ಇದೇ ವೇಳೆ ಕಾಸರಗೋಡಿನ ಹಣಕಾಸು ಸಂಸ್ಥೆಯೊಂದರಲ್ಲಿ ದರೋಡೆಗೆ ತಂಡವೊಂದು ಬರುತ್ತಿರುವ ಬಗ್ಗೆ ಸುಳಿವು ಸಿಕ್ಕಿತ್ತು. ಇದರ ಬೆನ್ನಲ್ಲೇ ಸ್ಥಳೀಯರ ನೆರವಿನಿಂದ ನಿಗಾ ವಹಿಸಿ ಭಾನುವಾರ ಬೆಳಗ್ಗೆ ನಂಬರ್ ಪ್ಲೇಟ್ ಇಲ್ಲದ ಕಾರಿನಲ್ಲಿ ತೆರಳುತ್ತಿದ್ದ ತಂಡವೊಂದು ದೈಗೋಳಿಯಲ್ಲಿ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದೆ. ಕೋಡಿ ಉಳ್ಳಾಲದ ಫೈಸಲ್ ಮತ್ತು ಮೊಗಳ್ಳಿಯ ಸೈಯದ್ ಅವಾನ್ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದು, ನಾಲ್ವರು ಪರಾರಿಯಾಗಿದ್ದರು. ಈ ಪೈಕಿ ಪರಾರಿಯಾಗಿದ್ದರಲ್ಲಿ ಒಬ್ಬರು ಇಬ್ರಾಹಿಂ ಕಲಂದರ್ ಆಗಿದ್ದು, ಆತನನ್ನು ಬುಧವಾರ ಬಂಧಿಸಲಾಗಿದೆ ಎಂದು ಪೊಲೀಸ್ ಮೂಲಗಳು ಸೂಚಿಸಿವೆ. ತಂಡ ಪ್ರಯಾಣಿಸುತ್ತಿದ್ದ ಕಾರಿನಿಂದ ಗ್ಯಾಸ್ ಕಟ್ಟರ್ ಸೇರಿದಂತೆ ವಾರಕ ಆಯುಧಗಳನ್ನು ವಶಪಡಿಸಿಕೊಳ್ಳಲಾಗಿದೆ. ದೈಗೋಳಿಯಿಂದ ಪರಾರಿಯಾದ ತಂಡ ಫೆಬ್ರವರಿ 8ರಂದು ಅಡ್ಯನಡ್ಕದ ಕರ್ಣಾಟಕ ಬ್ಯಾಂಕ್ನ ದರೋಡೆ ಮಾಡಿತ್ತು. ಅಂದು ಬಂಧಿತರಾಗಿ ಬಿಡುಗಡೆಗೊಂಡ ತಂಡವೇ ಹೊಸ ದರೋಡೆಗಳಿಗೆ ಇಳಿದಿದೆ ಎಂದು ಪೊಲೀಸರು ವಾಹಿತಿ ನೀಡಿದ್ದಾರೆ.
