ಗ್ರಾಪಂ ಅಂಗಡಿ ಮಳಿಗೆ ವಶಕ್ಕೆ ಪಟ್ಟು

ಗ್ರಾಪಂ ಅಂಗಡಿ ಮಳಿಗೆ ವಶಕ್ಕೆ ಪಟ್ಟು

* ಕುಣಿಗಲ್​ ತಾಪಂ ಕಚೇರಿ ಮುಂದೆ ದಲಿತ ಸಂಟನೆಗಳಿಂದ ಪ್ರತಿಭಟನೆ

ವಿಜಯವಾಣಿ ಸುದ್ದಿಜಾಲ ಕುಣಿಗಲ್​

ಪರಿಶಿಷ್ಟರ ಕಾಲನಿಗೆ ಹೊಂದಿಕೊಂಡಂತಿರುವ ಹಳೇ ಗ್ರಾಮ ಪಂಚಾಯಿತಿ ಜಾಗದಲ್ಲಿನ ಅಂಗಡಿ ಮಳಿಗೆಗಳನ್ನು ಅಕ್ರಮವಾಗಿ ವಶಕ್ಕೆ ಪಡೆದಿರುವವರನ್ನು ಖಾಲಿ ಮಾಡಿಸಬೇಕು ಎಂದು ಒತ್ತಾಯಿಸಿ ತಾಲೂಕು ದಲಿತ ಸಂಟನೆಗಳ ಒಕ್ಕೂಟದ ಮುಖಂಡರು ತಾಪಂ ಕಚೇರಿ ಮುಂದೆ ಬುಧವಾರ ಪ್ರತಿಭಟನೆ ನಡೆಸಿದರು.

ಅಂಗಡಿ ಮಳಿಗೆಗಳನ್ನು ಕೆಲವು ಖಾಸಗಿ ವ್ಯಕ್ತಿಗಳು ಅಕ್ರಮವಾಗಿ ಬೀಗ ಒಡೆದು ವಶಕ್ಕೆ ಪಡೆದು ಕೊಂಡಿದ್ದಾರೆ. ಅತಿಕ್ರಮ ಪ್ರವೇಶ ಮಾಡಿರುವ ಖಾಸಗಿ ವ್ಯಕ್ತಿಗಳ ವಿರುದ್ಧ ಕ್ರಮ ಕೆಗೊಂಡು ಅಂಗಡಿ ಮಳಿಗೆಗಳನ್ನು ಮತ್ತೆ ಗ್ರಾಪಂ ವಶಕ್ಕೆ ಪಡೆದು ಅದೇ ಜಾಗದಲ್ಲಿ ಸಾರ್ವಜನಿಕ ಗ್ರಂಥಾಲಯ ಮತ್ತು ಶುದ್ಧ ಕುಡಿಯುವ ನೀರಿನ ಟಕ ನಿರ್ಮಾಣ ಮಾಡಬೇಕೆಂದು ಪ್ರತಿಭಟನಾನಿರತರು ಒತ್ತಾಯಿಸಿದರು.

ಸರ್ಕಾರದ ಆಸ್ತಿ ಉಳಿಸಿ, ಸಾರ್ವಜನಿಕರ ಅನುಕೂಲಕ್ಕಾಗಿ ಮೀಸಲಿಡಬೇಕು. ತಾಲೂಕಿನ ಕಸಬಾ ಹೋಬಳಿ ಬೋರಲಿಂಗನ ಪಾಳ್ಯದ ಸರ್ವೇ ನಂ.9ರಲ್ಲಿ ಪರಿಶಿಷ್ಟ ಜಾತಿ ಜನಾಂಗದವರಿಗೆ ಕಡು ಬಡತನದ ಉದ್ದೇಶದಿಂದ ಸರ್ಕಾರ ಕಿಮ್ಮತ್ತು ಕಟ್ಟಿಸಿಕೊಳ್ಳದೆ 2 ಎಕರೆ 37 ಗುಂಟೆ ಭೂಮಿಯನ್ನು ವಸತಿ ಉದ್ದೇಶಕ್ಕಾಗಿ ಉಚಿತವಾಗಿ ಮುಂಜೂರು ಮಾಡಲಾಗಿತ್ತು. ಅದರಲ್ಲಿ ದಲಿತರು ಮನೆಗಳನ್ನು ಕಟ್ಟಿಕೊಂಡು ಉಳಿಕೆ ಜಾಗದಲ್ಲಿ ಗ್ರಾಪಂ ಕಚೇರಿ ನಿರ್ಮಾಣ ಮಾಡಲಾಗಿತ್ತು. ಇ ಖಾತೆಯೂ ಆಗಿದೆ. ಹೊಸ ಗ್ರಾಪಂ ಕಚೇರಿ ನಿರ್ಮಾಣದ ನಂತರ ಅಂಗನವಾಡಿ ಕೇಂದ್ರಕ್ಕೆ ಬಿಟ್ಟುಕೊಡಲಾಗಿತ್ತು. ಹೊಸ ಅಂಗನವಾಡಿ ನಿರ್ಮಾಣವಾದ ಮೇಲೆ ಕಟ್ಟಡ ಪಾಳು ಬಿಡಲಾಗಿದ್ದು, ಹಳೆಯ ಗ್ರಾಪಂ ಕಟ್ಟಡವನ್ನು ಕೆಲ ಖಾಸಗಿ ವ್ಯಕ್ತಿಗಳು ರಾತ್ರೋರಾತ್ರಿ ಕೆಡವಿ ಅಂಗಡಿ ಮಳಿಗೆ ನಿರ್ಮಿಸಿಕೊಂಡಿದ್ದರು. ಸಾರ್ವಜನಿಕರಿಂದ ದೂರು ಬಂದ ನಂತರ ಪಂಚಾಯಿತಿ ಅಧಿಕಾರಿಗಳು ವಶಕ್ಕೆ ಪಡೆದು ಬೀಗ ಹಾಕಿದ್ದರು.

ಸಂಜೆ ಗ್ರಾಮ ಪಂಚಾಯಿತಿ ವಶದಲ್ಲಿದ್ದ ಅಂಗಡಿ ಮಳಿಗೆಗಳ ಬೀಗ ಒಡೆದು ವಶಕ್ಕೆ ಪಡೆದಿದ್ದಾರೆ. ಇದು ಸರ್ಕಾರಿ ಆಸ್ತಿಯಾಗಿದ್ದು, ಗಾಪಂ ಅಧಿಕಾರಿಗಳು ಸೂಕ್ತ ಕ್ರಮ ಕೈಗೊಂಡು ತಮ್ಮ ಸುಪರ್ದಿಗೆ ಪಡೆಯಬೇಕು ಎಂದು ಆಗ್ರಹಿಸಿದರು.

ಸರ್ಕಾರಿ ಆಸ್ತಿಯನ್ನು ವಶಕ್ಕೆ ಪಡೆದು ಪರಿಶಿಷ್ಟ ಜಾತಿ ಜನಾಂಗದ ಉಪಯೋಗಕ್ಕಾಗಿ ಗ್ರಂಥಾಲಯ ಮತ್ತು ಶುದ್ಧ ಕುಡಿಯುವ ನೀರಿನ ಟಕ ಮಾಡಬೇಕೆಂದು ಆಗ್ರಹಿಸಿ ತಾಪಂ ಇಒ ವಸಂತಕುಮಾರ್​ ಅವರಿಗೆ ಮನವಿ ಸಲ್ಲಿಸಿದರು.

ಮನವಿ ಸ್ವೀಕರಿಸಿದ ಮಾತನಾಡಿದ ಇಒ, ಪರಿಶಿಷ್ಟ ಜಾತಿ ಕಾಲನಿ ಪಕ್ಕದಲ್ಲಿರುವ ಹಳೆಯ ಗ್ರಾಪಂ ಕಚೇರಿ ಜಾಗ ಕಬಳಿಸಿರುವುದು ಕಾನೂನು ಬಾಹಿರವಾಗಿದೆ. ಶ್ರೀವೇ ಪೊಲೀಸರೊಂದಿಗೆ ಸ್ಥಳಕ್ಕೆ ತೆರಳಿ ಸರ್ಕಾರಿ ಆಸ್ತಿ ವಶಕ್ಕೆ ಪಡೆಯಲಾಗುವುದು ಎಂದರು.

20 ಕುಣಿಗಲ್​1

ಖಾಸಗಿಯವರ ವಶದಲ್ಲಿರುವ ಹಳೇ ಗ್ರಾಪಂ ಜಾಗದಲ್ಲಿನ ಅಂಗಡಿ ಮಳಿಗೆ ತೆರವು ಮಾಡುವಂತೆ ಒತ್ತಾಯಿಸಿ ತಾಲೂಕು ದಲಿತ ಸಂಟನೆಗಳ ಒಕ್ಕೂಟದ ಮುಖಂಡರು ತಾಪಂ ಕಚೇರಿ ಮುಂದೆ ಪ್ರತಿಭಟನೆ ನಡೆಸಿದರು. ಮುಖಂಡರಾದ ರಮೇಶ, ದೇವರಾಜು, ರಾಜು, ಮಲ್ಲೇಶ್​, ಲೋಕೇಶ್​ ಮತ್ತು ಬೋರಲಿಂಗ ಪಾಳ್ಯದ ಗ್ರಾಮಸ್ಥರಾದ ತಿಮ್ಮಪ್ಪ, ನಾಗರಾಜು, ಗರುಡರಂಗಯ್ಯ, ಲಕ್ಕಮ್ಮ, ಗೌರಮ್ಮ, ಲಲಿತಮ್ಮ ಮತ್ತಿತರರು ಇದ್ದರು.