ಅಂತರಿಕ್ಷ ಬಸ್​ ವೀಕ್ಷಿಸಿ ಪುಳಕಿತರಾದ ಶಾಲಾಮಕ್ಕಳು

ಬೆಂಗಳೂರು:ವಿಜ್ಞಾನ ಲೋಕದ ಕುರಿತು ಮಕ್ಕಳಿಗೆ ಆಸಕ್ತಿ ಮೂಡಿಸುವ ನಿಟ್ಟಿನಲ್ಲಿ ಐಟಿಸಿ ಸನ್​ಫೀಸ್ಟ್​ ಕಂಪನಿ ಶುಕ್ರವಾರ ನಗರದ ಸೇಂಟ್​ ಜೋಸೆಫ್​​​​ ಶಾಲೆಯಲ್ಲಿ ಆಯೋಜಿಸಿದ್ದ ಕಾರ್ಯಕ್ರಮದಲ್ಲಿ "ಲಿಲ್​ ಬಿಗ್​ ಫ್ಯಾಂಟಸಿ ಸೈನ್ಸ್​ ಬಸ್​' ವೀಕ್ಷಿಸಿ ಮಕ್ಕಳು ಪುಳಕಗೊಂಡರು.

ಬಸ್​ ಒಳಗಡೆ ಪರದೆಯಲ್ಲಿ ಮೂಡಿಬಂದ ಕಲಾಕೃತಿಯನ್ನು ಕೈಗಳಿಂದ ಸ್ಪರ್ಶಿಸಿ 3ಡಿ ಎಫೆಕ್ಟ್​ ಮೂಲಕ ಆಕಾಶಯಾನದ ನೈಜ ಅನುಭವ ಜತೆಗೆ ಮಾಹಿತಿ ಪಡೆದುಕೊಂಡರು. ನೂರಾರು ಕೆಗಳು, ಗಗನಯಾತ್ರೆ ತಮ್ಮ ಸುತ್ತಮುತ್ತ ಹಾದುಹೋಗುವ ಅನುಭವದ ಮೂಲಕ ಆಕಾಶಯಾನ ಕುರಿತ ವಾಸ್ತವವನ್ನು ಮಕ್ಕಳು ಆನಂದಿಸಿದರು. ಬಸ್​ನಲ್ಲಿ ವಿಸ್ತಾರವಾದ ಪರದೆ ವ್ಯವಸ್ಥೆ ಮಾಡಲಾಯಿತು. ಪೇಪರ್​ ಮೇಲೆ ಬರೆದ ಕಲಾಕೃತಿಯನ್ನು ಸ್ಕ್ಯಾನ್​​ ಮಾಡಿದ ಬಳಿಕ ಅಂತರಿಕ್ಷದಲ್ಲಿ ಡಿಜಿಟಲ್​ ರೂಪದಲ್ಲಿ ದೊಡ್ಡ ಅರವಾಗಿ ಪ್ರದರ್ಶನವಾಯಿತು. ಒಟ್ಟಿನಲ್ಲಿ ವಿಜ್ಷಾನ ಲೋಕದ ಕೌತಕವನ್ನು ಕಣ್ತುಂಬಿಕೊಂಡರು. ದೇಶಾದ್ಯಂತ ಸಂಚರಿಸುವ ಈ ಬಸ್​ ಮಕ್ಕಳ ಕ್ರಿಯಾತ್ಮಕತೆ, ಕಲ್ಪನೆಗೆ ಸಾಯಾಗಲಿದೆ. ಆಸಕ್ತಿದಾಯಕ ವಿಚಾರ, ಕಲೆ ಪ್ರದರ್ಶಿಸಿ ಆಯ್ಕೆಯಾದ ಮಕ್ಕಳಿಗೆ ಅಮೆರಿಕದ "ನ್ಯಾಷನಲ್​ ಏರೋನಾಟಿಕ್ಸ್​ ಆ್ಯಂಡ್​ ಸ್ಪೇಸ್​ ಅಡ್ಮಿನಿಸ್ಟೇಷನ್​' (ನಾಸಾ) ಭೇಟಿ ಮಾಡುವ ಅವಕಾಶವನ್ನು ಐಟಿಸಿ ಡಾರ್ಕ್​ ಫ್ಯಾಂಟಸಿ ತಂಡ ಒದಗಿಸಲಿದೆ.

ಅ.1ಕ್ಕೆ ತುರ್ತು ಸಭೆ ಕರೆದ ಪಡಿತರ ವಿತರಕ ಸಂಘ

ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಮಾಜಿ ನಿರ್ದೇಶಕ ಪ್ರಕಾಶ್​ರಾವ್​ ಮಾತನಾಡಿ, ಪರಿಕಲ್ಪನೆ ಮೂಲಕ ಇಸ್ರೋ, ಮಂಗಳಯಾನ ಸೇರಿ ಹಲವು ಪ್ರಮುಖ ಅಂತರಿಕ್ಷ ಯೋಜನೆಗಳನ್ನು ಅನುಷ್ಠಾನಕ್ಕೆ ತರಲು ಸಾಧ್ಯವಾಯಿತು. ಮಕ್ಕಳಲ್ಲಿ ವಿಶೇಷ ಪರಿಕಲ್ಪನೆ, ವಿಜ್ಷಾನದ ಬಗ್ಗೆ ತಿಳಿದುಕೊಳ್ಳುವ ಕುತೂಹಲ ಇರುತ್ತದೆ. ಅವರ ಸೃಜನಶೀಲತೆಯನ್ನು ಉತ್ತೇಜಿಸಿ ಕಲ್ಪನೆಗೆ ಜೀವ ನೀಡುವ ಉದ್ದೇಶದಿಂದ ಅಂತರಿಕ್ಷ ಬಸ್​ ತಯಾರಿಸಿರುವುದು ವಿಶೇಷ. ಈ ರೀತಿಯ ಪ್ರಯತ್ನಗಳು ಮಕ್ಕಳಲ್ಲಿ ವಿಜ್ಷಾನ ಬಗ್ಗೆ ಇನ್ನಷ್ಟು ಆಸಕ್ತಿ, ಕುತೂಹಲ ಮೂಡಿಸಲು ಸಹಕಾರಿಯಾಗಲಿದೆ ಎಂದರು.

ಸೇಂಟ್​ ಜೋಸೆಫ್​​​ ಶಾಲೆ ಪ್ರಾಂಶುಪಾಲ ರೋಹನ್​ ಡಿ. ಅಲ್ಮೇಡಾ, ನಿಮ್ಹಾನ್ಸ್​ ಡಿಎಂ ಡಾ.ಮೇಘಾ ಮಹಾಜನ್​, ಐಟಿಸಿ ಕಂಪನಿಯ ಅಲಿ ಹ್ಯಾರಿಸ್​ ಶೇರ್​ ಮತ್ತಿತರರಿದ್ದರು.

ನನ್ನ ಮಗಳಿಗೆ ಈಗ 8 ವರ್ಷ. ಪ್ರತಿನಿತ್ಯ ಒಂದೊಂದು ಪರಿಕಲ್ಪನೆ ಮಾಡಿಕೊಂಡು ಪೈಲಟ್​ ಆಗುತ್ತೇನೆ, ಬಾಣಸಿಗಳಾಗುತ್ತೇನೆ, ವೈದ್ಯೆಯಾಗುತ್ತೇನೆ ಎನ್ನುತ್ತಾಳೆ. ದಿನದಿಂದ ದಿನಕ್ಕೆ ಮಕ್ಕಳ ಕಲ್ಪನೆ ಬದಲಾಗುತ್ತಿದೆ. ಅವರ ಕಲ್ಪನೆಗೆ ಪ್ರೋತ್ಸಾಹ ನೀಡುವುದು ನಮ್ಮ ಜವಾಬ್ದಾರಿ. ಐಟಿಸಿ ತಂಡದ ವಿನೂತನ ಪ್ರಯತ್ನದಿಂದ ವಿಜ್ಞಾನ ಬಗ್ಗೆ ಕೌತುಕದಿಂದ ತಿಳಿದುಕೊಳ್ಳಲು ಮಕ್ಕಳಿಗೆ ಸಹಾಯವಾಗಲಿದೆ.

| ಮಂದಿರಾ ಬೇಡಿ, ನಟಿ