ಲೂಟಿ ಹಣ ರಿಕವರಿಗೆ ಹೋರಾಟ

ನಗರದಲ್ಲಿ ಶನಿವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಸಚಿವ ನಾಗೇಂದ್ರ ರಾಜೀನಾಮೆ ಹಿನ್ನೆಲೆ ಮೊಟ್ಟ ಮೊದಲಿಗೆ ಬಿಜೆಪಿ ಕಾರ್ಯಕರ್ತರನ್ನು ಅಭಿನಂದಿಸುತ್ತೇನೆ. ಸತತ 7ದಿನಗಳ ಕಾಲ ನಮ್ಮ ಕಾರ್ಯಕರ್ತರು ಅಹೋರಾತ್ರಿ ಹೋರಾಟ ನಡೆಸಿದ ಲ ನಾಗೇಂದ್ರ ತಲೆದಂಡವಾಯಿತು. ಸದನದ ಹೊರಗಡೆ ಅರ್ಥಪೂರ್ಣಹೋರಾಟವಾಗಿದೆ. ಸದನದ ಒಳಗಡೆ ಬಿಜೆಪಿ ಹಾಗೂ ಜೆಡಿಎಸ್​ ಶಾಸಕರು ಸರ್ಕಾರಕ್ಕೆ ಚಾಟಿ ಬೀಸುವ ಕೆಲಸ ಮಾಡಿದ್ದೆವು ಎಂದರು.

ನಮ್ಮ ಹೋರಾಟ ವ್ಯಕ್ತಿಗತ ಹೋರಾಟ ಅಲ್ಲ. ಕಾಂಗ್ರೆಸ್​ ಸರ್ಕಾರದ ಭ್ರಷ್ಟಾಚಾರದ ವಿರುದ್ಧ. ದಲಿತರ ಹಣ ಲೂಟಿ ಮಾಡಿರುವ ವಿಚಾರವಾಗಿ ನಮ್ಮ ಹೋರಾಟ. ದಲಿತರ ಪರ ಹೋರಾಟಕ್ಕೆ ಮೊದಲ ಹಂತದ ಯಶಸ್ಸು ಸಿಕ್ಕಿದೆ. ಹೋರಾಟ ಇಲ್ಲಿಗೆ ಮುಗಿದಿಲ್ಲ. ಸೆ.1 ರಿಂದ ಲಿಂಗಸೂರಿನಿಂದ ಬಳ್ಳಾರಿವರೆಗು ಪಾದಯಾತ್ರೆ ಆರಂಭಿಸುತ್ತೇವೆ. ನಮ್ಮ ರಾಷ್ಟ್ರೀಯ ನಾಯಕರ ಜತೆ ಚರ್ಚೆ ಮಾಡಿದ್ದೇನೆ. ಹೋರಾಟ ಯಶಸ್ವಿಯಾಗಲಿ ಎಂದು ಹಾರೈಸಿದ್ದಾರೆ ಎಂದರು.

ಉದ್ಯೋಗ,ಭ್ರಷ್ಟಾಚಾರ, ದಲಿತರ ಹಣ ಬಳಕೆ, ಯುವ ಸಮೂಹಕ್ಕೆ ದ್ರೋಹ ಬಗೆಯುವ ಕೆಲಸ ಕಾಂಗ್ರೆಸ್​ ಮಾಡಿದೆ. ಗೃಹಲಕ್ಷಿ$್ಮಯರ 5 ಸಾವಿರ ಕೋಟಿ ಎಲ್ಲಿ ಹೋಗಿದೆ ಅಂತಾ ಇವತ್ತು ಕೂಡ ಗೊತ್ತಿಲ್ಲ. ಕಾಂಗ್ರೆಸ್ಸಿಗರಿಗೆ ಉತ್ತರ ಕೊಡಲು ಆಗುತ್ತಿಲ್ಲ. ಬರದ ವಿಚಾರದಲ್ಲಿ ಸರ್ಕಾರದ ಸಂಪೂರ್ಣ ವೈಲ್ಯ ವಿರುದ್ಧ ಪ್ರತಿಭಟಿಸಿ ಜನರಲ್ಲಿ ಜಾಗೃತಿ ಮೂಡಿಸುವ ಕೆಲಸವನ್ನು ಪಾದಯಾತ್ರೆ ಮೂಲಕ ಮಾಡುತ್ತೀವಿ. ನಮ್ಮ ಹೋರಾಟ ದಲಿತರಿಗೆ ಮೀಸಲಿಟ್ಟ ಹಣವನ್ನು ದುರುಪಯೋಗ ಪಡಿಸಿಕೊಂಡಿರುವರ ವಿರುದ್ಧ. ಇವತ್ತು ಮೊಸಳೆ ಕಣ್ಣೀರಿಡುವ ಕಪಟ ನಾಟಕವನ್ನು ಕಾಂಗ್ರೆಸ್​ ಮಾಡುತ್ತಾ ಇದೆ. ರಾಜ್ಯದ ಜನ ಇವರನ್ನು ಕ್ಷಮಿಸುವುದಿಲ್ಲ ಎಂದು ಹರಿಹಾಯ್ದರು.

ನಾಗೇಂದ್ರ 14 ಜಿಲ್ಲೆಗಳಲ್ಲಿ ಪಾದಯಾತ್ರೆ ಮಾಡಲು ಸರ್ವ ಸ್ವತಂತ್ರರಿದ್ದಾರೆ. ಯಾರೂ ಬೇಕಾದರೂ ಹೋರಾಟ ಮಾಡಬಹುದು. ಯಾರು ಬೇಕಾದರೂ ಪಾದಯಾತ್ರೆ ಮಾಡಬಹುದು. ನಮ್ಮ ಹೋರಾಟ ಭ್ರಷ್ಟಾಚಾರದ ವಿರುದ್ಧ ಭ್ರಷ್ಟ ಕಾಂಗ್ರೆಸ್​ ವಿರುದ್ಧ ಅಷ್ಟೇ ಎಂದರು.