ಈ ಸಂದರ್ಭ ಇನ್ಸೂರೆನ್ಸ್ ಕಂಪನಿಯ ಹೆಸರು ಹೇಳಿಕೊಂಡು ವಂಚಕನೊಬ್ಬ ಲಲಿತಾ ಅವರಿಗೆ ಕರೆ ಮಾಡಿ ಕಂಪನಿಯಿಂದ ಆಗಿರುವ ಸಮಸ್ಯೆಯ ಕುರಿತು ಪತ್ರದ ಮೂಲಕ ತಿಳಿಸುವಂತೆ ಕೋರಿದ. ವಂಚಕನ ಮಾತು ನಂಬಿದ ಲಲಿತಾ ಅವರು ಪತ್ರ ಬರೆದು ವಂಚಕನ ನಂಬರ್ಗೆ ವಾಟ್ಸ್ಆ್ಯಪ್ ಮಾಡಿದರು. ನಂತರ 60 ಸಾವಿರ ರೂ. ಹಣ ವಾಪಾಸ್ ಪಡೆಯಲು 20 ಸಾವಿರ ರೂ. ಪಾವತಿಸುವಂತೆ ಸೂಚಿಸಿದ. ನಂತರ ವಿವಿಧ ಹಂತಗಳಲ್ಲಿ ವಿವಿಧ ಕಾರಣಗಳನ್ನು ನೀಡಿ ಹಣ ಪಾವತಿಸುವಂತೆ ವಂಚಕ ಹೇಳಿದ ರೀತಿಯಲ್ಲಿಯೇ ಇವರು ಒಟ್ಟು 20,07,561 ರೂ. ಪಾವತಿಸಿದ್ದಾರೆ. ಆದರೆ, ನಂತರ ಹಣ ಬಾರದೆ ಇದ್ದಾಗ ವಂಚನೆ ನಡೆದಿರುವುದು ತಿಳಿದು ಬಂತು. ಈ ಕುರಿತು ಲಲಿತಾ ಕೃಷ್ಣದಾಸ್ ಬುಧವಾರ ನೀಡಿದ ದೂರಿನ ಮೇರೆಗೆ ಸೆನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
