ಮೈದಾನದಲ್ಲಿ ತಾತ್ಕಾಲಿಕವಾಗಿ ಶ್ರೀವೆಂಕಟೇಶ್ವರ ಮೂರ್ತಿ ಪ್ರತಿಷ್ಠಾಪಿಸಿರುವ ದೇವಸ್ಥಾನದಲ್ಲಿ ಶ್ರೀನಿಧಿ ಕಮಲೇಶ್ ಶಾಸ್ತ್ರಿ ನೇತೃತ್ವದಲ್ಲಿ ನಡೆದ ಕಲ್ಯಾಣೋತ್ಸವದಲ್ಲಿ ಸುತ್ತಮುತ್ತ ಬಡಾವಣೆಯ ಸಾವಿರಾರು ಭಕ್ತಾದಿಗಳು ಭಾಗಿಯಾಗಿ ದೇವರ ಕೃಪೆಗೆ ಪಾತ್ರರಾದರು. ಮನುಷ್ಯನ ವಿವಾಹಕ್ಕೆ ಸಂಬಂಧಿಸಿದ ಕಾಶಿಯಾತ್ರೆ&ಪಾದಪೂಜೆ, ಜಿರಿಗೆ ಬೆಲ್ಲ ಶಾಸ್ತ್ರ, ಅಕ್ಷತಾರೋಪಣ, ಪುಣ್ಯ ಪ್ರಾಪ್ತಿಗಾಗಿ ಧಾರೆ, ವಿಶ್ವ ಕಲ್ಯಾಣಕ್ಕಾಗಿ ಮಾಂಗಲ್ಯಧಾರಣೆ, ಮಾನವ ಜನಾಂಗದ ಅನೋನ್ಯತೆಗಾಗಿ ವಾಜ ಹೋಮ, ಫಲ ಪೂಜೆ, ಅಷ್ಟವಧನ ಸೇವೆಯನ್ನು ಅಲಂಕೃತ ಉತ್ಸವ ಮೂರ್ತಿಗಳಿಗೆ ಸಲ್ಲಿಸಲಾಯಿತು. ಇದೇ ವೇಳೆ ಹನುಮಾನ ಜಯಂತಿಯನ್ನು ಅದ್ದೂರಿಯಾಗಿ ಆಚರಿಸಲಾಯಿತು. ಇದಕ್ಕೂ ಮುನ್ನ ಉತ್ಸವ ಮೂರ್ತಿಯನ್ನು ಮೆರವಣಿಗೆ ಮೂಲಕ ಕರೆತರಲಾಯಿತು.
