ಬಿಸಿಲಿನ ತಾಪಕ್ಕೆ ಕುಸಿದ ಅಂತರ್ಜಲ

ಕಷ್ಟಪಟ್ಟು ಬೆಳೆದ ಅಡಿಕೆ, ತೆಂಗು, ಬಾಳೆ, ರೇಷ್ಮೆ ಹಾಗೂ ಹೂವು, ತರಕಾರಿ ಬೆಳೆಗಳಿಗೆ ನೀರುಣಿಸುವುದು ಈಗ ರೈತರಿಗೆ ಸವಾಲಾಗಿದೆ. ಪ್ರಸ್ತುತ ಅಡಿಕೆ ಬೆಳೆಗೆ ನೀರುಣಿಸುವ ಸಲುವಾಗಿ ರೈತರು ಟ್ಯಾಂಕರ್​ ಮೊರೆ ಹೋಗಿದ್ದು, ಪ್ರತಿ ಟ್ಯಾಂಕರ್​ ನೀರಿಗೆ 1,000ದಿಂದ 1200 ರೂ. ನೀಡಬೇಕಾಗಿದೆ. ಸ್ವಂತ ಟ್ಯಾಂಕರ್​ ಇದ್ದರೆ ನೀರಿಗೆ 200ರಿಂದ 250 ನೀಡಬೇಕಾದ ಪರಿಸ್ಥಿತಿ ಬಂದೊದಗಿದೆ.

ಕಳೆದ ಒಂದು ತಿಂಗಳಿನಿಂದ ರೈತರ ಪಂಪ್​ ಸೆಟ್​ಗಳಿಗೆ ನೀಡುವ ತ್ರಿಫೇಸ್​ ವಿದ್ಯುತ್​ನಲ್ಲಿ ಕೂಡ ವ್ಯತ್ಯಯ ಉಂಟಾಗಿದ್ದು, ವಿದ್ಯುತ್​ ಕಣ್ಣಮುಚ್ಚಾಲೆಗೆ ಪಂಪು, ಮೋಟಾರ್​ ಸುಟ್ಟುಹೋಗುತ್ತಿವೆ. ಬೇಸಿಗೆ ಪ್ರಾರಂಭವಾದ ಬಳಿಕ ವಿದ್ಯುತ್​ ಬೇಡಿಕೆ ಹೆಚ್ಚಾಗಿದ್ದು, ಪರಿವರ್ತಕದ ಮೇಲೆ ಒತ್ತಡ ಹೆಚ್ಚಿದ ಕಾರಣ ತಾಲೂಕಿನಾದ್ಯಂತ ನಾಲ್ಕು ತಿಂಗಳ ಅವಧಿಯಲ್ಲಿ 300ಕ್ಕೂ ಹೆಚ್ಚು ವಿದ್ಯುತ್​ ಪರಿವರ್ತಕಗಳು ಸುಟ್ಟುಹೊಗಿವೆ ಎಂದು ಬೆಸ್ಕಾಂ ಅಧಿಕಾರಿಗಳು ತಿಳಿಸಿದ್ದಾರೆ.

ಮಳೆಗಾಗಿ ಪ್ರಾರ್ಥನೆ: ತಾಲೂಕಿನಲ್ಲಿ ಒಟ್ಟು 65 ಸಾವಿರ ಹೆಕ್ಟೇರ್​ ಕೃಷಿ ಭೂಮಿ ಇದ್ದು, ಇದರಲ್ಲಿ 40 ಸಾವಿರ ಹೆಕ್ಟೇರ್​ ಪ್ರದೇಶ ರಾಗಿ ಬೇಳೆ, 12 ಸಾವಿರ ಹೆಕ್ಟೇರ್​ ತೆಂಗು, 3 ಸಾವಿರ ಹೆಕ್ಟೇರ್​ ಅಡಿಕೆ, 3 ಸಾವಿರ ಹೆಕ್ಟೇರ್​ ಪ್ರದೇಶದಲ್ಲಿ ಮಾವು ಮತ್ತು ಉಳಿದಂತೆ ಬಾಳೆ, ತರಕಾರಿ ಬೆಳೆಗಳನ್ನು ಬೆಳೆಯಲಾಗಿದೆ. ಆದರೆ ಈ ವರ್ಷದ ಬೇಸಿಗೆಯಲ್ಲಿ ನೀರಿನ ಸಮಸ್ಯೆಯಿಂದ ತೋಟಗಾರಿಕೆ ಬೆಳಗಾರರಿಗೆ ಸಮಸ್ಯೆ ಎದುರಾಗಿದೆ. ಸರಿಯಾದ ಸಮಯಕ್ಕೆ ಮಳೆಯಾಗದಿದ್ದರೆ ಪರಿಸ್ಥಿತಿ ಇನ್ನಷ್ಟು ಹದಗೆಡುವ ಸಾಧ್ಯತೆ ಇದ್ದು, ರೈತರು ಆಕಾಶ ನೋಡಿ ಪ್ರಾರ್ಥನೆ ಮಾಡುತ್ತ ದಿನಕಳೆಯುತ್ತಿದ್ದಾರೆ.

ಹುಲಿಯೂರುದುರ್ಗ ಪೋಲ್ಡರ್​)))

*ಕುಣಿಗಲ್​ ತಾಲೂಕಿನ ತೆರದಕುಪ್ಪೆ ಗ್ರಾಮದ ರೈತ ದೇವರಾಜು ಅಡಿಕೆ ತೊಟಕ್ಕೆ ಟ್ಯಾಂಕರ್​ ಮೂಲಕ ನೀರು ಹಾಯಿಸುತ್ತಿರುವುದು.