ಕಾವೇರಿ ಭೋರ್ಗರೆತಕ್ಕೆ ಪ್ರವಾಸಿಗರು ಫಿದಾ

ಸಾಲಿಗ್ರಾಮ :

ಇತಿಹಾಸ ಪ್ರಸಿದ್ಧ ಚುಂಚನಕಟ್ಟೆ ಶ್ರೀ ಕೋದಂಡರಾಮ ದೇವಸ್ಥಾನದ ಬಳಿ ಮೈದುಂಬಿ ಹರಿಯುತ್ತಿರುವ ಕಾವೇರಿ ನದಿ ಪ್ರವಾಸಿಗರನ್ನು ಕೈಬೀಸಿ ಕರೆಯುತ್ತಿದೆ.

ಚುಂಚನಕಟ್ಟೆ ಸಾಲಿಗ್ರಾಮ ಮುಖ್ಯರಸ್ತೆಯ ಕಾವೇರಿ ಸೇತುವೆ ಬಲಭಾಗದ ಧನುಷ್ಕೋಟಿಯಲ್ಲಿ ಕಾವೇರಿ ನದಿ ರಭಸವಾಗಿ ಮೈದುಂಬಿ ಹರಿದು ಸುಮಾರು 60 ಅಡಿ ಎತ್ತರದಿಂದ ನೀರು ಧುಮ್ಮಿಕ್ಕುವ ದೃಶ್ಯ ನೋಡುಗರನ್ನು ಮಂತ್ರಮುಗ್ಧಗೊಳಿಸುತ್ತದೆ.

ವಾಚ್ ಟವರ್, ರೂಂಗಳು, ಕ್ಯಾಂಟೀನ್ ವ್ಯವಸ್ಥೆ ಕಲ್ಪಿಸಲು ಎಲ್ಲ ಅನುಕೂಲಗಳಿದ್ದರೂ ಪ್ರಸೋದ್ಯಮ ಇಲಾಖೆಯ ನಿರ್ಲಕ್ಷೃದಿಂದ ಕಾರ್ಯಗತವಾಗಿಲ್ಲ . ಇದರಿಂದ ಪ್ರವಾಸಿಗರಿಗೆ ಇರುವ ಸೌಲಭ್ಯಗಳು ಬಳಕೆಗೆ ಬಾರದಂತಾಗಿವೆ. ಇಲಾಖೆಗೂ ಆದಾಯ ಬಾರದಂತಾಗಿದೆ. ಶೌಚಗೃಹ, ಕ್ಯಾಂಟೀನ್ ಹಾಗೂ ರೂಂಗಳು ಸೂಕ್ತ ರೀತಿಯಲ್ಲಿ ನಿರ್ವಹಣೆ ಮಾಡಿದರೆ ಪ್ರವಾಸೋದ್ಯಮ ಇಲಾಖೆಗೆ ಆದಾಯ ಹೆಚ್ಚಾಗುತ್ತದೆ. ಆದರೆ ಸರ್ಕಾರ ಚುಂಚನಕಟ್ಟೆ ಫಾಲ್ಸ್ ಅಭಿವೃದ್ಧಿಗೆ ನಿರ್ಲಕ್ಷ ವಹಿಸಿದೆ.