ವೈಚಾರಿಕತೆ ಬೆಳೆಸುವುದರಲ್ಲೂ ಇಂದಿನ ಶಿಕ್ಷಣ ಸೋತಿದೆ

ನಗರದ ಸ್ಲಂ ಭವನದಲ್ಲಿ ಸ್ಲಂ ಜನಾಂದೋಲನ ಕರ್ನಾಟಕ ಮತ್ತು ಜಿಲ್ಲಾ ಕೊಳಗೇರಿ ನಿವಾಸಿಗಳ ಹಿತರಕ್ಷಣಾ ಸಮಿತಿ ವತಿಯಿಂದ 208ನೇ ಸ್ವಾಭಿಮಾನಿ ಭೀಮಾ ಕೋರೆಗಾಂವ್​ ವಿಜಯೋತ್ಸವ ಮತ್ತು ಅಕ್ಷರದವ್ವ ಸಾವಿತ್ರಿ ಬಾಪುಲೆ ಹಾಗೂ ಸಮಾಜ ಸುಧಾರಕಿ ಫಾತಿಮಾ ಶೇಖ್​ ರವರ 195ನೇ ಜನುಮದಿನದ ಅಂಗವಾಗಿ ಭಾರತದಲ್ಲಿ ದುಡಿಯುವ ಮಹಿಳೆಯರ ಹೋರಾಟದ ಹೆಜ್ಜೆಗಳು ಕುರಿತು ಶನಿವಾರ ಹಮ್ಮಿಕೊಂಡಿದ್ದ ವಿಚಾರ ಮಂಥನ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು, ಶಿಕ್ಷಣವೇ ಎಲ್ಲಾ ಸಾಮಾಜಿಕ ಅನಿಷ್ಠಗಳಿಗೆ ಮದ್ದಾಗಬಹುದೆಂಬ ನಮ್ಮ ತಿಳಿವಳಿಕೆಯೆಲ್ಲೊ ತಪ್ಪಾಗಿದೆ. ಶಿಕ್ಷಿತರೆಲ್ಲ ವಿಚಾರವಂತರಾಗದೆ ಸಮಾಜ ಮುಖಿಯಾಗದೆ ಸ್ವಾರ್ಥದ ನಡವಳಿಕೆಯಲ್ಲಿ ಮುಳುಗಿದ್ದಾರೆ ಎಂದರು.

ಪಿತೃಪ್ರಧಾನ ವ್ಯವಸ್ಥೆಗೆ ಸೆಡ್ಡು ಹೊಡೆದು ಕೆಳ ಜಾತಿಯ ಹೆಣ್ಣು ಮಕ್ಕಳಿಗೆ ಮತ್ತು ಮುಸ್ಲಿಂ ಸಮುದಾಯದ ಹೆಣ್ಣು ಮಕ್ಕಳಿಗೆ ಪ್ರಪ್ರಥಮವಾಗಿ ಶಾಲೆಯನ್ನು ಪ್ರಾರಂಭಿಸಿ ಅಕ್ಷರದ ಜ್ಞಾನವನ್ನು ನೀಡಿದ ಬಾಪುಲೆ ಮೊದಲಿಗರಾಗಿದ್ದಾರೆ. ಇವರ ಜತೆ ಫಾತಿಮಾ ಶೇಖ್​ ಕೈಜೋಡಿಸಿ ಸತ್ಯ ಶೋಧಕ ಸಮಾಜವನ್ನು ಎಲ್ಲಾ ಧಮೀರ್ಯರಿಗೂ ವಿಸ್ತರಿಸಿದರು. ಹೆಣ್ಣು ಮಕ್ಕಳ ತಿಳಿವಳಿಕೆ ಸುಧಾರಿಸಬೇಕೆಂದರೆ ಶಿಕ್ಷಣದ ಮೂಲಕ ಸಾಧ್ಯವಾಗಬಹುದೆಂದು ತಮ್ಮ ಜೀವಮಾನ ಪರ್ಯಂತ ಹೋರಾಡಿದರು ಎಂದು ಸ್ಮರಿಸಿದರು.

ನಮ್ಮ ಸಮಾಜದಲ್ಲಿ ಈಗಲು ಮೌಡ್ಯಾಚರಣೆಗಳಿವೆ. ಜಾತಿ ಪದ್ಧತಿಯು ತನ್ನ ಪಟ್ಟುಗಳನ್ನು ಬಿಗಿಗೊಳಿಸುತ್ತಿದೆ, ಶಾಲೆಗಳೇ ಜಾತಿಯತೆಯನ್ನು ಮಕ್ಕಳಲಿಗೆ ಪರಿಚಯಿಸುವ ತಾಣಗಳಾಗಿವೆ. ಜಾತಿಕರಣ ಸರ್ವಾಧಿಕಾರವನ್ನು ಪ್ರತಿಪಾದಿಸುತ್ತಿದ್ದು ಇಂತಹ ಕಾಲಘಟ್ಟದಲ್ಲಿ ಸಾವಿತ್ರಿಬಾಯಿಪುಲೆಯವರ ಆಗಿನ ಸಂದರ್ಭದಲ್ಲಿ ಮಾಡಿದಂತಹ ಸಮಾಜ ಸುಧಾರಣೆಗಳು ಇಂದಿನ ಮಹಿಳಾ ಹೋರಾಟಕ್ಕೆ ಸ್ಫೂರ್ತಿಯಾಗಬೇಕು ಎಂದು ಸಾವಿತ್ರಿಬಾಯಿಪುಲೆ ಮಹಿಳಾ ಸಂಘಟನೆಯ ಸಂಚಾಲಕಿ ಅನುಪಮಾ ಹೇಳಿದರು.

ಸ್ಲಂಜನಾಂದೋಲನ ಕರ್ನಾಟಕದ ಸಂಚಾಲಕ ಎ.ನರಸಿಂಹಮೂರ್ತಿ ಮಾತನಾಡಿ, ಭೀಮಾ ಕೊರೆಗಾಂವ್​ ಯುದ್ಧವು 1818ರ ಜನವರಿ 1 ರಂದು ಮಹಾರಾಷ್ಟ್ರದ ಪುಣೆ ಜಿಲ್ಲೆಯ ಕೋರೆಗಾಂವ್​ ನಲ್ಲಿ ನಡೆದ ಒಂದು ಐತಿಹಾಸಿಕ ಘಟನೆಯಾಗಿದೆ. ಭಾರತದ ಸಾಮಾಜಿಕ ರಾಜಕೀಯ ಇತಿಹಾಸದಲ್ಲಿ ದಲಿತ ಸಮುದಾಯದ ಸ್ವಾಭಿಮಾನ ಕ್ಷೌರ್ಯದ ಸಂಕೇತವಾಗಿದೆ. ಅಸ್ಪಶ್ಯ ಜಾತಿಯ ಮಹಾರ್​ಗಳು ಗೌರವ ಮತ್ತು ಸ್ವಾತಂತ್ರ್ಯಕ್ಕಾಗಿ ಪೇಶ್ವೆಗಳ ವಿರುದ್ಧವಾಗಿ ನಡೆಸಿದ ಹೋರಾಟವಾಗಿತ್ತು ಎಂದರು.

ಸ್ಲಂ ಸಮಿತಿ ಪದಾಧಿಕಾರಿಗಳಾದ ಅರುಣ್​, ಶಂಕ್ರಯ್ಯ, ತಿರುಮಲಯ್ಯ, ಕೃಷ್ಣಮೂರ್ತಿ, ಧನಂಜಯ, ಮುಬಾರಕ್​, ಶಾಬುದ್ದೀನ್​, ಸಾವಿತ್ರಿ ಬಾಯಿಪುಲೆ ಮಹಿಳಾ ಘಟಕದ ಶಾರದಮ್ಮ, ಗಂಗಾ, ಗುಲ್ನಾಜ್​, ನಿವೇಶನ ಹೋರಾಟ ಸಮಿತಿಯ ಮಂಗಳಮ್ಮ, ಹನುಮಕ್ಕ, ಪೂರ್ಣಿಮಾ, ವಸಂತಮ್ಮ, ಅಬೀಬುನ್ನೀಸಾ, ಜಯಮ್ಮ ಮತ್ತಿತರರು ಉಪಸ್ಥಿತರಿದ್ದರು.