ದಿನವಿಡೀ ನಗರದಲ್ಲಿ ಜೆಸಿಬಿ ಘರ್ಜನೆ

ನಗರದ ಪ್ರಮುಖ ರಸ್ತೆಗಳಲ್ಲಿ ಪಾದಚಾರಿ ಮಾರ್ಗಗಳನ್ನು ಅತಿಕ್ರಮಣ ಮಾಡಿಕೊಂಡಿದ್ದು ಮಂಗಳವಾರ ಫುಟ್ ಪಾತ್​ ಆಪರೇಷನ್​ ಆರಂಭಿಸಿದ್ದ ಮಹಾನಗರ ಪಾಲಿಕೆ 2ನೇ ದಿನವು ಕಾರ್ಯಾಚರಣೆ ಮುಂದುವರೆಸಿತು. ಪಾಲಿಕೆ ಆಯುಕ್ತೆ ಬಿ.ಶುಭ ನೇತೃತ್ವದಲ್ಲಿ ಪಾಲಿಕೆ ವಲಯವಾರು ಆಯುಕ್ತರ ಮಾರ್ಗದರ್ಶನದಲ್ಲಿ ಫುಟ್ ಪಾತ್​ ಒತ್ತುವರಿ ತೆರವು ಕೈಗೊಳ್ಳಲಾಯಿತು. ಜೆ.ಸಿ.ನಗರದಲ್ಲಿ ಸ್ವಯಂಪ್ರೇರಿತರಾಗಿ ಕೆಲವು ಬೀದಿಬದಿ ವ್ಯಾಪಾರಿಗಳು ಒತ್ತುವರಿ ತೆರವು ಮಾಡಿಕೊಂಡಿದ್ದು ಬುಧವಾರ ಪಾಲಿಕೆ ಸಿಬ್ಬಂದಿ ಜೆಸಿಬಿ ಸಮೇತ ಕೆಲವು ಕಡೆ ಕಾರ್ಯಾಚರಣೆ ಮುಂದುವರೆಸಿ ಫುಟ್ ಪಾತ್​ ಮೇಲಿನ ಅತಿಕ್ರಮಣ ತೆರವು ನಡೆಸಿತು. ಫುಟ್ ಪಾತ್ ಅತಿಕ್ರಮಿಸಿಕೊಂಡಿದ್ದ ದೊಡ್ಡ ದೊಡ್ಡ ಅಂಗಡಿಗಳ ಮುಂದಿನ ನಾಮಲಕ, ಮೆಟ್ಟಿಲುಗಳು, ಕಬ್ಬಿಣದ ರೈಲಿಂಗ್ಸ್​ ಅನ್ನು ಜೆಸಿಬಿಗಳು ಕಿತ್ತೆಸೆದವು.

150 ಬೀದಿಬದಿ ವ್ಯಾಪಾರಿಗಳ ಶಿಫ್ಟ್ : ಜೆ.ಸಿ.ರಸ್ತೆಯಲ್ಲಿನ ಫುಟ್ ಪಾತ್​ ಒತ್ತುವರಿ ತೆರವು ಅತಿಸೂಕ್ಷ$್ಮವೆನಿಸಿದ್ದು ಮುಂಚೆಯೇ ಎಲ್ಲಾ ಬೀದಿಬದಿ ವ್ಯಾಪಾರಿಗಳಿಗು ಸ್ವಯಂಪ್ರೇರಿತವಾಗಿ ತೆರವು ಮಾಡಲು ಸೂಚನೆ ಕೊಡಲಾಗಿತ್ತು. ಅದರಂತೆ ಬಹುತೇಕರು ಸ್ವಯಂಪ್ರೇರಿತರಾಗಿ ತೆರವು ಮಾಡಿದ್ದರು. ಬುಧವಾರ ಜೆಸಿಬಿ ಸಮೇತ ಆಗಮಿಸಿದ ಪಾಲಿಕೆ ಸಿಬ್ಬಂದಿ ಪಾದಚಾರಿ ಮಾರ್ಗಗಳಲ್ಲಿ ನಿರ್ಮಿಸಿದ್ದ ತಾತ್ಕಾಲಿಕ ಶೆಡ್​ಗಳನ್ನು, ಪೆಟ್ಟಿ ಅಂಗಡಿಗಳನ್ನು ತೆರವುಗೊಳಿಸಿದರು.

ಬಹುವರ್ಷಗಳಿಂದ ಯಾವುದೇ ಕ್ರಮಕ್ಕು ಬಗ್ಗದೆ ನೆಲೆಯೂರಿದ್ದ 150 ಬೀದಿಬದಿ ವ್ಯಾಪಾರಿಗಳನ್ನು ಮನವೊಲಿಸಿದ ಆಯುಕ್ತೆ ಬಿ.ಶುಭ, ಮಾರಿಯಮ್ಮ ನಗರದ ಬಳಿಯ ವ್ಯಾಪಾರ ವಲಯ (ವೆಂಡರ್​ ಝೊನ್​)ಕ್ಕೆ ಸ್ಥಳಾಂತರಿಸುವಲ್ಲಿ ಯಶಸ್ವಿಯಾದರು. ಯಾವುದೇ ರಾಜಕೀಯ ಒತ್ತಡಕ್ಕೆ ಮಣಿಯದೇ ಸುಪ್ರೀಂಕೋರ್ಟ್​ ಆದೇಶವನ್ನು ಪಾಲಿಸಿದರು.

ಮಂಡಿಪೇಟೆಯಲ್ಲಿ ಬಹುತೇಕ ಅಂಗಡಿಗಳವರು