ದೊಡ್ಡೋರಿಗೂ ಸ್ಫೂರ್ತಿಯಾದಾರು ಈ ಮಕ್ಕಳು; ಪಾಕೆಟ್ ಮನಿಯಿಂದ ವಸ್ತುಗಳ ತಂದು ಅಡುಗೆ ಮಾಡಿ ಊರೆಲ್ಲ ಹಂಚಿದ ವಿದ್ಯಾರ್ಥಿಗಳು!

Published on:

12 May 2021, 4:11 pm

ವಿಜಯನಗರ: ಕರೊನಾ ನಿಯಂತ್ರಣಕ್ಕಾಗಿ ವಿಧಿಸಿರುವ ಲಾಕ್ಡೌನ್ನಿಂದ ಅದೆಷ್ಟೋ ಮಂದಿ ಕೆಲಸವಿಲ್ಲದೆ, ಖರ್ಚಿಗೂ ಕಾಸಿಲ್ಲದೆ ಸಂಕಷ್ಟದ ಬದುಕು ಸಾಗಿಸುತ್ತಿರುವಾಗ ಇಲ್ಲೊಂದಷ್ಟು ಮಕ್ಕಳು ಅಂಥವರಿಗೆ ಸಹಾಯ ಮಾಡುವ ಮೂಲಕ ದೊಡ್ಡವರಿಗೂ ಸ್ಫೂರ್ತಿ ಆಗಬಹುದಾದಂಥ ಕೆಲಸ ಮಾಡಿದ್ದಾರೆ.

ಪ್ರಣವ್, ಅಮೀರ್, ಅಕುಲ್, ಭರತ್ ಸಿಂಗ್ ಎಂಬ ಈ ಶಾಲಾ ಮಕ್ಕಳು ತಂತಮ್ಮ ಪಾಕೆಟ್ ಮನಿಯನ್ನೇ ಒಗ್ಗೂಡಿಸಿ ಅದರಲ್ಲೇ ದಿನಸಿ ಪದಾರ್ಥ, ಅಗತ್ಯ ವಸ್ತುಗಳನ್ನು ತಂದಿದ್ದಾರೆ. ಮಾತ್ರವಲ್ಲ, ಬಳಿಕ ತಾವೇ ಅಡುಗೆ ಮಾಡಿ ಆಹಾರದ ಪೊಟ್ಟಣ ಕಟ್ಟಿದ್ದಾರೆ. ಸುಮಾರು 5 ಕೆ.ಜಿ. ಅಕ್ಕಿಯ ಚಿತ್ರಾನ್ನ ಮಾಡಿರುವ ಈ ಮಕ್ಕಳು ಅದನ್ನು ತಮ್ಮ ಊರಿನಲ್ಲಿ ಸಂಕಷ್ಟದಲ್ಲಿ ಇರುವ ಹಲವು ಕುಟುಂಬಗಳಿಗೆ ಹಂಚಿದ್ದಾರೆ. ಅಂದಹಾಗೆ ಇವರೆಲ್ಲ ವಿಜಯನಗರದ ಹಗರಿಬೊಮ್ಮನಹಳ್ಳಿಯ ಶಾಲಾ ವಿದ್ಯಾರ್ಥಿಗಳು.