ಗ್ರಾಮೀಣ ಮಕ್ಕಳಿಗೂ ಆಧುನಿಕ ಶಿಕ್ಷಣದ ಅನುಭವ ದೊರೆಯುವಂತೆ ಕಂಪ್ಯೂಟರ್ ಹಾಗೂ ಇಂಗ್ಲಿಷ್ ಕಲಿಕೆಗೆ ವಿಶೇಷ ಆದ್ಯತೆ ನೀಡಲಾಗಿದೆ. ಇಂಗ್ಲಿಷ್ ಓದು, ಬರವಣಿಗೆ ಮತ್ತು ವಾತನಾಡುವ ಕೌಶಲ ಬೆಳೆಸಲು ಚಟುವಟಿಕೆಗಳನ್ನು ಹಮ್ಮಿಕೊಳ್ಳಲಾಗುತ್ತಿದೆ. ಗ್ರಂಥಾಲಯ, ಡೆಸ್ಕ್, ಕುರ್ಚಿ, ನಲಿಕಲಿ ಟೇಬಲ್, ಪ್ಲೇಕಾರ್ಡ್ಗಳು, ಯುಪಿಎಸ್ ಸೇರಿ ವಿವಿಧ ಕಲಿಕಾ ಸಾಮಗ್ರಿಗಳಿವೆ. ದಾನಿಗಳ ಸಹಕಾರದಿಂದ ಟಿವಿ ಮೂಲಕ ದೃಶ್ಯಾಧಾರಿತ ಕಲಿಕೆ, ಶುದ್ಧ ಕುಡಿಯುವ ನೀರಿನ ವ್ಯವಸ್ಥೆ, ವಿದ್ಯಾರ್ಥಿಗಳಿಗೆ ಸ್ವೆಟರ್ ಹಾಗೂ ಸ್ಕೂಲ್ ಬ್ಯಾಗ್ ವಿತರಣೆ ಸೇರಿ ಹಲವು ಸೌಲಭ್ಯಗಳನ್ನು ಕಲ್ಪಿಸಲಾಗಿದೆ. ಮಕ್ಕಳ ಅನುಕೂಲಕ್ಕಾಗಿ ಮುಖ್ಯಶಿಕ್ಷಕಿ ವೈಯಕ್ತಿಕವಾಗಿಯೂ ಹಣ ವಿನಿಯೋಗಿಸಿದ್ದಾರೆ. ಶಾಲಾ ಆವರಣದ ಗೋಡೆಗಳ ಚಿತ್ತಾರ, ಶೀಟ್ ಅಳವಡಿಕೆ ಸೇರಿ ವಿವಿಧ ಅಭಿವೃದ್ಧಿ ಕಾಮಗಾರಿಗಳು ಕಲಿಕಾ ವಾತಾವರಣಕ್ಕೆ ಮತ್ತಷ್ಟು ಮೆರುಗು ತಂದಿವೆ.
