ಬಿಎಲ್​ಒಗಳಿಗೆ ಸಮಗ್ರ ತರಬೇತಿ ನೀಡಲಿ

ಎಸ್​ಐಆರ್​ ಪ್ರಕ್ರಿಯೆ ಕುರಿತು ಪಟ್ಟಣದಲ್ಲಿ ಆಯೋಜಿಸಿದ್ದ ಮುಖಂಡರ ಸಭೆಯಲ್ಲಿ ಮಾತನಾಡಿ, ಫಾಮ್​ರ್ ಭರ್ತಿ ವಿಷಯದಲ್ಲಿ ಹಿರಿಯ ಅಧಿಕಾರಿಗಳು ಸೇರಿದಂತೆ ಬಿಎಲ್​ಒ ಮತ್ತು ಬಿಎಲ್​ಎಗಳಿಗೂ ಮಾಹಿತಿ ಕೊರತೆ ಇದೆ. ಚುನಾವಣಾ ಆಯೋಗ ನೀಡಿರುವ ಫಾಮ್​ರ್ ನೋಡಲು ಸರಳವಾಗಿದ್ದರೂ ಯುಪಿಎಸ್​ಸಿ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಕೇಳುವ ಪ್ರಶ್ನೆಗಳಂತೆ ಒಗಟಾಗಿವೆ. ಸಮಗ್ರ ಅರಿವಿನ ಕೊರತೆಯಿಂದ ಸ್ವಲ್ಪ ಎಡವಟ್ಟಾದರೂ ಅರ್ಹರು ಅನರ್ಹರಾಗಿ ಉಳಿಯಬೇಕಾಗುತ್ತೆ ಎಂದರು.

ಈಗಾಗಲೇ ಬಿಹಾರದಲ್ಲಿ ಚುನಾವಣಾ ಗುರುತಿನ ಚೀಟಿ ಇಲ್ಲದವರನ್ನು ಎಲ್ಲ ಸೌಲಭ್ಯಗಳಿಂದ ಹೊರಗಿಡುವ ಪ್ರಕ್ರಿಯೆ ಶುರುವಾಗಿದ್ದು, ಪಾಸ್​ಪೋರ್ಟ್​ ನವೀಕರಣಕ್ಕೆ ವೋಟರ್​ ಐಡಿ ಕೇಳುತ್ತಿರುವುದು ಆತಂಕಕ್ಕೆ ಕಾರಣವಾಗಿದೆ. ಈ ನಿಟ್ಟಿನಲ್ಲಿ ತಾಲೂಕು ಆಡಳಿತ ಗ್ರಾಮ ಪಂಚಾಯಿತಿ, ನಗರಸಭೆ, ಮತ್ತು ವಾರ್ಡ್​ವಾರು ಪ್ರತ್ಯೇಕ ಕೌಂಟರ್​ ತೆರೆದು ಎಸ್​ಐಆರ್​ ಪ್ರಕ್ರಿಯೆಗೆ ಅಗತ್ಯವಿರುವ ದಾಖಲೆ ನೀಡುವ ಕೆಲಸ ಮಾಡಬೇಕು ಮತ್ತು ಜನತೆಯಲ್ಲಿ ಸಮಗ್ರ ಅರಿವು ಮೂಡಿಸಬೇಕು. ಅಗತ್ಯಬಿದ್ದರೆ ಜನ ಸ್ಪಂದನ ಟ್ರಸ್ಟ್​ ತಾಲೂಕು ಆಡಳಿತದೊಂದಿಗೆ ಕೈಜೋಡಿಸಿ ಜನರಲ್ಲಿ ಅರಿವು ಮೂಡಿಸಲು ಸಹಕರಿಸುತ್ತದೆ ಎಂದರು.