ಸಾಂಪ್ರದಾಯಿಕ ಭತ್ತ ಕೃಷಿ ಕಾರ್ಯ ಆರಂಭ

ಕೋಟ: ಮುಂಗಾರು ಚುರುಕುಗೊಂಡ ಹಿನ್ನೆಲೆಯಲ್ಲಿ ಕೋಟ, ಕೋಟತಟ್ಟು ಸೇರಿದಂತೆ ವಿವಿಧ ಭಾಗದಲ್ಲಿ ಯಾಂತ್ರೀಕೃತ ಹಾಗೂ ಸಾಂಪ್ರದಾಯಿಕ ಕೃಷಿ ನಾಟಿ ಕಾರ್ಯ ಆರಂಭಗೊಂಡಿದೆ. ಈ ವರ್ಷ ಮೇ ತಿಂಗಳಿನಿಂದಲೇ ಮಳೆಯಾಗುತ್ತಿರುವುದರಿಂದ ಬಿತ್ತನೆ ಕಾರ್ಯ ಮಾಡಲಾಗಿತ್ತು. ಭತ್ತದ ಸಸಿಗಳು ಈಗ ನಾಟಿಗೆ ಸಿದ್ಧಗೊಂಡಿವೆ.

ಹೊರ ಜಿಲ್ಲೆಯ ಕಾರ್ಮಿಕರು

ಪ್ರಸ್ತುತ ಕೃಷಿ ಸೇರಿದಂತೆ ದೈನಂದಿನ ಕೂಲಿ ಕಾರ್ಯಕ್ಕೆ ಸ್ಥಳೀಯ ಕೂಲಿಯಾಳುಗಳ ಕೊರತೆ ಎದುರಾಗಿದೆ. ಅಲ್ಲದೆ ಸ್ಥಳೀಯ ಕೂಲಿಕಾರ್ಮಿಕರಿಗೆ ಹೆಚ್ಚಿನ ಕೂಲಿ ನೀಡಬೇಕೆಂಬ ಉದ್ದೇಶದಿಂದ ಹೊರ ರಾಜ್ಯ ಹಾಗೂ ಜಿಲ್ಲೆಗಳ ಕೂಲಿಕಾರ್ಮಿಕರನ್ನು ಕೃಷಿ ಕಾರ್ಯಕ್ಕೆ ಕರೆತರಲಾಗುತ್ತಿದೆ. ನಾಟಿ ಕಾರ್ಯಕ್ಕಾಗಿ ಕೊಪ್ಪಳ ಜಿಲ್ಲೆ ಗಂಗಾವತಿಯ 20ರಿಂದ 30 ಮಂದಿ ಕೂಲಿಕಾರ್ಮಿಕರು ಕೋಟ ಪರಿಸರಕ್ಕೆ ಆಗಮಿಸಿದ್ದಾರೆ. ಭತ್ತ ನಾಟಿಗೆ ಎಕರೆಗೆ 5 ಸಾವಿರ ರೂ. ಕೂಲಿ ನಿಗದಿಪಡಿಸಲಾಗಿದೆ.

ಅಧಿಕ ಮಳೆ, ಕೃಷಿ ಕಾರ್ಯಕ್ಕೆ ಕುತ್ತು

ಈ ವರ್ಷ ಮಳೆ ಆರಂಭದಿಂದಲೇ ಧಾರಾಕಾರವಾಗಿ ಸುರಿಯುತ್ತಿದ್ದು, ಕೃಷಿ ಕಾರ್ಯಕ್ಕೆ ಸಂಕಷ್ಟ ತಂದೊಡ್ಡುತ್ತಿದೆ. ಹೆಚ್ಚು ಮಳೆಯಿಂದ ಗದ್ದೆಯಲ್ಲಿ ನೀರು ತುಂಬಿಕೊಂಡು ನಾಟಿ ಕಾರ್ಯಕ್ಕೆ ತೊಂದರೆಯಾಗುತ್ತಿದೆ.

https://www.vijayavani.net/tehsildar-visits-kota-kotathattu-areas

https://www.vijayavani.net/preservation-of-kaup-history-through-literature