ಹಣ್ಣು, ಹೂವು ಮತ್ತು ತರಕಾರಿ ಸಂರಸಲು ಅನುಕೂಲವಾಗುವಂತೆ ಪ್ರಸ್ತುತ ರಾಜ್ಯದಲ್ಲಿ 178 ಕೋಟಿ ರೂ. ವೆಚ್ಚದಲ್ಲಿ 20 ಶೈತ್ಯಾಗಾರ (ಕೋಲ್ಡ್ ಸ್ಟೋರೇಜ್) ನಿರ್ಮಿಸಲು ಕಾಮಗಾರಿ ಆರಂಭಿಸಿ ವರ್ಷಗಳೇ ಕಳೆದರೂ ನಿರ್ಮಾಣ ಹಂತದಲ್ಲಿಯೇ ಉಳಿದಿವೆ. ಈಗಾಗಲೇ ಕಾಮಗಾರಿ ಆರಂಭಿಸಿರುವ 15 ಶೈತ್ಯಾಗಾರಗಳ ನಿರ್ಮಾಣ ನನೆಗುದಿಗೆ ಬಿದ್ದಿದೆ. ಇನ್ನೂ 5 ಟಕಗಳಿಗೆ ನಬಾರ್ಡ್ ಅನುಮೋದನೆ ನೀಡಿದ್ದು, ಸರ್ಕಾರದ ಒಪ್ಪಿಗೆ ಬೇಕಿದೆ. ಬ್ಯಾಡಗಿ, ಬಸವನಬಾಗೇವಾಡಿ (2), ಯಲುಬುರ್ಗ, ಬೆಳಗಾವಿ, ಗದಗ, ಮೈಸೂರು, ರಾಣೆಬೆನ್ನೂರು (3), ತುಮಕೂರು, ಶಿರಾ ಮಾನಂಗಿ, ಗುಂಡ್ಲುಪೇಟೆ, ಬಳ್ಳಾರಿ ಹಾಗೂ ಕಲಬುರಗಿ ಎಪಿಎಂಸಿ ಆವರಣದಲ್ಲಿ ನಿರ್ಮಾಣ ಹಂತದಲ್ಲಿಯೇ ಉಳಿದಿವೆ. ನಬಾರ್ಡ್ ಅನುಮೋದನೆ ನೀಡಿರುವ ಹೊಸದುರ್ಗ, ಹೊಳೇಆಲೂರು, ಸಿಂಧಗಿ, ಕುಂದಗೋಳ ಹಾಗೂ ಅರಸೀಕೆರೆಯಲ್ಲಿ ಶ್ಯಾತ್ಯಾಗಾರ ನಿರ್ಮಾಣಕ್ಕೆ ಸರ್ಕಾರದ ಅನುಮೋದನೆಗಾಗಿ ಕಾಯಲಾಗುತ್ತಿದೆ. ರಾಜ್ಯದಲ್ಲಿ ಸರ್ಕಾರದಿಂದ ಯಶವಂತಪುರ- ಎಪಿಎಂಸಿ ದಾಸನಪುರ ಉಪ ಮಾರುಕಟ್ಟೆ ಪ್ರಾಂಗಣದಲ್ಲಿ ಹಾಗೂ ಬಿನ್ನಿಪೇಟೆ ಎಪಿಎಂಸಿಯಲ್ಲಿ ತಲಾ 1 ಶೈತ್ಯಾಗಾರ ಕಾರ್ಯನಿರ್ವಹಿಸುತ್ತಿದ್ದು, ರೈತರಿಗೆ ಅನುಕೂಲವಾಗಿದೆ.
