ಕೆ.ಸೇವಾಲಾಲ್ ಪುರ ಗ್ರಾಮದಲ್ಲಿ 150 ಜನ ಅಸ್ವಸ್ಥ, ಆಸ್ಪತ್ರೆಗೆ ದಾಖಲು

ಗುರುವಾರ ನಡೆದಿದ್ದ ಗ್ರಾಮದ ಭೀಮಿ ಸತ್ತಿ ಪೂಜಾ ಕಾರ್ಯಕ್ರಮದ ವೇಳೆ ಸೇವಿಸಿದ ಆಹಾರದಲ್ಲಿ ವ್ಯತ್ಯಾಸವಾಗಿ ವಾಂತಿ ಭೇದಿಯಾಗಿದೆ. ಶುಕ್ರವಾರ ಕೆ.ಸೇವಾಲಾಲ್ ಪುರ ಹಾಗೂ ಉಪ್ಪಾರಹಳ್ಳಿ ಚಳ್ಳಕೆರೆ ಜಂಬಯ್ಯನ ಹಟ್ಟಿ ಸೇರಿದಂತೆ ಆಂದ್ರ ಸಂಬಂಧಿಗಳಿಗೂ ವಾಂತಿ ಬೇದಿ ಕಾಣಿಸಿಕೊಂಡಿದೆ.

ವಿಜಯವಾಣಿಗೆ ಪ್ರತಿಕ್ರಿಯಿಸಿದ ಡಿಎಚ್​ಒ ಡಾ.ಚಂದ್ರಶೇಖರ್​ ಪ್ರತಿಕ್ರಿಯಿಸಿ, ಕೆ.ಸೆವಾಲಾಲ್ ಪುರ ಗ್ರಾಮದಲ್ಲಿ ಆಸ್ಪತ್ರೆಗೆ ದಾಖಲಾದ ಎಲ್ಲರ ಆರೋಗ್ಯ ಸ್ಥಿರವಾಗಿದೆ. ಆಹಾರದಲ್ಲಿ ವ್ಯತ್ಯಾಸವಾಗಿರಬಹುದು ಎಂದು ಪ್ರಾಥಮಿಕ ಮಾಹಿತಿಯಿಂದ ತಿಳಿದು ಬಂದಿದೆ. ಸದ್ಯಕ್ಕೆ ಗ್ರಾಮದ ಅಂಗನವಾಡಿ ಕೇಂದ್ರದಲ್ಲಿ ತಾತ್ಕಾಲಿಕ ಕ್ಲಿನಿಕ್ ತೆರೆದು ಚಿಕಿತ್ಸೆ ನೀಡಲಾಗುತ್ತಿದೆ.ಮನೆಮನೆ ಸರ್ವೆ ಕೂಡ ಮಾಡಲಾಗುತ್ತಿದೆ ಎಂದು ಮಾಹಿತಿ ಹಂಚಿಕೊಂಡರು