ಗೃಹ ಸಚಿವರ ತವರು ಜಿಲ್ಲೆಯಲ್ಲಿಯೂ ದಲಿತರಿಗಿಲ್ಲ ರಕ್ಷಣೆ

ಇತ್ತೀಚೆಗೆ ನಡೆದಿರುವ ಇವೆರಡು ಪ್ರಕರಣಗಳಷ್ಟೇ ಅಲ್ಲ ಕಳೆದ ಮೂರು ವರ್ಷದಿಂದಲೂ ಜಿಲ್ಲೆಯಲ್ಲಿ ದಲಿತ ಸಮುದಾಯದ ಮೇಲೆ ದೌರ್ಜನ್ಯ ಪ್ರಕರಣಗಳು ಹೆಚ್ಚಾಗಿರುವುದು ಸರ್ಕಾರದ ಅಂಕಿ, ಅಂಶಗಳಿಂದಲೇ ದೃಢವಾಗಿದೆ. 2023ರಿಂದ 2025ರ ವರೆಗೂ ರಾಜ್ಯದಲ್ಲಿ ದಲಿತರ ಮೇಲೆ ದೌರ್ಜನ್ಯದ 7358 ಪ್ರಕರಣ ದಾಖಲಾಗಿದ್ದೆರೆ ದಲಿತ ಕೋಟಾದಲ್ಲಿ ಸಿಎಂ ಸ್ಥಾನ ಬಯಸುತ್ತಿರುವ ಗೃಹ ಸಚಿವ ಡಾ.ಜಿ.ಪರಮೇಶ್ವರ ತವರು ಜಿಲ್ಲೆ ತುಮಕೂರು ಕೂಡ ಟಾಪ್​ 2 ನಲ್ಲಿದೆ.

ಬೆಂಗಳೂರು ನಗರ 990 ಬಿಟ್ಟರೇ ನಂತರದ ಸ್ಥಾನದಲ್ಲಿ ತುಮಕೂರು ಜಿಲ್ಲೆಯಿದ್ದು 349 ಪ್ರಕರಣ ದಾಖಲಾಗುವ ಮೂಲಕ ರಾಜ್ಯದಲ್ಲಿಯೇ ಎರಡನೇ ಸ್ಥಾನದಲ್ಲಿದೆ. ತುಮಕೂರು ಜಿಲ್ಲೆಯಲ್ಲಿ 2023ರಲ್ಲಿ 106 ದೌರ್ಜನ್ಯ ಪ್ರಕರಣ ದಾಖಲಾಗಿದೆ, 2024ರಲ್ಲಿ 123 ಹಾಗೂ ಕಳೆದ ವರ್ಷ 2025ರಲ್ಲಿ 120 ಪ್ರಕರಣ ವಿವಿಧ ಠಾಣೆಯಲ್ಲಿ ದಾಖಲಾಗುವ ಮೂಲಕ ದಲಿತರ ಮೇಲಿನ ದೌರ್ಜನ್ಯಕ್ಕೆ ಕುಖ್ಯಾತಿಗಳಿಸುವಂತಾಗಿದೆ.

ದಲಿತ ಸಮುದಾಯದ ಮೇಲೆ ನಡೆಯುವ ದೌರ್ಜನ್ಯದ ಬಹುತೇಕ ಪ್ರಕರಣಗಳು ಠಾಣೆ ಹಂತದಲ್ಲಿಯೇ ರಾಜೀ, ಪಂಚಾಯಿತಿಯಲ್ಲಿಯೇ ಮುಗಿದು ಹೋಗುತ್ತಿದ್ದು ದಾಖಲಾಗಿರುವ ಸಂಖ್ಯೆಕ್ಕಿಂತಲೂ ವಾಸ್ತವದಲ್ಲಿ ಹೆಚ್ಚಿನ ದೌರ್ಜನ್ಯ ನಡೆಯುತ್ತಿದೆ. ರಾಜ್ಯದಲ್ಲಿ ಎಂಟು ವಲಯಗಳಲ್ಲಿ ಎಂಟು ಪೊಲೀಸ್​ ಅಧೀಕ್ಷಕರು ಹಾಗೂ ಬೆಂಗಳೂರು ಮುಖ್ಯ ಕಚೇರಿಯಲ್ಲಿ ಪೊಲೀಸ್​ ಅಧೀಕ್ಷಕ(ಆಡಳಿತ) ಮತ್ತು ಪೊಲೀಸ್​ ಅಧೀಕ್ಷಕ(ಕೇಂದ್ರ ಸ್ನಾನ)ಸೇರಿ 10 ಪೊಲೀಸ್​ ಅಧೀಕ್ಷಕರ ದರ್ಜೆಯ ಅಧಿಕಾರಿಗಳು ಕರ್ತವ್ಯ ನಿರ್ವಹಿಸುತ್ತಿದ್ದರೂ

ಎಸ್​ಸಿ, ಎಸ್​ಟಿ ದೌರ್ಜನ್ಯ ತಡೆ ಕಾಯ್ದೆ ಕಲಂ ದರ್ಜೆಯ 9ರ ಅನುಷ್ಟಾನಕ್ಕೆ ಬೆಂಗಳೂರು ನಗರ ಸೇರಿದಂತೆ ರಾಜ್ಯದ ಎಲ್ಲಾ ಜಿಲ್ಲಾ ಕೇಂದ್ರಗಳಲ್ಲಿ 33 ಪೊಲೀಸ್​ ಠಾಣೆಗಳನ್ನು ಸ್ಥಾಪಿಸಿದ್ದು ತನಿಖೆ ನಡೆಸಿ, ಆರೋಪಪಟ್ಟಿ ಸಲ್ಲಿಸಲು ಅಧಿಕಾರ ನೀಡಲಾಗಿದೆ. ಆದರೆ, ಈ ಠಾಣೆಗಳಲ್ಲಿ ಅಗತ್ಯ ಸಿಬ್ಬಂದಿ ಹಾಗೂ ಮೂಲಸೌಕರ್ಯದ ಕೊರತೆಯಿಂದ ಎಲ್ಲಿಯೂ ಪರಿಣಾಮಕಾರಿ ಎನ್ನಿಸಿಕೊಂಡಿಲ್ಲ.

ಡಿಸಿಆರ್​ಇ ಆರಂಭವಾಗಿ ವರ್ಷ ಕಳೆಯುತ್ತಿದ್ದರೂ ರಾಜ್ಯದಲ್ಲಿ ದೌರ್ಜನ್ಯ ಪ್ರಕರಣಗಳು ಹೆಚ್ಚಾಗುತ್ತಲೇ ಇರುವುದು ಆತಂಕ ಹೆಚ್ಚಿಸಿದೆ. ಕಾಯ್ದೆಯಲ್ಲಿ ಪಿಎಸ್​ಐ ಮತ್ತು ಮೇಲ್ಪಟ್ಟ ದರ್ಜೆಯ ಅಧಿಕಾರಿ ದಲಿತ ದೌರ್ಜನ್ಯ ಪ್ರಕರಣಗಳನ್ನು ತನಿಖೆ ಮಾಡಲು ಅಧಿಸೂಚನೆ ಹೊರಡಿಸಲಾಗಿದ್ದು ಡಿಸಿಆರ್​ಇ ಘಟಕದ ಎಲ್ಲಾ 33 ಪೊಲೀಸ್​ ಠಾಣೆಗಳಿಗೆ ಡಿವೈಎಸ್​ಪಿ ದರ್ಜೆಯ ಪೊಲೀಸ್​ ಠಾಣೆಗಳೆಂದು 2024ರಲ್ಲಿಯೇ ಪೋಷಿಸಲಾಗಿದೆ.

ರಾಜ್ಯದಲ್ಲಿ 33 ಡಿಸಿಆರ್​ಇ ಪೊಲೀಸ್​ ಠಾಣೆಗಳಿಗೆ ಠಾಣಾಧಿಕಾರಿಯಾಗಿ 12 ಡಿವೈಎಸ್​ಪಿ ಮತ್ತು 21 ಪೊಲೀಸ್​ ಇನ್ಸ್​ಪೆಕ್ಟರ್​ ಮಂಜೂರಾತಿ ನೀಡಲಾಗಿದೆ. ಈಗಾಗಲೆ ಮಂಜೂರಾಗಿರುವ 12 ಡಿವೈಎಸ್​ಪಿ ಹುದ್ದೆಗಳು ಭರ್ತಿಯಾಗಿದ್ದು ಪ್ರಸ್ತುತ 21 ಪಿಐ ಹುದ್ದೆಗಳನ್ನು ಡಿವೈಎಸ್​ಪಿ ಹುದ್ದೆಗೆ ಮೇಲ್ಮರ್ಜೆಗೇರಿಸುವ ಬಗ್ಗೆ ಸರ್ಕಾರ ಪರಿಶೀಲಿಸುತ್ತಿದೆ.