆಟ್​ನಲ್ಲಿ ಉತ್ತಮ ನಿರ್ವಹಣೆ ತೋರಿ ಗೆಲುವು ಸಾಧಿಸಿದರು.

ಡಬಲ್ಸ್​ನಲ್ಲಿ ಸೋಹಾ,ಮಧುರಿಮಾಗೆ ಜಯ: ಮಹಿಳೆಯರ ಡಬಲ್ಸ್​ನಲ್ಲಿ ಭಾರತದ ಸೋಹಾ ಸಾದಿಕ ಮತ್ತು ಮಧುರಿಮಾ ಸಾವಂತ್​ ಜೋಡಿ 6-&3, 6-&2 ನೇರ ಸೆಟ್​ಗಳಿಂದ ಭಾರತದ ಜೋಡಿ ಪೂಜಾ ಇಂಗಳೆ ಮತ್ತು ಪ್ರತ್ಯುಷಾ ರಾಚಪುಡಿ ವಿರುದ್ಧ ಜಯಸಾಧಿಸಿದರು.

ತೀವ್ರ ಹಣಾಹಣಿಯಿಂದ ಕೂಡಿದ್ದ ಪಂದ್ಯದಲ್ಲಿ ಶ್ರೀಮಾನ್ಯ ರೆಡ್ಡಿ ಅನುಗೊಂಡ ಮತ್ತು ಸಾಹಿರಾ ಸಿಂಗ್​ 3&-6, 6&-3, 10&-6 ಸೆಟ್​ಗಳಿಂದ ಲಕ್ಷ್ಮೀಸಿರಿ ದಂಡು ಮತ್ತು ಚೆವಿಕಾ ರೆಡ್ಡಿ ಸಮಾ ವಿರುದ್ಧ ಗೆಲುವು ಸಾಧಿಸಿದರು.

ಸಿಂಗಲ್ಸ್​ನಲ್ಲಿ ಸೋಲಿನ ಆಘಾತ ಅನುಭವಿಸಿದ್ದ ಮೂರನೇ ಶ್ರೇಯಾಂಕದ ಆಕಾಂಕ್ಷಾ ದಿಲೀಪ್​ ನಿಟ್ಟೂರೆ ಮತ್ತು ಜಪಾನ್​ನ ಮಿಚಿಕಾ ಒಜೆಕಿ ಜತೆಗೂಡಿ 6-3, 4-6, 10-6 ಸೆಟ್​ಗಳಿಂದ ಕಶಿಶ ಭಾಟಿಯಾ ಮತ್ತು ಸೋನಾಲ ಪಾಟೀಲ್​ರನ್ನು ಮಣಿಸಿ ಮುಂದಿನ ಹಂತಕ್ಕೆ ಪ್ರವೇಶಿಸಿದರು.