ತುಮಕೂರು ಜಿಲ್ಲಾ ಪಂಚಾಯತಿ ಆಡಳಿತಕ್ಕೂ "ಬರ'!

ಪ್ರಮುಖ ಮುಖ್ಯಾಂಶಗಳು

• ಶಿಶುಪಾಲನಾ ರಜೆ ಪಡೆದ ಸಿಇಒ ಬಿ.ವಿ.ಅಶ್ವಿಜಾ
• ಬರ ಸಂದರ್ಭದಲ್ಲಿ ಜಿಪಂ ನಿರ್ವಹಣೆಗೆ ಮೇಟಿ ಇಲ್ಲ
• ಜಿಲ್ಲಾಧಿಕಾರಿ ಶುಭಕಲ್ಯಾಣ್​ಗೆ ಹೆಚ್ಚುವರಿ ಹೊಣೆ
• ಹೆಚ್ಚು ಸೇವಾವಧಿ ದಾಖಲೆ ಸನಿಹದಲ್ಲಿ ಕೆ.ವಿ.ಅಶೋಕ್​

ತುಮಕೂರು: ಜಿಲ್ಲೆಯಲ್ಲಿ ತೀವ್ರ ಬರ ಪರಿಸ್ಥಿತಿಯಿದ್ದರೂ ಜಿಪಂ ಸಿಇಒ ಬಿ.ವಿ.ಅಶ್ವಿಜಾ ಒಂದು ತಿಂಗಳು ಶಿಶುಪಾಲನಾ ರಜೆಯ ಮೇಲೆ ತರಳಿರುವುದು ಜಿಪಂ ಆಡಳಿತಕ್ಕೆ ಗ್ರಹಣ ಬಡಿದಿದೆ. ಸಿಇಒ ಬಿ.ವಿ.ಅಶ್ವಿಜಾ ಜುಲೈ 27ರಿಂದ ಸುಧೀರ್ ರಜೆಯ ಮೇಲೆ ತೆರಳಿರುವ ಹಿನ್ನೆಲೆಯಲ್ಲಿ ಜಿಲ್ಲಾಧಿಕಾರಿ ಶುಭಕಲ್ಯಾಣ್​ಗೆ ಹೆಚ್ಚುವರಿ ಹೊಣೆ ವಹಿಸಿಕೊಂಡಿದ್ದಾರೆ.

ವರ್ಷ ಪೂರೈಸಿ ಕರ್ತವ್ಯ ನಿರ್ವಹಿಸಿರುವ ಜಿಲ್ಲಾ ಪೊಲೀಸ್​ ಅಧೀಕ್ಷಕ ಕೆ.ವಿ.ಅಶೋಕ್​ ಕೂಡ ಜಿಲ್ಲೆಯಲ್ಲಿ ದೀರ್ಘಾವಧಿ ಸೇವೆ ಸಲ್ಲಿಸಿದ ಅಧಿಕಾರಿ ಎಂಬ ಇತಿಹಾಸ ನಿರ್ಮಿಸಲಿದ್ದಾರೆ.

 ಐಎಎಸ್, ಐಪಿಎಸ್​ ಅಧಿಕಾರಿಗಳನ್ನು ಧೀರ್ಘಕಾಲದಿಂದ ಜಿಲ್ಲೆಯಲ್ಲಿ ಉಳಿಸಿಕೊಳ್ಳುತ್ತಿರುವ ಬಗ್ಗೆ ಸಾರ್ವಜನಿಕ ವಲಯದಲ್ಲಿ   ಚರ್ಚೆಯಿದೆ. ಆಡಳಿತದಲ್ಲಿ ಪಾರದರ್ಶಕತೆ, ದಕ್ಷತೆ ಮತ್ತು ಅಧಿಕಾರಿಗಳ ಸಮತೋಲನ ಕಾಪಾಡಿಕೊಳ್ಳಲು ಸರ್ಕಾರ ರೂಪಿಸಿಕೊಂಡಿರುವ ವರ್ಗಾವಣೆ ನೀತಿ ಹಾಗೂ ಸೇವಾ ಅವಧಿಗೆ ಸಂಬಂಧಿಸಿದ ನಿಯಮಾವಳಿ ಜಿಲ್ಲೆಯಲ್ಲಿ ಪಾಲನೆಯಾಗುತ್ತಿಲ್ಲ ಎಂಬ ಕೂಗಿದೆ.