ಜೀವನದಲ್ಲಿ ಕಷ್ಟಪಟ್ಟರೆ ಯಶಸ್ಸು ಸಿದ್ಧಿ

ಪಟ್ಟಣದ ಚೌದ್ರಿ ಕನ್ವೆನ್ಷನ್​ ಹಾಲ್​ನಲ್ಲಿ ಲಯನ್ಸ್​ ಕ್ಲಬ್​ ವತಿಯಿಂದ 2026&-27ನೇ ಸಾಲಿನ ನೂತನ ಪದಾಧಿಕಾರಿಗಳ ಪದಗ್ರಹಣ ಕಾರ್ಯಕ್ರಮದಲ್ಲಿ ಅಧ್ಯಕ್ಷರಾಗಿ ಅಧಿಕಾರ ಸ್ವೀಕರಿಸಿ ಮಾತನಾಡಿ, ಮನುಷ್ಯನಿಗೆ ಜೀವನದಲ್ಲಿ ಕಷ್ಟ ಸುಖಗಳು ಬಂದು ಹೋಗುತ್ತವೆ. ಆದರೆ ಕಷ್ಟ ಬಂದ ಸಂದರ್ಭದಲ್ಲಿ ಎದೆಗುಂದದೆ ಧೈರ್ಯವಾಗಿ ಎದುರಿಸಬೇಕು. ಆಗ ಸಾಧನೆ ಮಾಡಲು ಸಾಧ್ಯ. ಲಯನ್ಸ್​ ಕ್ಲಬ್​ ಎಲ್ಲ ಸದಸ್ಯರ ಸಹಕಾರದೊಂದಿಗೆ ಈ ವರ್ಷ ತಾಲೂಕಿನಲ್ಲಿ ಉತ್ತಮ ಸೇವಾ ಕಾರ್ಯಕ್ರಮ ಮಾಡಲಾಗುವುದು ಎಂದರು.

ಶಾಸಕ ಎಂ.ಟಿ.ಕೃಷ್ಣಪ್ಪ ಮಾತನಾಡಿ, ಪಟ್ಟಣದ ಲಯನ್ಸ್​ ಕ್ಲಬ್​ ಉತ್ತಮ ಸೇವಾ ಕಾರ್ಯಕ್ರಮ ನಡೆಸುತ್ತಿದೆ. ಒಂದು ವರ್ಷದಲ್ಲಿ ಸುನಿಲ್​ ಕುಮಾರ್​ ತಂಡ ಸಮಾಜ ಮುಖಿ ಕಾರ್ಯಕ್ರಮ ಕೈಗೊಳ್ಳಲಿ ಎಂದು ತಿಳಿಸಿದರು. ನೂತನ ಸದಸ್ಯರಾಗಿ ವೆಂಕಾಟಪುರ ಯೋಗೀಶ್​, ಸಂತೋಷ್​ ಕಂಟ್ಲಿ ಮತ್ತಿತರರು ಸೇರ್ಪಡೆಯಾದರು.

ಮಾಜಿ ಶಾಸಕ ಎಂ.ಡಿ.ಲಕ್ಷ್ಮೀನಾರಾಯಣ್​, ಪ್ರಾಂತ ಅಧ್ಯಕ್ಷ ಎಚ್​.ಎಸ್​.ಮಹೇಶ್​, ಕಲ್ಪತರು ಲಯನ್ಸ್​ ಚಾರಿಟಬಲ್​ ಅಧ್ಯಕ್ಷ ಡಾ.ಚೌದ್ರಿನಾಗೇಶ್​, ವಲಯ ಅಧ್ಯಕ್ಷ ಕೆ.ಲೋಕೇಶ್​, ನಿರ್ಗಮಿತ ಅಧ್ಯಕ್ಷ ಎಚ್​.ಎನ್​.ಪರಮೇಶ್ವರಸ್ವಾಮಿ, ಕಾರ್ಯದರ್ಶಿ ಡಾ.ಎ.ನಾಗರಾಜು, ಖಜಾಂಚಿ ಸುನಿಲ್​ ಕುಮಾರ್​ ಇತರರು ಇದ್ದರು.