ಕುರಿಗಳ ಪ್ರಾಣ ಉಳಿಸಲು ಜೀವ ಕಳೆದುಕೊಂಡ ಕುರಿಗಾಯಿ: ರೈಲಿನಡಿಗೆ ಸಿಲುಕಿ ದಾರುಣ ಸಾವು

ವಿಜಯನಗರ: ತಾನು ಮೇಯಿಸುತ್ತಿರುವ ಕುರಿಗಳ ಪ್ರಾಣ ಉಳಿಸಲು ಹೋಗಿ ಕುರಿಗಾಯಿಯೊಬ್ಬ ಜೀವ ಕಳೆದುಕೊಂಡಿರುವ ದಾರುಣ ಘಟನೆ ವಿಜಯನಗರ ಜಿಲ್ಲೆಯ ಕೊಟ್ಟೂರು ತಾಲೂಕಿನ ಮತ್ತಿಹಳ್ಳಿ ಬಳಿ ನಡೆದಿದೆ.

ರೈಲ್ವೆ ಹಳಿ ದಾಟುವಾಗ ಅವಘಡ ಸಂಭವಿಸಿದೆ. ಈ ದುರ್ಘಟನೆಯಲ್ಲಿ 18 ಕುರಿಗಳೂ ಮೃತಪಟ್ಟಿದ್ದು, ಕುರಿಗಾಹಿ ಸ್ಥಳದಲ್ಲೇ ಜೀವ ಕಳೆದುಕೊಂಡಿದ್ದಾನೆ.

ಮೃತ ಕುರಿಗಾಯಿಯನ್ನು ಹರಾಳು ಗ್ರಾಮದ ಚೌಟ್ಗಿ ಕೊಟ್ರೇಶ(23) ಎಂದು ಗುರುತಿಸಲಾಗಿದೆ. ಕೊಟ್ಟೂರು ಪಟ್ಟಣದಿಂದ ಗೂಡ್ಸ್ ರೈಲು ಹರಪನಹಳ್ಳಿ ಮಾರ್ಗವಾಗಿ ಚಲಿಸುವ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ.

ರೈಲು ಹಳಿಯ ಮೇಲೆ ಕುರಿಗಳ ಹಿಂಡು ಹೊರಟಿತ್ತು. ಹಳಿ ದಾಟುವ ಸಮಯದಲ್ಲಿ ಗೂಡ್ಸ್‌ ರೈಲು ಬಂದಿದೆ. ಈ ವೇಳೆ ಕುರಿಗಳು ಹಳಿಗಳ ನಡುವೆ ಇದ್ದವು. ಅವುಗಳು ಸಾಯುವುದನ್ನು ತಪ್ಪಿಸಲು ಕೊಟ್ರೇಶ್‌ ಲಗುಬಗೆಯಿಂದ ಹಳಿಗಳ ಮೇಲೆ ಹೋಗಿ ಕುರಿಗಳನ್ನು ಓಡಿಸಲು ಪ್ರಯತ್ನಿಸಿದ್ದಾನೆ. ಅಷ್ಟರಲ್ಲಿಯೇ ರೈಲು ಕೊಟ್ರೇಶನ ಮೇಲೂ ಹರಿದಿದೆ.

ರೈಲ್ವೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ನಡೆಯುತ್ತಿದೆ.

https://www.vijayavani.net/s-question-paper-changed-in-constable-exam/

https://www.vijayavani.net/s-aryan-khan-reading-book-on-lord-ram-sita/