ತುಮಕೂರು ವಿವಿ ಸಿಂಡಿಕೇಟ್​ ಸಭೆಯಲ್ಲಿ ಜಟಾಪಟಿ?

ಬಡ್ತಿ ಪಟ್ಟಿಯಲ್ಲಿರುವ ಕೆಲವು ಪ್ರಾಧ್ಯಾಪಕರು ರಜೆ ಹಾಕಿದ್ದರೆ, ಮತ್ತೆ ಕೆಲವರು ರಜೆ ಕೂಡ ಹಾಕದೇ ದಿನಪೂರ್ತಿ ಡಾ.ಶಿವಕುಮಾರಸ್ವಾಮೀಜಿ ಸಭಾಂಗಣದಲ್ಲಿ ಸಮಾವೇಶಗೊಂಡು ಸಿಂಡಿಕೇಟ್​ ಸಭೆಯ ಬಗ್ಗೆ ಮಾಹಿತಿ ಪಡೆದುಕೊಳ್ಳುತ್ತಿದ್ದರು. ಕುಲಪತಿ ಕಚೇರಿಯಲ್ಲಿ ಬೆಳಗ್ಗೆ 11ಕ್ಕೆ ಆರಂಭವಾಗಿದ್ದ ಸಿಂಡಿಕೇಟ್​ ಸಭೆ ಸಂಜೆಯವರೆಗೂ ಮುಂದುವರಿದಿದ್ದು ಬಡ್ತಿಯ ಭರವಸೆ ಸಿಕ್ಕಿದೆ ಎಂದು ಕೆಲವರು ತರಗತಿಗೆ ತೆರಳಿ ಹಾಜರಾತಿ ದಾಖಲಿಸಿದರು.

ವಿವಿಯಲ್ಲಿ ವಿದ್ಯಾರ್ಥಿ, ಬೋಧಕ ಸಿಬ್ಬಂದಿಗಳ ಹಿತರಕ್ಷಣೆಗೆ ಸಂಬಂಧಿಸಿದ ಯಾವುದೇ ವಿಷಯಗಳು ಚರ್ಚೆಯಾಗುತ್ತಿಲ್ಲ ಎಂದು ಆತಂಕ ವ್ಯಕ್ತಪಡಿಸಿರುವ ಪ್ರಾಧ್ಯಾಪಕರು ತರಗತಿ ಭಹಿಷ್ಕರಿಸುವುದಾಗಿ ನೀಡಿದ್ದ ಎಚ್ಚರಿಕೆಯನ್ನು ವಾಪಸ್​ ಪಡೆದು ಸಂಧಾನ ಸೂತ್ರದ ಮೊರೆ ಹೋಗಿ ಸಿಂಡಿಕೇಟ್​

ಸದಸ್ಯರೊಂದಿಗೆ ರಾಜೀ ಮಾತುಕತೆ ನಡೆಸಿ ಶುಭ ಸುದ್ದಿಗಾಗಿ ದಿನವಿಡೀ ಕಾದು ಕುಳಿತಿದ್ದರು.

ತುಮಕೂರು ವಿವಿ ಆಂತರಿಕ ನಿಧಿ ಸಂಪೂರ್ಣ ಖಾಲಿ ಮಾಡಲಾಗಿದೆ ಎನ್ನಲಾಗಿರುವ ನಡುವೆಯೂ ಜ್ಞಾನಸಿರಿ ಕ್ಯಾಂಪಸ್​ನಲ್ಲಿ ಶೈಕ್ಷಣಿಕ ಭವನ&2 ನಿರ್ಮಿಸಲು ಸಿಂಡಿಕೇಟ್​ ಸಭೆಯಲ್ಲಿ ಚರ್ಚಿಸಲಾಗಿದೆ ಜತೆಗೆ ತುಮಕೂರು ನಗರದಲ್ಲಿರುವ ಕ್ಯಾಂಪಸ್​ ರಸ್ತೆಗಳನ್ನು ಸರಿಪಡಿಸಲು ಹಾಗೂ ಕಾಂಪೌಂಡ್​ಗೆ ಬಣ್ಣ ಬಳಿಯಲು ಲಾಂತರ ರೂ. ಖರ್ಚು ಮಾಡಲು ಮುಂದಾಗಿರುವುದು ವಿವಿ ಆರ್ಥಿಕ ಸಂಪನ್ಮೂಲದ ಬಗ್ಗೆ ಕಳವಳ ಮೂಡಿಸಿದೆ.

ವಿವಿಧ ಸ್ನಾತಕೋತ್ತರ ಅಧ್ಯಯನ ವಿಭಾಗಗಳಿಗೆ ವಿಭಾಗೀಯ ಪರಿಷತ್​ ಹಾಗೂ ವಿಷಯ ಅಧ್ಯಯನ ಮಂಡಳಿ ರಚಿಸಿ ಸಭೆಯಲ್ಲಿ ಒಪ್ಪಿಗೆ ಪಡೆಯಲಾಗಿದೆ. 19ನೇ ಟಿಕೋತ್ಸವದ ಪೂರ್ವಸಿದ್ಧತೆ ಮಾಡಿಕೊಂಡಿರುವ ವಿವಿ ಅದಕ್ಕೆ ಅಗತ್ಯವಿರುವ ಖರ್ಚುಗಳಿಗೆ ಸಿಂಡಿಕೇಟ್​ ಒಪ್ಪಿಗೆ ಪಡೆದಿದೆ. ತುಮಕೂರು ವಿವಿಯಿಂದ ಮೂವರು ಸಿಬ್ಬಂದಿ ಬೆಂಗಳೂರು ನಗರ ಡಾ.ಮನಮೋಹನ್​ಸಿಂಗ್​ ವಿವಿಗೆ ಅಂತರ್​ ವಿವಿ ವರ್ಗಾವಣೆಯಡಿಯಲ್ಲಿ ಎನ್​ಒಸಿ ಕೇಳಿ ಅರ್ಜಿ ಸಲ್ಲಿಸಿರುವುದು ಸಿಂಡಿಕೇಟ್​ ಸಭೆಯಲ್ಲಿ ಚರ್ಚೆ ಬಂದಿದೆ.