ಪ್ರಧಾನಿಗಿಂತ ಚುರುಕು ಸೋಮಣ್ಣ!

ತಾಲೂಕಿನ ಹೆಗ್ಗೆರೆ ಬಳಿ ರಸ್ತೆ ಮೇಲ್ಸೇತುವೆ ನಿರ್ಮಾಣ ಕಾಮಗಾರಿ ಶಂಕುಸ್ಥಾಪನೆ ಕಾರ್ಯಕ್ರಮದಲ್ಲಿ ಶನಿವಾರ ಭಾಗವಹಿಸಿ ಮಾತನಾಡಿದ ಅವರು, ಸೋಮಣ್ಣ ಬಹಳ ಛಲವನ್ನಿಟ್ಟುಕೊಂಡು ಅಭಿವೃದ್ಧಿ ಕಾರ್ಯಗಳಿಗೆ ವೇಗ ಕೊಟ್ಟಿದ್ದಾರೆ. ಒಂದು ವರ್ಷದಲ್ಲಿ ಬಹಳ ಕೆಲಸ ಮಾಡಿದ್ದಾರೆ. ಅವರು ಸಚಿವರಾಗಿದ್ದು ನಾನೇ ಸಚಿವ ಆದಷ್ಟು ಖುಷಿಪಟ್ಟಿದ್ದೀನಿ ಎಂದರು.

ಒಂದು ವರ್ಷದಲ್ಲಿ ಜಿಲ್ಲೆಯ ಬಹುತೇಕ ರೈಲ್ವೆ ಲೆವೆಲ್​ ಕ್ರಾಸಿಂಗ್​ಗಳಲ್ಲಿ ರೈಲ್ವೆ ಓವರ್​ ಹಾಗೂ ಅಂಡರ್​ ಬ್ರಿಡ್ಜ್​ಗಳ ನಿರ್ಮಾಣ ಕಾರ್ಯಕ್ಕೆ ಚಾಲನೆ ಕೊಟ್ಟಿದ್ದಾರೆ. ಪ್ರಧಾನಿ ಮೋದಿ ಅವರಿಂದಲು ಇಷ್ಟೊಂದು ವೇಗದ ಕೆಲಸ ಆಗಲ್ಲ. ಅಷ್ಟು ಕೆಲಸ ಮಾಡಿದ್ದಾರೆ. ನನೆಗುದಿಗೆ ಬಿದ್ದಿದ್ದ ತುಮಕೂರು-ರಾಯದುರ್ಗ, ತುಮಕೂರು-ದಾವಣಗೆರೆ ರೈಲ್ವೆ ಯೋಜನೆ ಕಾಮಗಾರಿಗೆ ಸೋಮಣ್ಣ ಬಂದ ನಂತರ ಮುಕ್ತಿಕೊಟ್ಟಿದ್ದಾರೆ. ಅಭಿವೃದ್ಧಿಯ ಹರಿಕಾರ ಎಂದು ಹಾಡಿಹೊಗಳಿದರು.