ನೆಲ್ಯಾಡಿಯಲ್ಲಿ ಶಿವಳ್ಳಿ ಆಟಿ ಸಂಭ್ರಮ

ನೆಲ್ಯಾಡಿ: ಶಿವಳ್ಳಿ ಸಂಪದ ನೆಲ್ಯಾಡಿ ವಲಯದ ಆಟಿಡೊಂಜಿ ದಿನ ಕಾರ್ಯಕ್ರಮ ದುರ್ಗಾಶ್ರೀ ಸತೀಶ್ ಮೊಡಂಬಡಿತ್ತಾಯರ ವಾಣಿಶ್ರೀ ಮನೆಯಲ್ಲಿ ಭಾನುವಾರ ನೆರವೇರಿತು. ಪಿಯುಸಿ ಮತ್ತು ಪದವಿ ತರಗತಿಗಳ ಅಂತಿಮ ಪರೀಕ್ಷೆಯಲ್ಲಿ ಅದ್ವಿತೀಯ ಸಾಧನೆ ತೋರಿದ ಹರ್ಷಿತಾ, ಭೂಮಿಕಾ, ನಿತ್ಯಶ್ರೀ, ಅನಂತೇಶ್, ಅಭಿರಾಮ್ ಇವರನ್ನು ಅಭಿನಂದಿಸಲಾಯಿತು.

ದೇವಸ್ಥಾನಗಳ ಅಭಿವೃದ್ಧಿಗಾಗಿ ವಿಶೇಷ ಸಾಧನೆಗೈದ ಮೊಕ್ತೇಸರುಗಳಾದ ಮಾಧವ ಸರಳಾಯ, ಡಾ. ಸುಬ್ರಮಣ್ಯ ಶಬರಾಯ, ಸೂರ್ಯನಾರಾಯಣ ಜೋಗಿತ್ತಾಯ, ಸುಬ್ರಹ್ಮಣ್ಯ ಬಾಳ್ತಿಲ್ಲಾಯರುಗಳನ್ನು ಸನ್ಮಾನಿಸಲಾಯಿತು. ಶಿವಳ್ಳಿ ಬಾಂಧವರು ಪ್ರಮುಖವಾಗಿ ಮಹಿಳೆಯರು ಮನೆಯಲ್ಲಿಯೇ ತಯಾರಿಸಿ ತಂದ ಆಟಿಯ ವಿಶೇಷ ಹೊಸ ರುಚಿ ತಿನಿಸುಗಳನ್ನು ಹಂಚಿಕೊಂಡು ಸವಿದು ಸಂಭ್ರಮಿಸಿದರು.

ಪುತ್ತೂರು-ಕಡಬ ತಾಲೂಕು ಶಿವಳ್ಳಿ ಸಂಪದ ಅಧ್ಯಕ್ಷ ಸುಧೀಂದ್ರ ಕುದ್ದಣ್ಣಾಯ, ನಿಕಟಪೂರ್ವ ಅಧ್ಯಕ್ಷ ದಿವಾಕರ ನಿಡ್ವಣ್ಣಾಯ, ವಲಯ ಉಸ್ತುವಾರಿಗಳಾದ ಗುರುಪ್ರಸಾದ್ ರಾಮಕುಂಜ, ತಾಲೂಕು ಉಪಾಧ್ಯಕ್ಷ ಸತೀಶ್ ಮುಡಂಬಡಿತ್ತಾಯ, ಶ್ರೀಧರ ಗೋರೆ ಮುಂತಾದ 60ಕ್ಕಿಂತಲೂ ಹೆಚ್ಚು ಗಣ್ಯರು ಉಪಸ್ಥಿತರಿದ್ದರು. ನೆಲ್ಯಾಡಿ ವಲಯದ ಅಧ್ಯಕ್ಷ ರಾಜೇಶ್ ರಾವ್ ಸ್ವಾಗತಿಸಿ, ವೆಂಕಟ್ರಮಣ ಕಕ್ಕಿಲ್ಲಾಯ ವಂದಿಸಿದರು. ರವೀಂದ್ರ ಪರ್ಲತ್ತಾಯ ಕಾರ್ಯಕ್ರಮ ನಿರ್ವಹಿಸಿದರು.

https://www.vijayavani.net/rescue-of-the-peacock

https://www.vijayavani.net/king-cobra-found-in-school