ಗುಣಮಟ್ಟದ ವಿದ್ಯುತ್​ ಪೂರೈಕೆಗೆ ಹೆಚ್ಚಿನ ಉಪ ಸ್ಥಾವರಗಳ ಸ್ಥಾಪನೆ

ತಾಲೂಕಿನ ಮಾಯಸಂದ್ರ ಹೋಬಳಿ ಮುಗುಳೂರು ಗ್ರಾಮದ ಸಮೀಪ ಕರ್ನಾಟಕ ಪವರ್​ ಟ್ರಾನ್ಸ್​ ಮಿಷನ್​ ಕಾರ್ಪೊರೇಷನ್​ ಲಿಮಿಟೆಡ್​ ವತಿಯಿಂದ ಮುಂಜೂರಾದ ಸುಮಾರು 21.83 ಲ ವೆಚ್ಚದಲ್ಲಿ 110/11ಕೆ.ವಿ.ವಿದ್ಯುತ್​ ಉಪ ಸ್ಥಾವರ ಸ್ಥಾಪನೆಗೆ ಸೋಮವಾರ ಭೂಮಿ ಪೂಜೆ ನೆರವೇರಿಸಿ ಮಾತನಾಡಿದ ಅವರು, ಬೇಸಿಗೆ ಕಾಲದಲ್ಲಿ ರೈತರ ಕೃಷಿ ಪಂಪ್​ ಸೆಟ್​ಗಳಿಗೆ ಗುಣಮಟ್ಟ ವೋಲ್ಟೇಜ್​ ವಿದ್ಯುತ್​ ದೊರಕದೆ ರೈತರು ತೋಟಗಳಿಗೆ ನೀರು ಹಾಯಿಸಲು ಸಂಕಷ್ಟ ಪಡುವಂತಾಗಿತ್ತು. ಈ ಸಮಸ್ಯೆ ನಿವಾರಿಸಲು ಮಣೆಚಂಡೂರು, ಹರಿದಾಸನಹಳ್ಳಿ ಎರಡು ಕಡೆಗಳಲ್ಲಿ ಈಗಾಗಲೇ ವಿದ್ಯುತ್​ ಉಪ ಸ್ಥಾವರ ಸ್ಥಾಪಿಸಲಾಗಿದೆ ಎಂದರು.

ಮುಗಳೂರು ಬಳಿ ವಿದ್ಯುತ್​ ಉಪ ಸ್ಥಾವರ ನಿರ್ಮಾಣದಿಂದ ಈ ಭಾಗದ ಸುಮಾರು 30 ಗ್ರಾಮಗಳಿಗೆ ಅನುಕೂಲವಾಗಲಿದೆ. ಇನ್ನೆರೆಡು ತಿಂಗಳಲ್ಲಿ ಪೂರ್ಣಗೊಂಡು ರೈತರಿಗೆ ಅನುಕೂಲವಾಗಲಿದೆ. ವಿದ್ಯುತ್​ ಸ್ಥಾವರಕ್ಕೆ ಎರಡು ಎಕರೆ ಭೂಮಿ ನೀಡಿದ್ದು, ಇನ್ನು ಉಳಿಕೆ ಭೂಮಿಯನ್ನು ಸರ್ಕಾರಿ ಯೋಜನೆಗಳಿಗೆ ನೀಡಲಾಗುವುದು. ಮುಂದಿನ ದಿನಗಳಲ್ಲಿ ಆನೆಕೆರೆ ಬಳಿ ವಿದ್ಯುತ್​ ಉಪ ಸ್ಥಾವರ ನಿರ್ಮಿಸಲಾಗುವುದು ಎಂದರು.

ಎಸ್​ಒಗಳಾದ ನಾರಾಣಪ್ಪ, ಉಮೇಶ್ವರಯ್ಯ, ವಿದ್ಯುತ್​ ಗುತ್ತಿಗೆದಾರ ಸಂದ ಅಧ್ಯ ಮಂಜಣ್ಣ, ರಮೇಶ್​ ಕುಮಾರ್​, ಮುಖಂಡರಾದ ರಾಜೀವ್​ ಕೃಷ್ಣಪ್ಪ, ಕುಶಾಲ್​ ಕುಮಾರ್​, ಬಸವರಾಜು, ರಾಜಶೇಖರ ಇದ್ದರು.