ಅಭಿವೃದ್ಧಿಯೇ ಕಾಣದ ಗ್ರಾಮಗಳಲ್ಲಿ ಕಾಮಗಾರಿ

ತಾಲೂಕಿನ ತಂದ್ರೆಕೊಪ್ಪಲು ಗ್ರಾಮದಲ್ಲಿ ನಡೆಯುತ್ತಿರುವ ರಸ್ತೆ ಅಭಿವೃದ್ಧಿ ಕಾಮಗಾರಿ ಕಳಪೆಯಾಗಿದೆ ಎಂದು ಗ್ರಾಮಸ್ಥರು ಆರೋಪಿಸಿ ಆಕ್ರೋಶ ವ್ಯಕ್ತಪಡಿಸಿದ್ದ ಹಿನ್ನೆಲೆಯಲ್ಲಿ ಅಧಿಕಾರಿಗಳೊಂದಿಗೆ ಗ್ರಾಮಕ್ಕೆ ಭೇಟಿ ನೀಡಿ, ರಸ್ತೆ ಅಭಿವೃದ್ಧಿ ಕಾಮಗಾರಿಯನ್ನು ಪರಿಶೀಲಿಸಿ ಮಾತನಾಡಿದರು.

ಗ್ರಾಮದಲ್ಲಿ ನಡೆಯುತ್ತಿರುವ ಅಭಿವೃದ್ಧಿ ಕೆಲಸಕ್ಕೆ ಪೂರಕವಾಗಿ ಚರಂಡಿ, ಸ್ಲಾೃಬ್, ಮನೆಗಳ ನೀರು ಹೋಗಲು ದಾರಿ, ರಸ್ತೆ ಅಭಿವೃದ್ಧಿ ಮಾಡಲು ಜಾಗವನ್ನು ಬಿಡಿಸುವುದು, ವಿದ್ಯುತ್ ಕಂಬಗಳನ್ನು ತೆರವುಗೊಳಿಸುವುದು ಸೇರಿದಂತೆ ಹಲವು ಕೆಲಸಗಳನ್ನು ಶೀಘ್ರದಲ್ಲಿ ಮುಗಿಸಿ ಸಾರ್ವಜನಿಕರಿಗೆ ಉತ್ತಮ ಕೆಲಸವನ್ನು ಮಾಡಿಕೊಡಬೇಕೆಂದು ತಾಕೀತು ಮಾಡಿದರು.

ಕಳೆದ ಹಲವಾರು ವರ್ಷಗಳಿಂದ ಅಭಿವೃದ್ಧಿ ಕಾಣದೆ ಇದ್ದ ಗ್ರಾಮವನ್ನು ಈಗ ಹಂತ, ಹಂತವಾಗಿ ಅಭಿವೃದ್ಧಿ ಮಾಡಲಾಗುತ್ತಿದೆ. ಕ್ಷೇತ್ರದಲ್ಲಿನ ಸೋಮನಹಳ್ಳಿ-ಹೊಸಕೋಟೆ ರಸ್ತೆಗೆ 8 ಕೋಟಿ ರೂ., ಮುಂಡೂರಿನಿಂದ ಕುಲುಮೆ ಹೊಸೂರು ಮಾರ್ಗ ಬೆಟ್ಟಹಳ್ಳಿವರೆಗೆ ರಸ್ತೆ ಅಭಿವೃದ್ಧಿಗೆ 5 ಕೋಟಿ ರೂ., ಪಶುಪತಿ, ಪಶುಪತಿಕೊಪ್ಪಲು ಮಾರ್ಗ ಹನಸೋಗೆ ಸೇತುವೆವರೆಗೆ ರಸ್ತೆ ಅಭಿವೃದ್ಧಿಗೆ 3 ಕೋಟಿ ರೂ., ದಮ್ಮನಹಳ್ಳಿಯಿಂದ ಕಗ್ಗಳಕ್ಕೆ ಹೋಗುವ ರಸ್ತೆಗೆ 2 ಕೋಟಿ ರೂ., ಮುಖ್ಯರಸ್ತೆಯಿಂದ ಕೋಳೂರು ಗ್ರಾಮದವರೆಗೆ ರಸ್ತೆ ಅಭಿವೃದ್ಧಿಪಡಿಸಲಾಗುವುದು. ಕಪ್ಪಡಿ ಕ್ಷೇತ್ರದ ಸೇತುವೆ ಕಾಮಗಾರಿಗೆ ಶೀಘ್ರದಲ್ಲೇ ಚಾಲನೆ ನೀಡಲಾಗುವುದು ಎಂದರು.

ಸಾಲಿಗ್ರಾಮ ಮತ್ತು ಕೆ.ಆರ್.ನಗರ ಅವಳಿ ತಾಲೂಕುಗಳಲ್ಲಿ ಹಲವು ಅಭಿವೃದ್ಧಿ ಕಾಮಗಾರಿಗಳನ್ನು ಈಗಾಗಲೇ ನಡೆಸಲಾಗುತ್ತಿದ್ದು, ಮುಂದಿನ ದಿನಗಳಲ್ಲಿ ಮತ್ತಷ್ಟು ಅಭಿವೃದ್ಧಿ ಕೆಲಸಗಳನ್ನು ಮಾಡುವ ಮೂಲಕ ಕೃಷ್ಣರಾಜನಗರ ವಿಧಾನಸಭಾ ಕ್ಷೇತ್ರವನ್ನು ಸಮಗ್ರ ಅಭಿವೃದ್ಧಿ ಪಥದತ್ತ ಕೊಂಡೊಯ್ಯಲಾಗುವುದು ಎಂದು ತಿಳಿಸಿದರು.

ಕಳೆದ 20 ವರ್ಷಗಳಿಂದ ಗುಂಡಿಯಲ್ಲಿ ಬಿದ್ದಿದ್ದೀರಿ. ಈಗ ನಾವು ರಸ್ತೆ ಮಾಡಿಸ್ಕೊತ್ತಿದ್ದೀವಿ ಎಂದು ಗುತ್ತಿಗೆದಾರರ ಪತ್ನಿ ತಂದ್ರೆಕೊಪ್ಪಲು ಗ್ರಾಮಸ್ಥರನ್ನು ಈ ಹಿಂದೆ ಟೀಕಿಸಿದ್ದರು. ಇದರಿಂದ ಬೇಸರಗೊಂಡಿದ್ದ ಜನರು ಆಕ್ರೋಶ ವ್ಯಕ್ತಪಡಿಸಿದರು. ಈ ಹಿನ್ನೆಲೆ ಗುತ್ತಿಗೆದಾರ ಮಹೇಶ್ ಶಾಸಕರ ಮುಂದೆ ಗ್ರಾಮಸ್ಥರಲ್ಲಿ ಕ್ಷೇಮ ಕೇಳಿದರು. ಶಾಸಕ ಡಿ.ರವಿಶಂಕರ್ ಮಧ್ಯಪ್ರವೇಶಿಸಿ ಇಬ್ಬರ ವೈಮನಸ್ಸಿಗೆ ತೆರೆ ಎಳೆದರು. ಇಲ್ಲಿ ರಸ್ತೆ ಕಾಮಗಾರಿ ಕಳಪೆ ಆಗಿಲ್ಲ. ನಾನು ಪರಿಶೀಲಿಸಿದ್ದೇನೆ. ಗುತ್ತಿಗೆದಾರರ ಪತ್ನಿ ಮಾತು ಬೇಸರ ತಂದು ಇಷ್ಟೆಲ್ಲ ನಡೆದಿತ್ತು. ಈಗ ಎಲ್ಲರ ಸಮ್ಮುಖದಲ್ಲಿ ಎಲ್ಲವನ್ನೂ ಸರಿಮಾಡಲಾಗಿದೆ ಎಂದು ಶಾಸಕ ಡಿ.ರವಿಶಂಕರ್ ಹೇಳಿದರು.

ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಸಮಿತಿ ತಾಲೂಕು ಅಧ್ಯಕ್ಷ ಉದಯಶಂಕರ್, ಲೋಕೋಪಯೋಗಿ ಇಲಾಖೆ ಎಇಇ ಸುಮಿತಾ, ಕುರುಬರ ಸಂಘದ ಅಧ್ಯಕ್ಷ ಶಿವಣ್ಣ, ಗುತ್ತಿಗೆದಾರ ಮಹೇಶ್, ರೈತ ಮತ್ತು ಕಾರ್ಮಿಕ ರಕ್ಷಣಾ ವೇದಿಕೆ ಜಿಲ್ಲಾಧ್ಯಕ್ಷ ತಂದ್ರೆಕೊಪ್ಪಲು ಮಂಜುನಾಥ್, ಮುಖಂಡರಾದ ರಂಗೇಗೌಡ, ಕರಿಪುಟ್ಟೇಗೌಡ, ನಾಗರಾಜು, ಧರ್ಮ, ಪಾಪೇಗೌಡ, ಡಿಸ್ ರವಿ, ಬಸವರಾಜು, ಅನಂತ, ಪ್ರಕಾಶ್, ಹರಂಬಳ್ಳಿ ನವೀನ್, ಶ್ರೀನಿವಾಸ್, ಭೇರ್ಯ ಸಚಿನ್, ಗಾಡಿಗಣೇಶ್ ಇತರರು ಇದ್ದರು.