ದೊರೆ ಮಾಡಿದ ತಪ್ಪಿಗೆ ದಂಡ ಇಲ್ಲ

ಪಟ್ಟಣದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಉದ್ಯೋಗ ಮೇಳದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಕಾಂಗ್ರೆಸ್​ ಪಕ್ಷ ಅಂದ್ರೆ ಶಿಸ್ತಿನ ಪಕ್ಷ. ಆದರೆ, ರಾಹುಲ್​ ಗಾಂಧಿ ಅವರನ್ನೇ ಯಾರು (ವೂ ಇಸ್​ ರಾಹುಲ್​)ಅಂತ ಕೇಳಿದ್ದ ಸದ್ಗುರು (ಜಗ್ಗಿ ವಾಸುದೇವ್​) ಅವರ ಜತೆ ವೇದಿಕೆ ಹಂಚಿಕೊಂಡಿದ್ದು (ಡಿಕೆಶಿ) ಶಿಸ್ತು ಮೀರಿದಂತಲ್ಲವಾ ಎಂದು ಪ್ರಶ್ನಿಸುವ ಮೂಲಕ ಶಿವಕುಮಾರ್​ ಹೆಸರು ಪ್ರಸ್ತಾಪಿಸದೇ ಟಾಂಗ್​ ಕೊಟ್ಟರು.

ನಮ್ಮ ಪಕ್ಷದಲ್ಲಿ ದೊರೆ ಮಾಡಿದ ತಪ್ಪಿಗೆ ದಂಡ ಇಲ್ಲ ಎಂಬ ಗಾದೆ ಪ್ರಸ್ತುತವೆನಿಸಿದೆ. ವೇದ ಸುಳ್ಳಾದರೂ ಗಾದೆ ಸುಳ್ಳಾಗಲ್ಲ ಅನ್ನುವ ರೀತಿ ಎಲ್ಲವೂ ಪಕ್ಷದಲ್ಲಿ ನಡೆಯುತ್ತಾ ಇದೆ ಎನ್ನುವ ಮೂಲಕ ಸಿದ್ದು ಬಣದ ನಾಯಕರನ್ನು ಟಾರ್ಗೆಟ್​ ಮಾಡುತ್ತಿರುವ ಪ್ರಶ್ನೆಗೆ ತೀಕ್ಷ್ಣ ವಾಗಿ ರಾಜಣ್ಣ ಪ್ರತಿಕ್ರಿಯಿಸಿದರು.

ಮಹಿಳಾ ಮೀಸಲು ಸ್ವಾಗತ: ಮಹಿಳಾ ಮೀಸಲಾತಿಯನ್ನು 20 ವರ್ಷಗಳ ಹಿಂದೆಯೇ ಜಾರಿಗೆ ತರುವ ಪ್ರಯತ್ನವನ್ನು ಕಾಂಗ್ರೆಸ್​ ಪಕ್ಷ ಮಾಡಿತ್ತು. ಮನಮಹೋನ್​ ಸಿಂಗ್​ ಪ್ರಧಾನಿ ಆಗಿದ್ದ ಕಾಲದಲ್ಲೇ ಮಹಿಳಾ ಮೀಸಲು ಮಸೂದೆ ಮಂಡಿಸಿದ್ದರು. ಅಂದು ಜೆಡಿಯು ಸಭಾನಾಯಕರಾಗಿದ್ದ ಶರದ್​ ಯಾದವ್​ ಆ ಬಿಲ್​ ಪಾಸಾದರೆ ನಾನಿಲ್ಲೇ ವಿಷ ಕುಡಿದು ಬಿಡುತ್ತೀನಿ ಅಂದಿದ್ದರು. ಆದರೆ, ಈಗ ಆಡಳಿತ ಪಕ್ಷ ಬಿಜೆಪಿ, ವಿಪಕ್ಷ ಕಾಂಗ್ರೆಸ್​ ಕೂಡ ಮಸೂದೆ ಪರ ಇದ್ದು ಆ ಬಿಲ್​ ಪಾಸ್​ ಆಗಿ ಜಾರಿಗೊಳ್ಳಲಿದೆ ಎಂದು ರಾಜಣ್ಣ ವಿಶ್ವಾಸ ವ್ಯಕ್ತಪಡಿಸಿದರು.

ಮಹಿಳಾ ಮೀಸಲಾತಿ ಜಾರಿ ಬಂದರೆ ನನಗೆ ಇರುವ ಮಾಹಿತಿ ಪ್ರಕಾರ 2 ಲಕ್ಷ ಜನಸಂಖ್ಯೆ ಒದು ವಿಧಾನ ಸಭಾ ಕ್ಷೇತ್ರ ಮಾಡ್ತಾರೆ. ಹತ್ತು ಲಕ್ಷ ಜನ ಸಂಖ್ಯೆಗೆ ಒಂದು ಲೋಕಸಭಾ ಕ್ಷೇತ್ರ ಮಾಡುತ್ತಾರೆ. ಮಹಿಳಾ ಮೀಸಲಾತಿ ಎಲ್ಲಾ ಸಮುದಾದಯದವರು ಒಳಗೊಂಡಂತೆ ಜಾರಿಗೆ ತರುತ್ತಾರೆ. ಪ್ರಧಾನಿ ಮೋದಿ ಅವರ ಭಾಷಣ ಕೇಳಿದೆ, ಈ ಮಸೂದೆ ಜಾರಿ ಮಾಡೇ ಮಾಡುತ್ತೇವೆಂದು ಹೇಳಿದ್ದಾರೆ ಮಾಡಲಿ. ಇದನ್ನು ಸ್ವಾಗತಿಸುತ್ತೇವೆ ಎಂದರು.

ದೆಹಲಿ ಪ್ರವಾಸ: ನಾನು ದೆಹಲಿಗೆ ಹೋಗುವ ಪರಿಸ್ಥಿತಿ ಬಂದರೆ ಹೋಗುತ್ತೀನಿ. ಹೋಗುವರು ಹೋಗಿ ಬರಲಿ, ಅವರು ಯಾವ ಕಾರಣಕ್ಕಾಗಿ ಹೋಗಿದ್ದಾರೆ ಗೊತ್ತಿಲ್ಲ. ನಾನು ಯಾವತ್ತು ಅಧಿಕಾರ ಹುಡುಕಿಕೊಂಡು ಹೋದವನಲ್ಲ. ಅಧಿಕಾರ ಬಂದರೆ ಸ್ವೀಕಾರ ಮಾಡುತ್ತೀನಿ. ಅಧಿಕಾರದ ಲಾಭ ಬಡಜನರಿಗೆ ತಲುಪಿಸುತ್ತೇನೆ. ಅದನ್ನ ಸ್ವಂತಕ್ಕೆ ಬಳಸಿಕೊಳ್ಳಲ್ಲ. ಅದು ನಾನು ನಡೆದು ಬಂದ ದಾರಿ. ಈಗಲು ಅಷ್ಟೇ ಮುಂದೇನು ಅಷ್ಟೇ ಎಂದು ರಾಜಣ್ಣ ತಮ್ಮ ನಿಲುವು ಸ್ಪಷ್ಟಪಡಿಸಿದರು.